مدونتي (عايد السهلي العنزي )...

سجيت ضيقه وطاح الدمع ياسالم
وجريتها يوم كلن نام تنهيده

ماهو بضعفن بنفسي والله العالم
لكن يطيح البعير ويجرحه قيده

خابرك لامن زهمتك قلت لي والم
لو رحت انا وانت يم السجن تأبيده

مدري وش اللي طرالي والفراق الم
من يوم قفت عنودن كنها الصيده

شيخة قصيدي لو ان غيابها ضالم
ابطت علي واللقاء طافت مواعيده

ماعاد فيها تبادل عشق ومكالم
ضاع الخبر والسبب ياصعب تحديده

وان كان راحت ياسالم راسك السالم
مانيب ميت وانا هقواتي بعيده

وداعة الله مابقى للغلا روح
وش حيلتي والعشق ينزف وريده

سامح حبيبك وانت معفي ومسموح
لكن طلبتك تسمع اخر قصيده

قصيدة(ن) خذها على شيك مفتوح
من واحد(ن) ماقد نشد عن رصيده

فقير مال ولكن انه غني روح
ويملك مفاتيح الحياه السعيده

لو ان قلبه لاخفق كله جروح
ولاهو من اصحاب القلوب البليده

يحزن لحزن الناس ويسج وينوح
ويفرح لكل الناس لو هي بعيده

ومن منطلق سر العلاقات والبوح
بعلمك شي(ن) عسى تستفيده

يمكن تمرك ساعة الضيق وتروح
وتقول عدت والليالي مديده

وانا اقزر ضيقة فراقك مزوح
هذي سنه والعلم عييت اصيده

عقبك قصيدي يسجعه نايح الدوح
وعقبك ترى ماللشرايد شريده

وعقبك لو اخفي ضيقة الصدر مفضوح
كله لعينك يالمهاة الفريده

مضرم عليك ودلة وصالك تفوح
في جنبها جمر وتحتها وقيده

والحين تبغى الوصل والا تبا تروح
بعد سمعت اغلى واخر قصيده

على ذكر الغرام وشرهة الغالين للغالين
بعد قفت وسومك واجدبت خضر البساتيني

ضميتك بعد طولت الغياب ولا غفت لي عين
وانا لو أنت بحري واشربك ماأظن ترويني

انا ماعاتبك ليش الجفاء لأني اعرفك زين
لكني لاكتبت الشعر في مثلك يسليني

ادور لك عذر بين الظروف وسجة السالين
وادله خاطري في كل لحظة بينك وبيني

عسى الله لايعيد الضيقة اللي مسا الاثنين
بعد ما جرحتني من فراقك ودمعت عيني

هذاك اليوم لينت الخفوق اللي حشا مايلين
لو تلين الرجال اللي على الشدات قاسيني

رحلت وضاقت الوجهات الاربع قلت اجيك منين
ولابه غير درب لو سلكته مايوديني

تغافلت الطريق اللي يجي بيتك من الصوبين
احسب أني بشوفتك واحسب ان الوقت يمديني

تركت الدار بيساري وأخذت اول طريق يمين
وانا شهب العلوم تحدني والشوق حاديني

على وصل الهنوف اللي تمخطر بين حين وحين
مرابعها القصيد وبيتها بين الشرايني

نبت في وصلها توت المحبة والكرز والتين
تمايل كل غصن شوقه ندف الرياحيني

عليها دين ماتنسى الغلا ولها عليّة دين
ماينقص من غلاها شي دام الله محييني

الموقف اللي جر حزن الطواريق
لو مايسلي خاطري مابديته

طعنه ولكن طعنةٍ(ن) في المعاليق
ماهوب جرح(ن) لاسمرني كويته

من أول اضحك لو على خاطري ضيق
واليوم ضاق الصدر واهتز بيته

حصاه طاحت من حصى قمة طويق
من بعدها رجم الغلا مارقيته

انام من طول السهر وأرجع افيق
واجمع خواطر ليلي اللي سريته

أبيات فيها من قصيد العشاشيق
وابلغ منه واصدق من اللي قريته

انفسروها قلت من غير تعليق
وان بينت لي بن عم ونخيته

ملفاي مقدام الوجيه المطاليق
اللي ليا من دبر الوقت جيته

ماهوب ملفق حولي الهرج تلفيق
في لازمي لارحت يمه لقيته

من لابت(ن) مثل الجبال الشواهيق
وعلى الظروف اعزومها مستميته

ربعي مضامين العهد والمواثيق
وان طمع جار البيت في جار بيته

حققت شيء وشيء يحتاج تحقيق
حلم(ن) بقالي حي لو ماخذيته

إن قالها الله واليالي توافيق
لا اقطع ضرم نفسي ولو مارويته

ماهو ضرم فنجال دله مع بريق
ضرم وصال اللي لعله ياليته

تسمح له ضروف الزمان الواحيق
اللي تناسيني وانا مانسيته

فوق الخطر دون الوصل نشفت الريق
وحبل اللقاء لو ماربعته ثنيته

البعد شلفى ذياب سم الصناديق
والقرب يرفى جرح لو ماهتنيته

مخلوق لكن دون كل المخاليق
حتى عقالي دون حزنه رميته

موقف حزين وبددتها الطواريق
وانا وقفت بموقفي واحتميته

يا اجمل الحزن لدموعك سلام
من حبيب بقى منه الكلام
وين انا منك غربني الزمان
وخانني النور وابعدني الظلام
لو بعزيك سالت دمعتي
تدري الدمع في حبك حرام
لو بواسيك مايكفي الهوى
ولو ابي عذر مايكفي الغرام
اعطنى من عذابك يا البعيد
صرخةٍ تجعل ظلوعي حطام
اااه لو في يدي ابكي معاك
قطرةٍ مادرى عنها الغمام
مبخل الوقت يحرمني البكا
وانت لجلك حرمني الابتسام
يا اطهر الحزن لو كان القصيد
يكشف الغم عن بدر التمام
لكتب الشمس شعرٍ في سناك
وامحي امن السما عج وكتام
ياعسي البدر نوره مايغيب
عن حبيبٍ بقي منه الكلام

كيف أطفي الريح بثيابك وكيف اشعلك

نقضت ليل الحرير وجيت ماانت لـهـلــك

هذا اول الدرب او هذا الطــريق اولك

شوقـي مسافـة وهمساتـك مـدار وفلك

إية اعرفك واعرف اني من غلاك اجهلك

مـرات اشوفـك بنفس الوقت واتخيـلك

أعـنّ لك لـو تصّـب المـوت 000واتهيّلك

ماقلـت لك عمر سيـف العشق مايقتلك

اشتقت لك قبل اجيك وجيت واشتقت لك

مليت جمـر انتظارك واستحيت أسألـك

اثرك بقلبي من البارح وانا استعجلك


























كيف اتنثر على جمـرك وكيـف احتويك

سمّيت باللي فتني بـك وقلت ابتديـك

جيت آتوقّا عذابات المدى..واهتديك

ان ماظميتك غلى 00ياعلني ماارتويك

مرات اضمّـك واخـاف اني مشبة عليك

وانشد كفـوفي عن اخر سالفة من يديك

واجـوع لـك وآتمـنى خنجـرك واشتهيـك

ماتشوفني حي قدامك وانا امـوت فيك

البارحة طول ليلي بين هذي..وذيـك

واحسبتني ما بعد جيتك وفكرت اجيـك

واثري نسيتك من الفرحة وقمت احتريك

يا بنـت أنا ماني كذا وظنونـك تكّـذب عليـك
كلّي عيـوب وماقوت تخجلني ظنونك وأتـوب
أكذب عليك ودوم أخونك وألبس الأبيض وأجيك
وأعشق معك ألفيـن وجه ويمتلي صدري قلـوب
أحلى الكـلام أقول لك لو قلته البـارح لذيـك
ياقف على شفاهـي معك مراهـقِِ صبِ لعـوب
أكـذب ولا أدري ليه أكذب أعشقـك ما أرتجيـك
أخاف من صدق الحقيقة في الهروب من الهروب
والله أحبـك وأعشقـك وأعرف زمان اني أبيـك
لكنهـا هـذي الحيـاة اتعلمـت منا الـذنـوب
العيـن عجزت تعتقـك القلـب عيّـى يشتريـك
في السجن خيّال وفي في الصدر رجـّال كـذوب
هذي الحقيقة ما يجي في الكـون أطهر من يديك
وانا الذي أنقض وضـوء الغيم والما والهبـوب
أنقل عيوبي فوق متني وانت لك عيبـك شريـك
وباكر تبسـم لي وجـيه لك يعبسها الشحـوب
يا طاهـره حنا كذا المظهـر يكـذب عليـك
يمكن يجي يوم أخجل من ظنونك وأتـوب

قالوا عــلامك باكي قـــلت مطعون
شـوفـو نزيف الـدم مني تتالا
قالوا من اللي صوبك قالت عافـون
قـالوعــدوك قالت يانـاس لالا
هذا الحبيب الي له القلب مرهـون
هـذا حياة الروح بدر الكمالا
يا عـــاذلين القلب لا لا تــعذلـون
وحــياة رب فـوق عـرشه تعالا
اني فـــلا انسى واحــد فيه مفتون
بيني وبينه نازح البعد حـالا
فتـــان صاب القلب كـون بثر كون
مملوح اخذ كل البها والجمالا
كنه الى حــرك قـوامه على الهون
غصــن الى هب الهوا فيه مالا
قـــلبي لقلبه لو تنحيت مرهــون
غـــيره حرام ونور عيني حلالا

بنشدك ياللي ماتفوت دوامك ..
الفجر مايهمك تقوم وتصليه !!
تخيل ان الموت جاك ( فمنامك ) ..
كيف بتقابل خالقك وانت عاصيه

انـا بنـشـدك يالـلـي تـحـب المناشـيـدورجــل يـحـل اللـغـز مـحـدن يبيـعـه
عن الشايـب اللـي مكتتـف بالمعاقيـدولـن قامـت الهـيـه يعجـبـك صنيـعـه
صدوق كريم مع هل الطيب صنديدكـذوب مـع الكـذاب وسـط الوسيـعـه