رسالة من مشجع نصراوي !!!!!!!

ملاحظاتي من الملعب!
=كما هي العاده جماهير النصر لا تملاء المدرجات الا قبل المباراه بربع ساعه ,, وكان الحضور اليوم جيد نوعا ماء بسبب انه يوم الجمعه وايضا في الملز والسبب الاكثر حتى لا يتوفق علينا جماهير الشباب !.

=اعجبني ذاك المشجع النصراوي حينما انتهت المباراه بفوز الشباب قام بالتصفيق للاعبين النصر ,, رغم الانتقادات من مشجعين النصر له الا انه قال عباره اعجبتني ( انا مشجع نصراوي ولازم ان اشجع فريقي ماني مشجع فريق اخر حتى احبط لا عبيني ) ارفع القبعه احتراما للمشجع المخلص !

=هل اسميها عقوبه الاهيه ! ذاك الهدف الشبابي الذي اتدى في نهايه الدقيقه اربعه ! بسبب شماته جماهير النصر في الدقيقه رابعه وترديدها (العالميه صعبه قويه ) موجهه رساله خاصه للهلال وتذكيرهم بنتيجتهم امام اولسان الكوري !! للاسف انا اندفعت ورددتها خلف الجماهير !

=عبارات بلاطه و بروست وعشره نفر يرددها جماهير النصر قبل المباراه وفي المباراه ,, وبعد المباراه جماهير الشباب تخرج فرحانه j ثقافه احترام الخصم مهمه .

ملاحظاتي في المنتدى !
=عجبي على تلك الجماهير التي تطالب الجماهير بحضور المباراه وفجئه تكتشف انها تضع موضوع بعد نهايه المباراه مباشره ! كيف تطالب الجماهير بالحضور وانت لم تحضر ! ( عذرك برى الرياض قبلناها )

=عجبي لتلك الجماهير تصفق بقوه لذاك الاعب لان فريقه فاز وفجئه ينقلب الحال في حاله الخساره,, يا ابيض يا اسود

=عجبي لتلك الجماهير تتصيد غلطات بعض الاعبين فقط لانهم ( لم يدخلو مزاجهم ) وتطبل لذاك الاعب ( لانه عاجبه ! ) ,, يمكن اكون انا اولكم l .

=عجبي لتك الجماهير التي طالبت بابعاد السهلاوي واشراك سعود ,, هل اقتنعتم ان السهلاوي هداف النادي رغم بروده الي يرفع ضغطي وضغطكم !

=الكل بالمنتدى اصبح مدرب ! ويضع التشكيله وان اصابت قام باحضار الرابط السابق لا اثبات انه ذات النظره الفنيه البحته ! وان لم تصب ( ما كانه صار شيء ماحد درى )

رسالتي : ان تكون عاشق للنادي ومن مشجعيه عليك ان تدعم الاعبين وتهتف لهم وتشجعهم وان اخطأو فهناك اداره ومدرب يتولو امر الاعبين, اتمنا الابتعاد عن التجريح فهم بشر .

ملاحظاتي الفنيه بشكل اجتهادي مني ,,
=عبدالله العنزي لاعب شاب وينقصه التوجيه السليم !!!

=حسين عبدالغني لاعب جيد لا يختلف عليه اثنين , وهو في المباراه القادمه موقوف , افرحني الايقاف لانها فرصه للاعب اخر لاثبات جدارته ! حسين سوف ياتي يوم ويعتزل والى الان لم نجهز البديل !

=خالد الغامدي حماسي ومهاري ,, لكن متسرع ينقصه التوجيه والتشجيع,

=ابراهيم غالب , الله يوفقك

=محمد عيد: انت مدافع نعول عليك كثيرا بعد الله في الوصول بنا الى ماهو ابعد باذن الله فلاتحزن

=شوكت لاعب يستطيع توزيع كرات واستخلاص الكرات الساقطه ,, لكن عيبه ثقيل جدا جدا جدا ,,

=حسني اتذكر في مبااراه الاتحاد ابدع كثيرا في جهه اليمنى

=الزيلعي : نجم يحترق من اجل الشعار وهو في دكله البدلاء ! صحيح له هفوات لكن يحتاج منكم منحه الثقه الكامله والتشجيع ,,

=عبدالرحمن القحطاني : لاعب سريع وصاحب قدم قويه ! لكن يعيبه انه ما يشغل مخه ولا يجيد قطع الكره ! نص ساعه كافيه له للعب واعطاء غيره فرصه .

=ايوفي : جميع اشتراكاته مع مدافعين الخصم فاول للخصم ! مدري وش السر ,, نريدك مهاجم يسجل من انصاف الفرص.

=سعود حمود ! شكله دكت البدلاء مشتاقه لك ! انت نجم بالفطره بس ليه ما تحترق عشانا وعشان الشعار !

رسالتي للاداره : ادفعو مليون وجيبوو طبيب نفسي للنادي احسن من انكم تدفعو عشره مليون لمحترف ! نريد ان نتخلص من نرفزه الاعبين والاحباط الداخلي لديهم ,, نريد طبيب يحفز الاعبين على ثقافه الانتصار

رسالتي للقارء : انا اثق ان هناك اشخاص يخالفوني وجهات النظر ولكن اثق اكثر انهم لا يخالفوني حب نادي النصر , تحياتي للجميع

كلام سليم ومنطقي وواقعي احسنت

كلام جمييل وخصوصاً في جزئية ثقافة احترام الخصم.... الف شكر لك اخوي على النص ولاهنت...

يعطيك اللف عاافيه وبالتوفيق للنصر

اشكرك لطرح اخوي ولاهنت
بالتوفيق للنصر

طرح غايه في الروووعه يسلموو دياتك مبدعنا الكبير وكاتبنا المميز لاخلاولاعدم

الله الله عايد طرح في غايه الروووووووعه
بالتوفيق للنصر
مالنا حيييله سواء الانتظار والتشجيع مهما كان

رسائل جميلة منك أخوي عايد . .
نحتاج إلى عقليات مثل عقليتك لنشرها بين الجماهير . .

أحييك أخوي على الموضوع . .