الالفيه ..........؟.؟

بسم الله الرحمن الرحين

احب اهديكم الالفيه :/

غاب القمر والصبح بانـت شروقـه

والعين حلـو النـوم عيـت تذوقـه

وبديت قاف(ن) وافيـات(ن) طروقـه

ألفية(ن) والمبتـدى عالـي الشـان

الألف:ألـفـت المثـايـل وبـديـت

ذكر الله اللي محصي الحـي والميـت

المعتلـي عـلام مـاكـان كنـيـت

في ظامري وأدعاني اليـوم عمسـان

الباء:بثـنـي للنـبـي والصحـابـه

حـق عليـنـا ذكـرهـم ينثنـابـه

ولامقصـدي مـن مابدعتـه طرابـه

يعلم بي اللي عالـم(ن) كـل ماكـان

التاء:ترى مايبـدع القـاف مرتـاح

ولايضحك المفجـوع حلـو التمـزاح

ولو يبدعه كنه طعام(ن) بـلا أمـلاح

ماله طعم يثر علـى الحـال نقصـان

الثاء:ثمان سنيـن والقلـب مفجـوع

لاطايع(ن) غيـري ولانيـب مطيـوع

أسهر إلى إن الفجـر بـان بطلـوع

متكدر جفنـي عـن النـوم سهـران

الجيم:جار الوقـت والوقـت مذمـوم

ولا صفالي بالهنـا منـه لـو يـوم

جار الزمان وبدل القوم فـي القـوم

ولا يذكر الأ اللي من المـال مليـان

الجا:حرار القوم ضاعت مـع النـاس

الوقـت عاداهـم وداس الـذي داس

وطاوع كثير المال لو هو من الأنجاس

وعصى بعض ياناس ذربين الأيمـان

الخاء:خـوي الطيـب ماظـن يلقـاه

اللي ليا حـدك عنـا الوقـت تنصـاه

أقفا زمان الطيب ويـن أنـت ويـاه

فقير ماعنـدك رصيـد(ن) وعمـران

الدال:دوابي من عنا الوقـت دالـوب

كن الغضى في ماسط القلب مشبـوب

عفت الطعام وعفت أنا كل مشـروب

من ذا الزمان اللي جزانـي بنكـران

الذاء:ذهب هالوقت ماهـوب صافـي

ناس(ن) يغرونـك بزيـن اللصافـي

واليـا بحثتـه بـان ماكـان خافـي

حديد ماله مع هـل الجـود ميـزان

الراء:رفيع النفـس بالديـن محمـود

لو هو فقير يـدرك الجـود ويجـود

ولو تطلبه شـئ ولاهـوب موجـود

في منزله يوقـف مواقيـف ديقـان

الزاء:زرعـت الطيـب والله شاهـد

وبالعون ماقصرت فـي حـق واحـد

أنا أحسب إن الـزرع يثمـر لحاصـد

وأثريه صبخا من زرع فيه خسـران

السين:سل عن صاحبك قبل الأسفـار

قبـل تغـرب عـن مرابعـك لديـار

كانـه عنيـد ودايـم الـدوم عسـار

خله ترى مايبصـر النـور عميـان

الشين:شـاب الـرأس والسـن تـوه

من ذا الزمـان اللـي فلابـه مـروه

يالله راعــي الطـيـب يالله قــوه

على زمان(ن) شيـب اليـوم شبـان

الصاد:صابر والصبـر درب الأفـراج

وأرجي الذي منه المخاليـق ترتـاج

أنه يفرج لي مـع الضيـق مخـراج

وأجازي الطيب على الطيب بأحسـان

الضاد:ضحك الوقـت لاتنخـدع بـه

لو هو حـلا نومـك وزادك وشربـه

الله مـن تاجـر زمانـك غـدر بـه

خلاه عقـب المـال مايملـك غـران

الطاء:طبيـب النفـس غايـة مناهـا

ولاتسمع اللي عـن طريقـه نهاهـا

كم نفس ماتـت موصلـت مبتغاهـا

أنشد وتلقـى اللـي نظمنـاه وكـدان

الظا:ظهر خافي ضميـري وسجلـت

قافي وأنا مبطي عن القـاف ماقلـت

ولانيـب خايـف بالتماثيـل ماعلـت

والحق يظهر لـه شهـود وبرهـان

العين:عن هـرج القفـا دوم حـذراك

تـراك ماتكسـب ورا شيلـه أمـلاك

كم من هروج(ن) قطه الهرج بشراك

وأسبابها مـن قولـة فـلان لفـلان

الغا:غنـي النفـس ياطيـب فـالـه

يقـال لـه نعميـن ياجـا مجـالـه

والأردي النفـس راعــي نـذالـه

لانافع(ن) نفسـه ولاهـوب ربحـان

الفا:فعـول الطيـب ترفـع جـلالـك

ياصرت طيب كـل شخـص يعنالـك

ولو مت في وسط المجالـس عيالـك

لو هم صغار(ن) مايشوفون حقـران

القاف:قلـت حيلـتـي وأجتـهـادي

في ذا الزمان اللي به الطيـب غـادي

عندك خبر ماكـل علـم(ن) وكـادي

بالناس صدقان(ن) وبالنـاس كذبـان

الكاف:كم من طاح بالحبـس مظلـوم

وهو سليم الجـوف لاشـك متهـوم

ماقدر المولى على النـاس مقسـوم

ولا لك علـى ماقـدر الله عصيـان

اللام:لاتبـدي علـى النـاس خافيـك

ماكل من يضحـك بوجهـك يدانيـك

كم من صديق(ن) تحسب أنه مصافيك

وهو خسيس(ن) بالمواجيـب خـوان

الميم:مالـك عـن نصيبـك مـفـرا

إن كنت فـي جـو وبحـر(ن) وبـرا

ماقـدر المولـى عليـك أستـقـرا

اللي خلق من طينـة القـاع إنسـان

النون:نـوح الطيـر لاتحسـب أنـه

غنا طـرب يالقـرم مـن زود فنـه

يمكـن معاسيـر الليالـي وطـنـه

ماكل طير(ن) يزعج الصوت طربـان

الها:هنـي اللـي تمـسـك بديـنـه

قبل العمـر بالغـي تقضـي سنينـه

نفسـه لصومـه ولصلاتـه فطينـه

هذاك له فـي جنـة الخلـد مسكـان

الـواو:ودي ميـر ماهـو بكيـفـي

إن العرب تمشـي بقلـب(ن) نظيفـي

غنيهـم يلطـف بحـال الضعيـفـي

حتى تساوى الناس في كل الأوطـان

اليا:يـعـل الله يقـبـل دعـاتــي

حيثـه عليـم بسيتـي وحسنـاتـي

والخاتمـه صلـوا كثيـر الصلاتـي

على نبي(ن) خاتم(ن) كـل الأديـان

الله روووعه صح لسانك

الميم:مالـك عـن نصيبـك مـفـرا
إن كنت فـي جـو وبحـر(ن) وبـرا

ماقـدر المولـى عليـك أستـقـرا
اللي خلق من طينـة القـاع إنسـان

الفيه رائعه ..

مشكور اخوي على الطرح المميز

يعطيك العاافيه..

يسلمو اخوي شامخ النصر على الرد الجميل ... وتقبلو تحياتي :/ المايسترو...

يسلمو اختي:/ طيف الذكريات... على الرد الجميل ... وتقبلو تحياتي :/ المايسترو...