(((لـــــد النـظــــــر)))

سهران عاجز لاانام ونام من يقدر
ياليل وين الحبيب اللي شغل بالي

ياليل قل للحبيب ان المحب اخطر
قل قيس يدعيك ياليلاه ويلالي

ماكنت احسب الجمال اليوسفي يسحر
حتى خذا الموس مع تفاحه اشلالي

يابنت دوك العصى والسيف والخنجر
والخيل والرمح مع شلفاي واموالي

والقافية والقلم والبوك والمحبر
والزاد والمي والخلفات وادلالي

والهيل والبن والجاوي مع العنبر
بس افضحيلي عيون سجنها طالي

يامزنة الوسم والا ياكرم شمّر
يانصر عبد العزيز وحكمنا الغالي

خليني اشبع نظر من خدك المرمر
ومن وجنتين حماره ضيع اقوالي

خليني اسكر.. بحورٍ سكرها خمر
عقلي وثقلي وفكري للخلا الخالي

خليني العب بموج الليل واتهور
واسري على شفة ماشفه الوالي

يازول طابة(1) ونبت الروضة الأخضر
ياردوف جبه(2) ولون الطعس يالغالي

ياصيت جوزاء(3) وزين خزينة(4) الأبهر
مأنت اول احباب قلبي لكن التالي

لد النظر للغريق العاشق الأسمر
ياألطف البيض حبك ويش سوالي

محتاج للنوم لكن بالسهر مجبر
وحر قلبي عليك ومنك وا حالي

ممارق لي لشاعر مطلق بن بخيتان الأسلمي

لد النظر للغريق العاشق الأسمر
ياألطف البيض حبك ويش سوالي

محتاج للنوم لكن بالسهر مجبر
وحر قلبي عليك ومنك وا حالي


رائعــــــــه ..

مشكوره يالغلاا على الاختيار الرااقي

لاهنتي..

اشكرك حبيبتي هجولة بجد راائع مانقلتيه هنا
يعطيكي العافيه

منورات خوواتي اشكركن

يعطيك ربي الف عافيه يالغلا
ع هيكك ابيآت رآئعه كروعةة حضورك المميز بينآ
دمتي مبدعه
لاتحرمينآ من جديدك
آحترآمي وتقديري

منوره يالغلا اشكرك ومااقصرتي لآهنتي يالطيبه

نقل في غاية الروعه الف شكر لك وتسلم لنا ذائقتك الجميله....

منور اخوي ومشرفي نصراوي العصـر
يعطيك العافيه ومااقصرت