قصتي مع النصر والكفر اللي الى الان ما لقيته...... "قصة ترويحيه"

كلن له مع العالمي قصه يمكن انها جميله يمكن محزنه بس
الوكاد انها لعيون العالمي تهون ..

لما تقرب مباراة النصر وبالاخص قبلها بيوم تحس ان شخص
عزيز عليك تنتظر لقائه وكل للحظه تمر تحس دقات القلب كل
ما لها تزيد .. ما تجي المباراة الا وانت مستوي,,
قلبك مسوي سامري ومستنزل ....

عاد انا يوم المباراة كنت مجهز الشاي والجلسه ومسوي
حالة استنفار فجأه !!!!!!!!!!! يبه ابي اروح السوق اجيب
عدة خياطه طالبتها مني الابله
@@@***^^%%$$#### (طبعا قاعد اتحلطم في نفسي)
بعد دقيقتين من الصدمه والاندهاش والفجائه والسكون المحيط
بي ... وتذكرت حقوق الانسان وجماعتي اللي بيشرهون علي اني
طرت واحد من عيالي ..

خضعت للامر الواقع وقلت لهم مشينا ....انا قلت مشينا وركبت السياره
طالعت وراء لقيت العيله المبجله متسدحه في الاسيات الخلفيه ..نبي
نروح معك ..حسيت اني في عالم مظلم و انه انا مو انا وخذيت لي سنكرز
برضه ما فيه فايده جلست مصدوم دقيقه ونص (طبعا اقل من الدقيقتين اللي قبل
لاني تعودت على الصدمات)...مشينا للسوق المكان اللي يبيع هالشغله موجود
في اخرالمدينه .... باقي على المباراه ساعه !
وانا اسوق ما ادري بس احس ان العالم من حولي يمشي بطئ (تقول اعادة لقطة قول تسلل )
الشيء الغريب ان الساعه تمشي بسرعه !!!! وانا ضايع بين النقيضين ....

تعرف وانت عجل و وسط السوق تحس ان الناس اللي قدامك كلهم متفقين عليك
ويتعمدون تأخيرك (كنك منفرد بين المرشدي ونامي ) وصلنا ابشركم ما امداني
اوقف السياره وناظر وراء االا السياره فاضيه بسم الله وين راحوا !!!!!

خمسه واربعين دقيقه من الانتظار طلعوا من المحل ...انا تصورت ان الشغله
بسيطه اتاري الجماعه ناوين على السوق بعذر المدرسه كلن يسحب له كيس
طبعا ان قلت في نفسي يا ولد يمكن هالشي يكون له مردور ايجابي والنصر يفوز
خليني احتسب الاجر .....

توجهت للبيت ونفس سيناريو الجيه بس هالمره منفرد على القول بين النامي
والمرشدي وقدامك البيشي ...
وانا مار في شارع فرعي وابي اللف فجائه .........................!!!!!
طلعلي واحد من الشباب حاط رجله ويحدني واضرب في الرصيف وينفجر
الكفر .....في اللحظه هذي تذكرت قول طلال المشعل في الهلال في اخر دقيقه
لما الغاه الحكم وتبخرت فرحة الفوز ....

ركبت الاستبنه وغيرت البنشرفي اقل من دقيقتين اسرع بنشري في العالم
ورحت البيت تركت الاهل في السياره ورحت اشوف المباراة والاقيها 2/0
للاهلي ..سبحان الله المصايب ما تجي الا توالي ورا بعض ..دخلوا الاهل
على بالهم ان النصر فايز واني بكون مبسوط وناسي كل هالمشوار
واللي صار فيه ..ولما عرفوا النتيجه تناقزوا غرفهم والى الصباح
ما شفت احد

اليوم الثاني والثالث وللشهرين وثلاثه مالقيت كفر من نفس النوع
ومازلت استخدم الاستبنه ...................

خلف الكواليس :

* المباراه انتهت 3/1 للاهلي
* بالنسبه للكفر الى الان ما حصلته قيمته 2200ريال ولا هو بموجود
* طبعا للتوضيح انا مقيم بسلطنة مسقط فلا تستغربوا اني ما اللاقي الكفر
* بنتي وعائلتي مازالو احياء يرزقون معي .
***والنصر مازال عشقه في قلبي كبير وتفداك الكفرات كلها ***

هههههههههههههههههه

لبى قلبك وكلك يا اخوي وحياك الله

فديت هالقصه وربي قاعد اتخيلها

ويا شين يوم تنتظر مباراة وشوي يجيك احد يقلك نبي السوق ويصايحون ووووالخ

تحس انك مخنووووووووووووووووق هههههههههههههههههه مالك مفر


تسلم على القصه وفعلا يفدى النصر الف سوق وكفر

ودي

هههههههههههههههههههههههههههه
بجد انك روووووووووووعه

والله لاااجد من تعابير الاعجاب والكلام
بهذه القصه
الرائعه
رغم مواقفها المأسويه
الا انها موغله
في جمال الكوميديا ربما السوداء كما يقال
اصغت لنا بأناملك
رواية فيها كثير من التسليه وايضا
فيها الكثير من بوح
العشق
لهذا الكيان والتضحيات التي دائم
ماتكون ديدن عشاقه
اشكرك جزيل الشكر واضحك الله سنك
فقد زرعت في دواخلنا
ابتسامة عريضه
بهذا السيناريوا الشيق والعذب والممتع
دمت بسعاده مفرطه
ايه الانيق العذب
ضامي بطوله

ههههههههههههه
ما توقعتها حقيقية
توقعت انها خيال
يعطيك العافية على القصة الواقعية
بالتوفيق لنصرنا فى المؤسم القادم

هههههههههههههه و قسم بالله موضوع فرفشة و ممتع و مضحك و مشوق

الله يخليلك عيالك و امهم و يخليك لهم

بالتوفيق اخوي و نتشرف فيك

هههههههههههههههههههههههههههههههههههههههههههههههه

تصدق حتى انا عندي كفر سيكل 12 عجزت احصله > اهم شي الاخلاق والرز والدجاج
اي بالله حزنتني بقصتك احسك منحوس مثلي دائمن انا وجه نكبات لنصر
اذا ماحضرتها فاز النصر > لحد يقولي يرحم امك شجع الفتح .,
ياولد مثل ماقال المثل كول مره بشوفك فيها يبى نفسي اءءء اءءء > ويش دخل .,,

الهجاج ياولد .
وبتوفيق لنصر وحيى الله اناااا ,,

هههههههههههههههههههههههههههههههههههههههههههههههه
قصه حلوه

	مشكووووووووور^*&*^والله يعطيك الف عافية وبالتوفيق للعالمي