يهمك النصر ؟ شاركني ارائك هنا

السلام عليكم ورحمة الله وبركاته
الحمدلله والصلاة والسلام على اشرف الخلق نبينا محمد عليه افضل الصلاة السلام

وش اللي صاير لجماهيرنا ؟ لها الدرجة مافيكم صبر ؟ مدرب حاطين دوبه ودوبهم لجل ان
محطاته التدريبيه عاديه قلتوا انه ماراح ينجح ؟

مدرب يلعب بدون اجانب لاحظ ( بدوووون اجانب ) ويقدم هالمستويات وتحاربونه ؟

اجماهير انتظرت 20 سنه لجل يرجع نصرنا وبفضل الله ثم فضل كحيلان رجع نصرنا
عاجزين تصبرون على كانيدا ؟

كل مافتحت جريدة لقيت خبر ( الجماهير لاتريد كانيدا ) .. الجماهير. ( كانيدا غير مرغوب فيه )
هل احد راح اشتكالهم ؟
الجماهير النصراوية العاقلة وااللي تعرف مصلحة فريقها ماتقول هالكلام ابدا

هذولا ناس موجودين في المنتدى ياخذون كلامنا ويروحون ينزلونه بالجرايد ويقولون : جماهير النصر قالت .

يالربع فيصل بن تركي عارف وش يسوي ياناس يالعالم والله هذولا ناس اعلاميين يحاولون. يزعزعون
جماهير الشمس باي طريقة خاصة اللي ينتظر اي انتقاد من اي نصراوي .

يحبون يلقون ثغرة لجل يمزمزون علينا فيها .
خلو ثقتكم بالله ثم بادارتنا اللي تسوي المستحيل لجل تعيد امجاد العالمي .
اتركوا عنكم كلام الصحف هذا ترا والله ماتجيب الا النكد والحقد على النصر فهل هذا يرضيك
ان الكل ينتقده ؟

انا عن نفسي راضي تمام الرضى ان كانيدا بأذن المولى عز وجل بيكون له بصمة بس يد وحده ماتصفق
لازم نوقف معاه ولا نخلي احد يفتح ثغره بينا .

اي نصراوي ينتقد كانيدا بكلام مايدخل العقل هو ليس نصراوي ابدا
معلق مباراة النصر والعين يقول : النصر يلعب بهالمستوى من دون اجانب يلعب بابن البلد
وربي هزتني هالكلمة ما اقول الا : ووووووووووووووو ح والقلب داعيلك ياكانيدا بالتوفيق. لنصرنا

اخوكم : فديت ابو عمر

لاهنت يافديت أبوعمر ،،،

ان كانيدا بأذن المولى عز وجل بيكون له بصمة

أتفق معك 100 %

أحترامي

كلام كبيير منك يا اخوي

لابد من تواجد الانهزاميين في الجمهور فهم لا يمثلوننا

والاجانب لم يكتملو وانشالله ينجح مع النصر

الف شكر لك يا اخوي

الجماهير متخوفة فقط ..لكن الاكيد راح يكون مع بداية الدوري او كأس السوبر ... تحياتي لك اخوك اشكرك

جزاك الله خيرا للطرح الجميل وكل التوفيق للنصر اشكرك اخوي فديت ابو عمر لاهنت

وعليكم السلام

سطرت فابدعت واحسنت في حديثك المؤدب الاكثر من رائع يا اخوي العزيز

بخصوص الانتقادات مسموح فيها ولكن وجدت مثلك ان الانتقادات اصبحت حادة ومتمثلة في طرد المدرب

وايجاد البديل وهذا ما ازعجني كثيراً لانه تردد في المنتدى بشكل متفاوت وفي هذا القسم

نجاح المدرب وفشله في علم الغيب عند الله سبحانه ولا احد يجيني ويقلي امثله ومدري وشو تبان من عصاريها

ووالخ يا حبيبي منتخبك جاب مدرب عالمي وتعرفونه زين زين ولا نجح وطول في تدريبه للمنتخب لين مشى

هل يعتبر فاشل؟؟ لا يا ابوي الفكرة باختصار ما توفق والتوفيق بيد الله اولاً واخيراً . وهذا المثال مع الكثير

من المدربين مرو على الكرة السعودية منهم كارينيو اللي ما بقى الا وشوي تطالبون بتمثال له في النادي

وهو نفس مطالبتكم قبل كذا باقالته وان سباك هاه ؟؟ وانه مدري وشو ما عنده سالفه وان الامير يدور رخيص

وكويس وكلمات كثيرة قبيحه جرحتنا كمحبين وفشلتنا امام الغير وفي النهاية صرتو تحبونه في الموسم اللي

بعده سبحان مغير الاحوال وهذا شي واحد يثبتلي ان كل المنتقدين ( بحدة ) انما عاطفتهم هي السبب في الانقتاد

بهذا الشكل دون اي ادارك لما يتحدثون به داخل المنتدى ،، شباب نجحنا او فشلنا لا قدر الله مهما كان الامر

الوقوف مع الكيان مو ضد الكيان والانتقاد بفهم كورة مو شيل وحط وبدل وبيع ونسق وما نبي فلان ( لك الحرية

في التعبير بس مالك حرية في التغيير ) والتغيير كله بادارة محكمة عاقلة لا تتخذ اي اجراء الا بدقة وعناية

ودعوة للمولى عز وجل ان يوفق خطوتهم وييسر امرهم والكل يتذكر كم تخبط سمو الامير في كذا موسم لين

وفقه ربي والان الكل يمدحه ويدعي له ونسيتم فضيحتكم يوم ترفعون الكرت الاحمر للامير ؟؟ شكلكم نسيتوها ؟؟

انا اوجه كلامي للي مخطئ وغلطان ويعرف نفسه وهي فئة قليلة نسأل الله لنا ولهم التوفيق .. اما المنتقدين

داخل المنتدى دون انتمائهم للنصر فلا عزاء على هالاشكال ( برضو اكيد تعرفون انفسكم ) .

اكرر اتركو كل مسؤول يعمل والانتقاد في نهاية الموسم اذا كنت تحب وتعشق وتفهم كورة .

نضرة التشاؤم اكرها واكره صاحبها وهالشي ذكرته علشان محد ينجرح من كلامي هذي شخصيتي وهذا انا .

في النهاية ما ابي اكثر توجيه للجمهور الوفي فهم لا يحتاجون الى توجيه فهم دائما في الموقف الصحيح .

واكرر الفريق فاز او انهزم الجمهور من واجبه يساند دام يشجع - يحب - يعشق = العالمي .

- الانتقاد بفكرة دون جرح او طرد او تحكم واساءات وحكم من بدري حتى لو متأخر كمان .


واللي يبي يفضفض حياه الله واقله مرحبا مليووووووووووووووون بس الله يرضالي عليكم مو في موضوع

مستقل لا فيه موضوع اسمه " مقهى الاساطير " شخبطو على راحتكم هناك بس بأدب وعقل .


سبحانك اللهم وبحمدك اشهد ان لا اله الا انت استغفرك واتوب اليك


ابو خالد الحكمي

اتفق معاك أخوي مدرب جيد
المطلوب منه تكتيك مناسب لكل مبارة وخطة 4-4-2 هي المناسبة للفريق
لابد ان يلعب بمهاجمين ومحورين ارتكاز وعدم الفلسفة فى للعب بثلات محاور الا ادا كنا متصدرين والخوف من الخسارة أنا مع للعب بثلات محاور فى المباريات الكبيرة
والخسارة من العين امر عادي مع الطرد وبدون اجانب مدرب جيد والله يوفقه
يعطيك العافية أخوي ع الموضوع الرائع
بالتوفيق لنصرنا الغالي

شاكر ومقدر لمروركم

أولا / كانيدا مدرب ناجح ولايحتاج شهاده وراح تشوفون نجاحه قريبا وعلى أرض الواقع
ثانيا / أشوف والله أعلم حسن شيعان بيكون حارس الموسم وذلك راح يكون بسبب هبوط مستوى العنزي وتذكروا كلامي
ثالثا/ لازم نعطي الزبيدي فرصه لأن أعتقد الموسم هذا أبو عمر مايقدر يلعب 90دقيقه بنفس اللياقه
رابعا /لازم يلعب النصر بطريقة محورين غالب والجبري وطرفين الشهري وادريان ويكون أمامهم مهاجم أجنبي سريع ومهاري وبجواره السهلاوي قناص وأهدافه من أنصاف الحلول
دمتم بود ألقاكم.

-




بسم الله.
صاحب الموضوع يشكر على كتابته للموضوع لأنه بمحلة
فعلن حصلت شكوك كثيرة بمناسبة كانيدا ومستواه
في خمس المباريات الودية و كان يلعب بمهاجم واحد
هذا الشىء قلل من مستوى اللعب واثار الجمهور
وانا منهم ولاكن اقول نشوف وش بيصير !
وهذا الشىء ماهو محور الحديث لاكن فعلن اتفق مع كلام ابوخالد
موجود مقهى ممكن نتحاور هناك افضل !
زبدة الموضوع كله ابعدو على هالكلام لنو راح يوضح
كل مابيقدمة فيه خوف ولاكن ماتوضح إلا بمستواه بعد السوبر

شاكرك لك واتفق معاك بكل كلمة
لاهنت