سلام يانصر الجزيره والابطال

بسم الله الرحمن الرحيم







سلام يانصر الجزيره والابطال
سلام ياصرح عزيز شعاره
ياقمة التاريخ والمجد مازال
ثابت ولا يمكن يزعزع جداره
خمسين عام وانت للعز تمثال
منجم ذهب غالي ثمين عياره
من خمسه وسبعين والخير همال
واليوم نجني ماستوى من ثماره
والنصر له تاريخ ورموز ورجال
قامو عليه ومهدوا له مساره
وابرزهم اللي للصعيبات حلال
هو باني امجاده وحامي وقاره
اذا وعد يوفي واذا قالها طال
له هيبة منها تذوب الحجاره
يرحمك ياعود خذا الطيب مدهال
موتك يابو خالد عظيم الخساره
واليوم راح وبعده اخوان وعيال
وتعاهدو يبقى النصر في الصداره
فيصل يقود الباخره طيب الفال
بالفن والخبره وحسن الاداره
ومعه الوليد اللي على الضد سلال
ومعهم طلال اللي حضر باختياره
واللي يساند من رجاجيل الاعمال
اهل الفكر واهل العقل والتجاره
والله يبيض وجه من حط الارسال
فتح قناه وقال زفو البشاره
تركي عريب الجد والعم والخال
حر لبيب يكتفي بالاشاره
والعالمي ينجب اساطير أمثال
ماجد على الحراس يصدر قراره
يلقى على باب الخصم الف مدخال
كنه يقول انا وزير المهاره
ومحيسن اللي صال بالفن ثم جال
ولا الهريفي يعزف احلى عباره
صحيح هذا جيل جاء من بعده اجيال
لكن زمن الابداع ماشي قطاره
يالعالمي واصل على الدرب تختال
وخلفك جماهير الوفاء والحضاره
جمهور شمس كبار وصغار واطفال
متوزعين بكل قريه وحاره
وانا نموذج حب غنيت موال
واموت في لونه ولمعة صفاره
منقول

اشكرك
واختيارموفق
وفالك الفوز

تسلم يمينك ع الأختيار المميز..يـ ع ـطيك ألف عافية..
تقبلي مروري المتواضع..هاجسي لك

صح لسانك واحلى تقييم

يعطيكم العافيه للتواجد,.

يعطيك العافيه للتواجد,.

فالك البيرق

يعطيك العافيه للتواجد,.

يعطيك الف عافيه يالغلا على الاختيارالرائع لاعدمناك

يعطيك العافيه للتواجد,.