ياداعى الشعر

السلام عليكم ورحمه الله وبركاته




ابيات راقت واتمنا تروق لكم


لسداح


///////////////////////////////

يا داعي الشعر ما للغطرسه داعي
قصايدي كلها بالختم مختومه
لا فاضوا المبدعين وغاض الإبداعي
بالناس معطيه وبالناس محرومه
تشكيلة عامره من كل الأنواعي
فيهم على القيمه وفيهم على القومه !
الحمد والشكر لله ثم لذراعي
ما جيت من بينهم يمناي محزومه
لو ترقص الموهبه وتطق الأصباعي
قلدتها من عقود الماس منظومه
عز الله أن الزمن ماكر وخداعي
ثوب الرياء يلبسه وينفذ كمومه
لا طال عمر الضعيف قصير الباعي
مراجله بين حنجرته وبلعومه
أغلب نجوم الورق طاحت على القاعي
وأغلب نجوم السماء فالليل منجومه
يا قاضي العدل وين الناقد الواعي
مفقود.. هو مات وإلا ضاعت علومه
أنا ما قلت الرعيه ما لها راعي
إلا بعد شفتها ماهيب ماسومه
عسى مزاجيتي ما تخلف أطباعي
وعيني لها نظرة بالعقل محكومه
وقع يا طير السعد وأعزف على إيقاعي
جناحك المنكسر ما يكسر الحومه
تون يوم الفضاء عصاك ما طاعي
وأنته ما ترضى الهوان .. وزومتك زومه !
أبتقاسم معك توزيع الأوجاعي
يا حر كبدك ما بين الحر والبومه
لا تشرح أوضاعك.. ولا شارح أوضاعي
كل عطاه الولي رزقه ومقسومه

صح لسان من كتبها



مشكوره يعطيكي عافيه




عل مجهوداتك مميزه






تحياتي لكي

الله يسلمك اخوى



انرت متصفحى المتواضع