يا باغي العليا لها عشرة بنود *** سجل وانا بمليك واحفظ عددها

ياباغي العليا لهـا عشـرة ابنـود .
سجل وانا بمليـك واحفـظ عددهـا
.
من شان مايلحقك عيـبِ ومنقـود
احفظ وصاتي والوصـاة اعتمدهـا
.
اوصيك يأخالد قبل الجسم يدبيبـه الـدود
في حفرةِ لابـد نسكـن لحدهـا
.
دنيا العنا فيهـا مشاريـب وعـدود
وكم واحدِ له حاجــةِ ما وجدهـا
.
عليك بالتقوى ترى العمـر محـدود
واردع هوى النفس الدنيـّه وقدهـا
.
واحفظ صلاتك تكسب الرزق والفود
تكسب مكاسيـب الحيـاه وسعدهـا
.
وصوم رمضان وزك يالشامخ الطود
ترى البيـوت النايفـه مـن عمدهـا
.
وجالس هل التوحيد والعز والجـود
واتـرك مقاريـد العبـاد وقردهـا
.
اللي على التفريق ياتونـك احشـود
فصيلـةِ دب الجهـل فـي جسدهـا
.
واحسن جوار الجار لو كان مقـرود
لـو جـار نفسـك لاتبيـّن نكدهـا
.
والضيف عطه الطيب والطيب مردود
اكسـب جنـاب الطيبيـن وسندهـا
.
عقب الشحم والبـن قدم لـه العـود
حيثك من اللي مـن لفاهـا حمدهـا
.
وبنت الردي لو هي زلالِ وقرهـود
حـذراك تقربهـا وتمسـك بيدهـا
.
خذ بنت قرمن عند الاجواد محمـود
لا جا نهار الهـوش بيـن ولدهـا
.
وزلة رفيقك لالفـت دون مقصـود
لاتمسـك الزلـه وهـو ماقصدهـا
.
ثـلاث مررهـا ولا شـك بشهـود
والرابعه شـب الحطـب لا وردهـا
.
هذي عشر وان كـان تبغينـي ازود
سجّل على عشر الوصايـا وزدهـا
.
الظلم شين وتالـي الظلـم مـردود
والغيظ شيطـان القلـوب وكبدهـا
.
والصّمت زينه والحكي سيف محدود
والحقـد غيمـه والتباغـظ بردهـا
.
فكر وميـّز واعرف البيض والسـود
واحذر قلوب الحاسديـن و حسدهـا

ياخوك بين الناس طـارد و مطـرود
ما تجهلك بعـض الحـرار و هددهـا

وان ضامتك دنياك واصبحت مضهود
فاطلب من المولـى يحلـل اعقدهـا
.
الواحد اللي كلبينـا لـه اسجـود
اللي جميع اعمـال خلقـه رصدهـا
.
هذي نصيحه وانت معطيني اوعـود
واهل الوفى والعرف توفي وعدهـا
.
قدمتها بالمسـك والطيـب والعـود
زرعتها لك زرع و انـت اتحصدهـا
.
حميتها مـن دون ملحـن وبـارود
خوفِ عليهـا المنتقـد ينتقدهـا
.
وختامها العليا لها اشـروط وبنـود
ياللي تبـا العليـا تمعـن وعدهـا

الله يعطيك العافيه اخوي ابيات راائعه اشكرك عليها ولاهنت
ودي,

الله رووعه رااقت لي ابيات في غاية الجمال سلمت اناملك اخي
لاعدمنااك ي لغلا

ابيــــــــــــات حكممه في غاية الجماال

مبدععع اخوي ..يعطيكك العاافيه

لاااهنت..

ابيااات في غاية الجماليه وصح الله لسان الشاعر محمد بن راشد المري ولاهنت على النقل...

ابيات رائعه
يعطيك العافية اخوي ماجد
تحياتي لك
جوجل

صح لسان قايلها
و سلمت يمينك با ماجد على هالإختيار الجميل و الحكيم
ألف شكر عزيزي
^_^