دام الفلوس تغازل الفردان وتعشق الوليد.....

الناس منجرفه مع الاسهم وكم زاد الرصيد=هذا يصفيها وذاك يبيعها ويردها
وانا على رجواي لاني مستفيد ولا مفيد=مدري متى علمي بجوّاد الفلوس وعدها
لكن على ما قال ابو صالح حمد صالح سنيد=الله يلعن حاجة الدنيا ويلعن جدها
الحاجه اللي من ورا حبة خشم شخصٍ بليد=ما ارضا بها والناس ما ترضى ولا هو قدها
صحيح ما عندي رصيد فلوس لكن الاكيد=ما عاد عندي كون عز النفس ليه اهدها
انا عزيز النفس وازيدك بعد راسي عنيد=يبشر رفيقي بالسعد وعداي تمسك حدها
ما ارافق الرجال متمصلح لجل ماله يزيد=وعيني قسم بالله في مخبا الرجل ما الدها
ارافقه لا صار راسه طيّب وشبحه بعيد=ويمناه تعطي ما درت يسراه وش هو مدها
واليا حكيته سر ما كنه سمع شيٍ جديد=يعني خلاص السر في نفس بعيدٍ سدها
هذا رفيقي وان حصل ولا فخلوني وحيد=خلوني امشي في هوا نفسي واحقق ودها
لبيك يا ملهم فكر راسي على بدع القصيد=ياللي على شانك بيوت الشعر تاصل حدها
في ذمتي ذمه لو انحت لك على وجه الجليد=بيتين يا وجه الجليد يذوب قبل اعدها
ويمكن لو اكتب لك بعد بيتين باطراف الحديد=يصبح حرير وهو تموت النار عاده ندها
الله حسيبك كيف صرت اسمح وانا باسي شديد=اصبحت اسامح زلتك واقول هذي عدها
عذرك ينسيني خطاك الامس يالدر الفريد=عذرٍ لو تداوي به جروح المريض يبدها
دامك تعز الوصل ومقدّى على الراي السديد=لا جبّعت بقعا حبال الوصل قمت تشدّها
الله عطاك الزين والعفه وعادك سيد غيد=والله صخرني لك محبه وانت منت بضدها
اسمّعك بيتين وانت تقول بالله عيد عيد=واعيدها واعيدها واعيدها واردها
كلها على شانك قسم بالله ما هو لحية نشيد=يسقى على ذيك الليالي قبل تفهق يدها
يوم الليالي كنّها من بيننا ساعي بريد=كنها تعلمنا وش اللي بيحصل في غدّها
واليوم لا ساعي بريد يفيد ولا يستفيد=كلٍ يبي يقطع علاقة ودنا ويبدها
لكن فمان الله واشوفك ضحى العيد السعيد=عشان احصل لي عذر وعداي تمسك حدها
تدرون وش خلا هل الطوله تحت رحمة عبيد=لان الليالي مع هل الطولات تقصر مدها
دام الفلوس تغازل الفردان وتعشق الوليد=الله يلعن حاجة الدنيا ويلعن جدها...

مما راق لي...

ابيااااااااااااااااات في قمة الروعه
لاهنت

مشكوووووور والله يعطيك الف عافيه

يعطيك العافيه
ابيات رائعه
تسلم اناملك على الطرح الجميل
لك ودي واحترامي

نص رآآئع
سلمت اناملك ع هيك طرح
لاعدمنا جديدك وحضورك
ودي لرووحك

صح لسانك,,
وتسلم يمناك على النقل..

واليـا حكيتـه سـر مـا كنـه سمـع شــيٍ جـديـد
يعنـي خـلاص السـر فـي نـفـس بعـيـدٍ سـدهـا

هــذا رفيـقـي وان حـصـل ولا فخـلـونـي وحـيــد
خلوني امشي فـي هـوا نفسـي واحقـق ودهـا

ابيــــــــات رائعه

ذائقه شعريه راقيه ..يعطييك العافيه على الطرح المميز

لاهنت..

...شاكر للجميع الاطراء الجميل ولا عدمناكم...