حتى لو طاح النصر تكفووون لا تكثر سكاكينه....

(طلبتكم يا اعضاء منتدانا الغالي تكفون خلونا نسوي من ذا القصيده حمله ترجع المياه الى مجاريها....عشان يرجع نصرنا الاول تكفووون)

على نفس النظام اساير الجمهور والدستور=واقول الله يكفّينا من البعد وشياطينه
واحاول قد ما اقدر وابذل المجهود بالميسور=عشان النصر وسنينه عشان النصر وسنينه
يا اعضاء الشرف تكفون اقوله بسم ذا الجمهور=اذا طاح النصر تكفووون لا تكثر سكاكينه
نبيكم صف واحد تنبذون التفرقه والجور=نبيكم وقفتن وحده على الشينه على الزينه
نبي نصر الزمان يعود عصره مستوى وحضور=نبيه يكون له فوق المنصه حضره وبينه
وانا والله يا اعضا الشرف قلته وانا مقهور=لاني داري إن طاح النصر كثرة سكاكينه
لذا لازم نقف الاعضاء والاعلام والجمهور=عشان النصر وسنينه عشان النصر وسنينه
عشان يصير كل انسان يعشق ذا النصر مسرور=ويبعد كل حاقد شايل حقده وشياطينه....

وسلامتكم...

الله يعطيك الف عاافيه شاعرنا
مااعرفت وش ارد
نبي نصـر الزمـان يعـود عصـره مستـوى وحضـور
والله ذا السنه النصر متغير كثير والجمهور اااه بس
اشكرك ومااقصرت اروع من راااااااااااااائع

يعطيك الف عافيه اخوي
كلماات تهز كل مشجع نصراوي
ااه بس وش الي حااصلك يالنصر

صح لسانك شاعرنا
أنا أشهد إنك ماقصرت بالأبيات الرائعه والجميله وتحكي واقعنا وأعطيتنا الوصفه اللتي تعالج الداء

وأختنا عاشقه فارس نجد أرسلت لي إقتراح بمناسبة هذه القصيده ورايح تعمل عمل ممتاز ولا ودي أحرق الفكره ولكن إنتظروا ماهي عامله واقدم شكري لها بهذه البادره


ومشرفنا ليست بغريبه عليك هذه الوقفات بأشعارك اللتي تهز القلوب من قوة أبياتها الجزله

لاعدمناك

مباادره جميله منك نصرااوي العصر وصح لسااانك

ياليت تكوون قلووب النصرااويين كلها واحد نبغى الوقفه الصادقه من الجميع

وبالتوفيق للنصر يارب

وهذا شئ بسيط طلبات اسير اوااامر ^^ ولا يهون نصرااوي العصر

عساه يحوز على رضاكم

ابيااات في الصميم
والله يجمع محبين العالمي
ويكونوا يدواحده
يعطيك العافيه ياشاعرناالرائع على القصيدة
ونشكرك الغلاعشووقه على التصميم الرائع
لاخلاولاعدم

صح لسانك خيو ..والله يجمع محبين النصر ويكونو يد وحده
وبالتوفيق للنصر الموسم القااااادم

الف الف شكر لكم جميعا على المرور الروعه واخص بالذكر اخوي اسير النصر اللي فقدنااه لكن ما نقول الا الله يجعلها اخر الاحزان, كما يسعدني ان اتقدم بالشكر والعرفان لاختي المبدعه عاشقة فارس نجد على التصميم الرااائع وهذا ان دل انما يدل اننا كتله واااحده في منتدى واحد سلمت يداااك اختي عاشقه وان شاء الله نرى لتصميمك اللي اضاف للقصيده الشي الكثير صدى يرجع لنا نصرنا الاول..
اكرر شكري للجميع ولاهنتوا...

تسلم ياخو انت نصراوي اصيل وعقللك كبير الله يكثر من امثاللك

كلامك والله عين العقل لا تكثر سكاكينة صح ننتقد بس بدون قسوة

الله يوفق

كلمات قمة الروعة صراحة

صح لسانك ياابن النصر وماقصرت