Yk للطيب درب .. وللرخامه متاهات *

الــســلآم ع ــلــيكــم ورحمه اللهبــركـاته


***


يالله ياللـي فـوق سبـع السمـاوات
تفرج لحال اللـي عصته الليالـي

سايرتها بسكـات بسكـات بسكـات
واقول بكره يصلـح الله حالـي

ماودي اشكي عنـد عـاذل وشمـات
ولابي علي الناس تلقى مجالـي

اقضي طـوال الليـل نـوح ٍوونـات
والناس ماتدري عن اللي جرالي

صبـرت واستبدلـت قولـي تنهـات
وتسابقن دمعات عينـي توالـي

عليـك ياحلـم ٍاشوفـه ولا مــات
رغم الحضوض النادرات القلالي

لك الذي مـا تختلـف فيـه هقـوات
ماتختلف هقوة رفيـق ٍعنالـي

لاوالله اثبت والحق القـول بأثبـات
والقول ما يثبت عزوم الرجالـي

لاوالله الى الفعـل والفعـل بالـذات
محد ٍيقول المر يانـاس حالـي

للطيـب درب وللرخامـه متـاهـات
ويالي بغيت الطيب اسمع مقالي

صـل الصـلاة وادكـل العـبـادات
واسجد لوجه الله عزيز الجلالي

وللوالدين حقـوق ذكـرت بالايـات
ياجب عليك اصغاااء ثم امتثالي

ثم عقبهـا لاتلحـق النـاس نمـات
اوزن كلامك يرفعك فوق عالـي

ترى لسان الشخص للشخص مرئـاة
إن اعتدل عدلت وان ملت مالي

واحرص على وقتك ترى الوقت لافات
تندم على فوتـه ليـال ٍطوالـي

لاصـار مـا شيـد شبابـك بنايـات
لاصرتشايب ما بنيت العوالي

شيدلك من الطيب قصـر وعمـارات
تذكر بهالاصرت تحت الرمالـي

اسمع كلام الناس وانظر للامـوات
واختر لنفسك ماتريـده يقالـي

واحذر ترى للنفس رغبه وشهـوات
ان طعتها راحت عليك المعالـي

( طرد الهـوى ذلـه ولافيـه شكـات )
( ياما تنزل مـن سبايبَه عالـي )

ولا تلحقك من قلـة الحـال ضيقـات
خلك على ماقال صدرك شمالي

اضربهـا واحـذر تطيـح بمغبـات
ولا تنفتن نفسك بطرد الريالـي

واعرف ترى غال الكنوز القناعـات
من فاز فيها فاز والفوز غالـي

ولا تخـوَف مـن نهايـة بـدايـات
خلك على كل الامـور ارتجالـي

الخوف يرمـي صاحبـه فالهزيـلات
ويثنيه عن كسب الامور الجزالي

الموت مره لكـن ان خفـت مـرات
والله ما تمشي حياتـك عدالـي

خالط جميع النـاس كـون علاقـات
لا تجلس لحالك تصير انعزالـي

لكن بنفس الوقت ياصـاح هيهـات
تمشي بهواك الناس في كل حالي

( فالناس طيب واكثـر النـاس عيَـات )
( رافق هل الطولات خل الثعالـي )

والجـار كثـر جيتـه والـزيـارات
سيَر ترى الدنيا سريعة زوالي

فنجال بن وعـود ٍ ازرق وضحكـات
تشيل هم الـي همومـه ثقالـي

مافـات فـات وماهـو اتــي ٍ آت
اسمع كلامي وافهمـه للتوالـي

الدين لا ترضى على الديـن خمـلات
هاك الكلام الي يهـز الجبالـي

والله ما ترضى عليـك الولايـات
الين تتبع درب ذيـك الملالـي

جاهد عـدو الله فـي كـل الاوقـات
بالحال ولا المـال ولاالعيالـي

ثـم الوطـن احيـان تاتيـه حـزات
تبي رجالن يحملون الحمالـي

وقـف بعـزة نفـس قلـه سلامـات
يالمعتدي فالعقل جاك اختلالي؟؟

هاذي لأهل الطيـب مثـل العلامـات
نضمت فيها كل كـار ٍ طرالـي

وللطيـب درب وللرخامـه متاهـات
وياللي بغيت الطيب طبق مقالـي


وسلامتكم

ابيات في غاية الروعه والف شكر لك على الفكر الراقي ولا هنت...

وللطيـب درب وللرخامـه متاهـات
وياللي بغيت الطيب طبق مقالـي


كفوو ي بعدي في الصميم ..

مشششكوور عالطررح اخووي مااجد
ابياات رااقت لي
تقبل مرووري اختكك
"الاميرة الصغيره"

آبيآت ف قممةة آلروععه :$
آسمتعت فعلآ _ آختيآر جميل
يعطيك آلف عآفيه
نوددآ

ابيات روعه اشكرك اخوي ولاهنت

قصيدة رائعه من اولها لاخرها
يعطيك العافية على الاختيار المميز
تحياتي لك