قصيديتب ياحلو صوته وبشويش

ياحلو صوته حبيبي يوم كلمني
الله على صوته ويازين ضحكاته

صحيح خجلان لكن صوته اطربني
فديت صوته وجواله ودقاته

اقول احبك وهو محرج يجاوبني
وانفاس صدره تجاوبني بزفراته

يقول يكفي ترى مابيك تحرجني
والقلب من زين صوته زاد دقاته

حاولت اخفف ولكن مايطاوعني
قلبٍ من اسباب فرحه زاد خفقاته

ناديته وقال سم وقلت تسمعني
قال اسمعك ياهوى بالي ومشتهاته

قلت اطلبك قول كلمة حيل تفرحني
انطق بها عوض المحبوب مافاته

قال استحي قلت تكفى لاتجنني
قلها قبل يعـلن الجوال منهاته

تلعثم وقال احــبــك يــامجنني
معك انت عشت الجنون بكل نوباته

رددت اغني احــبــك يامعذبني
(وانا بعد )قالها يازين همساته

فجأه سمعت الرصيد يقول يحادثني
باقي معك ون منت ثم نعلن سكاته


****


بشويش ...حبني ..
حبني ..بشويش ...
لاتندفع في حبي ...
..ثم تملني ...
ما أبي حب ....متهور ...
حب ثاير ...
حب طيش ...
ما أبي حب ...يدمرني ...
ويذلني ...
بشويش حبني ...
حبني ...بشويش ...
من أول ...وفا ...
لآخر جفا ...
إرفق بي ...لاتتلني ...
إقراني ..سطر سطر ...
حرف ..حرف ..
بلا تجاهل ...ولاتهميش ..
وإكتبني تكفى ..
مسألة حب ...
لغز ...قلب ...
وتكفى ...حلني .....
بشويش حبني ...
حبني ...بشويش ...
ولأرقى المعاني ...
ياحبيبي ...دلني ...
حبني ...
حب واضح ...
بلا تذبذب ...بلا تشويش ...
خلني ..عبر الأثير ...
جعلي فداك ...
خلني خلني .

مشكوووووور والله يعطيك الف عافيه

نص رائع
سلمت يمناك
ويعطيك العافيه
ودي لروحك

الله يعطيك العافيه

ملاك العالمي