خيال ذا الصورة ورب العبادي ,مشكور من صور ومن هو عرضها

خيال ذا الصورة ورب العبادي
مشكور من صور ومن هو عرضها

لوحة تفوق الوصف ماهوب عادي

أشوفها جنّة وربٍ خلقها

يبرّد القربة هبوب البرادي

والحبحب الأحمر بحوضه قطفها

والله ياهي غايتي والمرادي

هواء عليل وخضرةٍ مع شجرها

عثمان إبراهيم الرشيد - الرياض

الله على وقتٍ توثّقه الازمان

يوم العرب تمشي بدارٍ وديره

بين النخل و أشجار حايل والاغصان

و الجو صافي والضماير بصيره

شبّت حطب ودلال وعلومٍ سمان

و بْراد جو الديره المستنيره

والفرد الأحمر لا وقف شاق الاعيان

من وقفته ماهي بوقفة الاخيره

عبدالعزيز مفراص المعاوي - بيشة

صوره تعبر ماضي الوقت قدّام

يوم العرب وضعه بسيطٍ وملموم

عيشة بساطه مابها حد منظام

كلٍ مقدّر والوعد كان ملزوم

فردٍ ملبّق والحلا بان قدام

وفراشهم جاهز إذا جاه معزوم

عبدالكريم النغيمشي - لوذة

بالمزرعة نزهة رجاجيلٍ كرام

منظر تراث والجماعة سعيدين

تحت الشجر حبحب على الجمب شمام

وأيضا نشوف الفورد خمسه وستين

والقربة اللي علقوها من شمام

ناسٍ قروم هم على الجود ضارين

علي رشيد الرشيد - رياض الخبراء

منظر طبيعي يفتن اللي يشوفه

الفرد تحت الظل خمسه وستين

من حائل الصوره وذيك معروفه

ديرة كرم والطيب بين الوفيين

معرض تراث اليوم وافي ظروفه

ياما حلا القربه في وسط البساتين

عبدالمحسن محمد المحيسن - رياض الخبراء

صورة جمال مطعمه بالطبيعه

في ديار حايل في شمال البلادي

في ديار خير والأراضي وسيعه

وشيٍ طبيعي فيه شربٍ وزادي

يالله عسى وسم المخايل سريعه

تنشي من القبله .. وجوّك برادي

حمد عبدالله الوايلي - حوطة سدير

صورة لها ذكرى وبالقلب عنوان

جتنا من ابن صقيه تسلم يمينه

موتر قديم وقربةٍ ذيك الأزمان

ذكرى من الماضي يا جاهلينه

مناظرٍ في شوفها كم لها شان

جح وجراوة بالأراضي الحسينه

محمد عبدالعزيز الخنيفر - أشيقر

موروث من الماضي له النفس تشتاق

نحب ذا التصوير من حب ماضيه

جحٍ وشمامٍ وشنّه بمعلاق

من جوفها البارد من عطش تسقيه

والفرد حمّل من الفواكه والأرزاق

يبغى على سوق المدينة يصفيه

سعود عبدالعزيز الهزاع - نعام

ياما حلا الفرد والشنّه

أتراثنا بارزاً فنّه

خمسه وستين له رنّه

يا عل مرّثه للجنّه

جدي وجدك حكوا عنّه

عبدالكريم عبدالرحمن السلّوم – القرائن

منظر يعجبك في ماضي السنين

يا حلو ذكراه في ذاك الزمان

لا ذكرنا أجدادنا زاد الحنين

كم لهم بقلوبنا عزّ ومكان

يا تراثٍ من رجالٍ طيبين

جددوا الذكرى القديمه للعيان

ريان محمد الخنيفر - الرياض

كلٍ إبداعه يجي حسب وقته

شف بالحصى حول الشجر شبه ميدان

ومما قِدم بالوقت بالرسم شفته

ويا فرد كم شقيت رملٍ ووديان

وقطّار قربه يبرد الجح تحته

والنخله أم الخير في عبر الازمان

سعود عائش الحربي - القاهرة

يشوق العين شوفة منظرك بالبساتين

بين النخيل وبين ذيك السواقي

الفرت واقف منظره يخزي العين

وتحت الشجر بطيخ حلو المذاقي

جلسة ترد الروح للي مشتاقين

وموية القربة لطعمته ما تلاقي

خالد بن ناصر المخيمر

بسم الله

الف الف مليوووووون شكر جميله

العفو تواجدك الاجمل الله يعافيك يارب على راسي شششكرا لك

اختيار رائع وجميل
صح لسان الشاعر خالد المخيمر
وسلمت يداكي على النقل استاذتي الغالية
روح العالمي الله يعطيك ألف عاااافية