بصراحه

فيصل بن تركي وطلال بن بدر كيف حالكم

ما قصرتو الصراحه يكفي بطولات
جاء الوقت اللي تستريحون وتريحونا وتتركون النادي لغيركم
معد نبي امير وما امير

نبي ناس كاش الكاش

شفتو اشلون استنفار الاتحاد اول ما حسو بالخطر
شفتو الاهلي كيف صار اللحين

ناس تشتغل واحنا نحضر التمارين ونقشم حب (وناكل علك)
لا يغركم وصولنا لنهائي كاس خادم الحرمين والله صدفه

جمله اصبرو معد تمشي معنا
جمله هذا اول طريق التصحيح ما تمشي معنا
تخدير الجماهير معد يمشي معنا
مساله اذا حسو بقلبه يوقعون مع لاعب تسكيته معد تمشي معنا
مساله لعيبه مثل الكوري ومالك معاذ وغيره كثير معد يعني رخيص وكويس معد تمشي
خلق المشاكل والنادي مسحور وتشتيت الجمهور معد تمشي

يكفي عبث بتاريخ هالنادي
المجاملات دمرت النادي
يا ناس حتى الملك طقطق عليكم
مسخره بالعربي ونستاهل
الاداره تقول فصل 1/ا بس يتهاوشون ويحفرون لبعض
حتى داعمين طفشتوهم

انا ما حز بخاطري الا جمهور الاهلي يوم يقولون الملكيه صعبه قويه
( جاء على بالي ايام ماجد عبدالله والرمز الله يرحمه )


نبي اسماء كبيره ما نبي عاهات
نبي نشوف عمل حقيقي ( ونجني ثماره )
نبي ناس عندها فكر
نبي نستفيد من نجوم النادي السابقين

مشهد لن انساه :
دمعه فهد الهريفي قهرا على حال النادي