مشاعر يكسوها الخجل !!!!!!!!

قبل ايام طرح شاعر مجهول الاسم
ابيات شعريه
سأوردها لكم والرد الذي حصل عليه هذا
الشاعر النكره الذي مس الكيان
النصراوي في اخر ابياته
تهكما
سأورد لكم الابيات
ومن ثم اورد لكم الرد الذي حصل
لهذا الشاعر النكره
ابياته الشعريه تقول
توافدي يالهموم افواج
مادام مانتي على شوري
توافدي وانحري هداج
صدر على العز معموري
مانيب محرج ولامحتاج
طلعني الوقت عن طوري
شكرا على كثرة الازعاج
يامجتمعنا ومشــــــــــكوري
الناس ماعاد فيها ناج
كوارث الوقت بالدوري
ماعاد فيها طليق حجاج
راحوا على دقة البوري
وبيوت ربي غدت مسهاج
ماتدخل ايام وشهوري
والحقد والحسد زاد وراج
ماعاد خلوا لاحد سوري
والشر بين القرايب عاج
الثور يمشي ورى الثوري
والارض ماعاد فيها انتاج
والحق بالله منصـــــوري
وريح القيامه علينا فاج
واياتها شي مخبـــــــوري
والمملكه تسجن الحجاج
والنصر متصدر الدوري ؟
واتاه الرد الملجم من الشاعر الكبير
عواض بن راجي الحربي
اتركم مع ابيات الرد
ياراعي القاف مايحتاج
عندك على القول مقدوري
لكن من الخوف قلبك ماج
اسمك مخفى ومغموري
ومعناك في جملته منعاج
على الملاء تلف وتدوري
لاتكفر المجتمع يـــــــــاداج
الخير والطيب مبذوري
فينا وشرع الله المنهاج
لنا عقيدة ودستوري
وطلقين الايمان يالهراج
واجد ولافيهم قصوري
والمملكه هي نعيم الحاج
والبيت محمي ومعموري
واللي من الحقد فيه هياج
له عندنا الموت مذخوري
حنا دواء من يريد اعلاج
كانك من الوضع مقهوري
دور عن الضيق لك مخراج
واخرج وخاطرك مكسوري
والنصر عمك شعاره تاج
العالمي نادي اسطوري
وسلامتكم جميع
مع العلم بأن الشاعر عواض بن راجي الحربي
من كبار شعراء السعوديه
ولكنه مقل بالظهور الاعلامي
وهوا نصراوي صميم
مع تقديري لمروركم
ضامي بطوله

فارس الاحلام
يافارس الاحلام والمهره لها حضرة جناب
ياطيب حظك نرفع الاعلام لك والقبعــــه
ماتدري ان الشوق مات من التغلي والعتاب
وان الفتاه بقلب غيرك جالسه متربعــــــــــــــه
تضحك على عشرين من شكلك يرقون السحاب
واجد ضحايا لعبها ماهم ثلاثه واربعـــــــــــــــــــه ؟
ضامي بطوله

طبعي لاتنزعج ؟
حزني طبيعه لورقص جوي افراح
ظرف اقترن في حالتي مااقتبسته
لوشفتني في ظاهر الشكل مرتاح
ثوب الشقا من صغر سني لبسته
ولايغرك ان الدمع بالعين ماطاح
الدمع في طبع الرجوله حبسته
واغالط الواقع بتمثيل وامزاح
وياما ظهر هم بالاقدام دسته
لاتنزعج ياصاحبي عالم اشباح
عشته وعايشته ظروف ودرسته
وجنيت منه هموم وغبون وجراح
وباقي وفاي وطيب قلبي حرسته
لاتنزعج حزني مهو منك ارتاح
حزني غرابيل الليالي غرسته
تنويه لكل من يرتاد المدونه
كرم لاامرا هذه المدونه تحتوي على ممتلكات
خاصه بصاحبها من خواطر
واشعار خاصه
رجاء حار
ارجوا الاستمتاع بماتشاهدون وعدم نقل
اي موضوع للأمانه
ولن ابايح اي شخض يقوم بمثل هذا الامر
والله من ورا القصد
ضامي بطوله

تصبحون على خير
على أمل اللقاء بكم في وقت اخر
طابت ليلتكم
بكل المسرات وكساكم الباري سبحانه ثوب العافيه
واغدق عليكم
بأنشراح الصدور
ومشاعر في الاصحاب
لاتبور
ومشاعر تكتنف من تحبون
دون
ان
تبور
او
تخور
ضامي بطوله

صباح ترانيمة اوتار الوجع
ياقلب لاساقك زمانك على الهم
ادفن جروحك لاتبين خفاهـــــا
مصيرها مع مر الايام بتلــــــــــم
والاتموت ويحسن الله عزاهـــا
ولايهمك ناس تبطش وتظلـــم
اسفه مقاصد خبثها مع دعاهــا
يانفس ماهذا الذي فيه تحلــم
هذي شقا للروح ماهي هناها
ويالله ياللي في المخاليق تعلــــم
ارحيم ضعيف في جنابك رجاها
دعوة ولي فيك مؤمن ومسلــــم
يرجيك غفران الذنوب وخطاهـا
ضامي بطوله

الفجر الدامي
حاول توافق بين بكره وهالحين
لاتخسر الليله على شان بكره
واخلص مع اللي تعشقه واعشقه لين
يجبرك بافعاله على الكره واكـــــــره
****
ياهيه ياللي تدور عن عذاريبي
تبطي فديتك ماتلاقي عندي الزله
مانيب كامل مير اعرف مواجيبي
والله خلقني اعرف الحق وادلــــه
ولاني من اللي يسمع الهرج ويجيبي
عفيت نفسي عن مقاريد خلق الله
ولاجتني الهرجه في صدري تغيبـــي
اكنها بالصدر ولانبدي العلــــــــــــــه
واللي نوا في عمق الاخلاق تخريبي
صديت عنه لاني ماارتضي الخلـــه
ضامي بطوله