استأذنك .. بسافـر ايـام .. وآجيـك

استأذنك .. بسافـر ايـام .. وآجيـك

وان طالـت ايّـام السفـر .. لاتحاتـي

حتى ولـو طوّلـت .. مانـي بناسيـك

ياللي بدونك .. ويش تسـوا حياتـي؟

تامر على حاجه؟؟ .. بودّعـك واليـك

عسى عوّض الايـام .. فـي المقبلاتـي

حتى يدي .. ماودّهـا تفـارق يديــــــك

ساكت .. وانا اشوف البلا في سكاتـي

ماشفتني لارحت منك .. التفـت فيـك

بـلاي والله (( روحتـي والتفـاتـي))

لكن قبـل مـاروح .. ودي اوصيـك

وانت الوحيـد اللـي يقـدّر وصاتـي

لاحدٍ سالك .. وقالك ((وين مغليك؟؟))

قلـه: " لـوازم لاقضـاهـا بيـاتـي "

وان طروا النسيـان .. مانـي بناسيـك

يـاراس مالـي فـي الحيـاه .. وغناتـي

وان طروا السلـوان .. مانـي بساليـك

طيفك معي حتـى وانـا فـي صلاتـي

قلبي .. وهـو قلبـي اذا مـرّ طاريـك

لولا ضلوعـي .. كـان عـزوا مماتـي

لو جض صدري .. كان يمديـه ياتيـك

ويبـات عنـدك .. ويهنـى بالمبـاتـي

انا .. وقلبي .. والغلا .. ساكـنٍ فيـك

وانته .. وقلبك .. والغلا .. وسط ذاتـي

غلاك .. مثل الحكـم عـــنـد المماليـك

اكـبــر طموحــــي .. لا .. كـل امنياتـي

شف فـي غيابـي ايّ حاجـه تسليـك

لاني بعدك .. اسلى مـع (( ذكرياتـي))

احــــاول اذكـــر .. اي شـــيٍ يـطريــك

"واقول هو سوا .. وانـا ذي سواتـي "

كني مـوادع .. كــل شـيٍ حــواليـك

وكني حسبت حساب ((حزة وفاتـي))

احب ... لاني مقدر انسـاك ... وآبيـك

ولا اقـدر اخليـك .. ياللـي تحاتـي

معنى احب .. وماقدر انسـى واخليـك

((يعني بدونك ويش تسـوا حياتـي؟))

مما راق لي

صح لسانك يعطيك العافيه خيااااااااااااااال القصيده

رٍوٍوٍعـه ـآإلقصيدهـ ....

الغيث ..

رٍـآإق ليٌ مـآإ قد رٍـآإق لك .. ذوٍوٍق ..

تقبل مرٍوٍرٍيٌ ..

ابيات رائعه
يعطيك العافيه
رائع في اختيارك
دمت بود

شـــــــــــــــــــــكـــــــــــــــــــرا" يـــــــــــا الـــــــــــــــــــــــــغـــــــــــــــــــلا


يـــعــــطـــيـــك الـــــــــــــــف عــــــــــــافـــــــــــيــــــــــــة


لك خالص الود والحب مع التحية


فــيــصــل

يعطيك العااافيه أخوووووي الغيث
طرح رائع وراقي
لاعدمناا هـــ التميز
ننتظر الجديد من آبداعاتك القادمة...

مشكوووووور والله يعطيك الف عافيه

بصراحه كل كلمة احلا من الثانية الف شششكر لك عوافي

ابيااااااات راااااائعه


وانتقاء راااااقي ومميز .. الغيث



لاعدمنا جديدك