ترى الرجال عيبه بجيبه (قصة شعرية)

قصة حقيقية لأحد رجال الهيئة البواسل مع فتاة تائبة حكاها لي بنفسه وطلب صياغتها في أبيات شعرية لتكون عظة وعبرة..
كانت البداية على لسان الفتاة بقولها:

"تكفى طلبتك استر اليوم ماصار"
تقولها والدمع زاد بصبيبة
تكفى طلبتك... المرة عيبها عار
وإلا ترى الرجال عيبه بجيبه
مصيبتي في دنيتي اضرمت نار
مصيبتن ياكبرها من مصيبة
والناس لو تدري ترى بيتي إنهار
تقولها والصوت بح بنحيبه
والله لتوب وأغسل الذنب بأنهار
وابدل قحط قلبي رياضن خصيبة
قلت: اسمعي يابنت الاجواد الأخيار
ياللي من ذنوبك حياتك كئيبة
احتال فيك اللي بالأعراض غدار
و مثل عليك بقولته : يالحبيبة
وأحلى الكلام اليوم ذقتيبه أمرار
واضرار وآلام ومآسي وخيبة
يابنت وين الخوف من رب الأقدار
ووين الحيا اللي يكسي البنت هيبة
لكن عسى التوبةلك حصون واسوار
وعسى الهداية عندك ارضن رحيبة
وعسى الذي لك صار عبرة وتذكار
وعظة و عبرة للعقول اللبيبة
ويابنت حنا بنستر اليوم ماصار
من دون "تكفى" ستركم نبتديبه

ما راق لي للشاعر/مشعل معتق الشويمس

موضوع قيم بــــارك

الله فيك الله يعطيك العاافيه

باانتظار ابدعاتك القادمة

الله يجزاه خير على الستر ومن ستر مسلم على الارض ستره الله يوم العرض ...
وبيض الله وجه الشاعر على القصيده الشامخه وصح الله لسانه والله لا يهينك على النقل الراائع...

الله يستر على جميع المسلمين ..

صح لسآآآآآن شااعرهااا وسلمت يمناك على الانتقاء الراقي

يعطييك العااافيه ..

الله يعطيك العافيه... والله يوفق كل من ستر ع مسلم ومسلمه