علامك جيت ياقلبي وراجع خاطرَك مكسور؟؟

علامك جيت ياقلبي وراجع خاطرَك مكسور؟؟
أبد لاينكسر خاطرك دامـه صاحبـي جايـر



أبي تنسى مبادئنا وتترك طبعنـا المغـرور
وأبي هالحين ترجع له.. وقلّه يطلب ويامر



وإذا جت عينك بعينه أبي تشهد شهادة زور
بأني مذنب ومخطي.. وقلبه ناسي وغافـر

وقلّه لايخليني على حزنـي أبـات شهـور
لأن الموت أشوالي وأنا من طبعي ماكابـر



ولايفكّر يقول: (انسى وغيري بالبشر مذكور)
لأني ماخبر غيره / قسـم بالله مـو خابـر



أحس اللي خلق زينه خلق باقي البشر ديكور
وأحس الورد لاشمه يميل وينثنـي شاكـر

وربي هالبشر بعده هياكل والبيـوت قبـور
ولابه شي بالدنيا يجـاري غيابـه الكافـر



حبيبي يابعد كل الحبايـب والزمـان يـدور
علامك ماتخاف الله تعال وشوفنـي وناظـر

لك الله دنيتي عقبك ظلام ٍ ماغشاهـا نـور

ألا يانور هالدنيا بعينـي وجوّهـا العاطـر



ترى قدرك بعيني صعب أحصِرْه بغلا وشعور
أبي باصبعك تشّر لي وأجيلك وقتهـا طايـر

ألا ياصاحبي القاسي بدونك هالحياة تغووور
ألا ياسبّـة جروحـي..ألا ياحظـي العاثـر



أحبك.. يامنى عمري وغيرك يمسك الطابـور
أحبك يامولّعنـي وأذوب بصوتـك الخاثـر



أنا من كثر مااحبك أحس إني معك مسحور
فديتك خلني مسحور إذا تبقى لـي الساحـر



أنا لك مثل ماودك قصيد وشاعـر وجمهـور
فداك اللي قصدته أمس واللي بَقصِده باكـر



أنا ادري فيك خابرني شجاع ولا علي قصور
ولكن لو وصل أمري بيدّك... آآه ياساتـر!!



دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر



أنا حبي معك عفيف وطاهر ومستـور
حشا صعب تلاقي قلب شروى قلبك الطاهر



إذا ناوي تجربني ترى وقتك معـي مهـدور
أموت بنار طغيانك.. ولاينقال لـي صابـر!



أمانه روح ياقلبي وأبي تضبط عليه الـدور
أمانه طير له تكفى وأبي هالحين ياشاطر

أبيك تحب لي راسه وتنسى طبعنا المغـرور
ترانا اثنيننـا بدونـه نكسـر الخاطـر

يعطيكي العافيه يالغلآ ع ماطرحتيه
لآخلآ ولآعدم

رآآآآآآئعة هذة الآبيآآآت كآرووعة حضوورك وطلتك
الله يعطيك العاآآآآآآآآآآفيه

كلمات رائعه
سلمت اناملك ع هيك طرح
لاعدمنا جديدك
ودي لروحك

جدا رائعه من رائعه وقصيده جميله لكي التحيه

اشكركم من اعمااق قلبي على تواجدكم الراائع

لايكتمل جماال صفحااتي الابوجودكم ياغواالي

اتمنى لكم السعاادة ولكم ارق تحية

كلمات في منتهى الروعه والجمال
شكرآ يالغلا

اشكرك من اعمااق قلبي علىتواجدك الراائع

لايكتمل جماال صفحااتي الابوجودك ياغواالي

اتمنى لك السعاادة ولكي أرق التحيه