مشاعر يكسوها الخجل !!!!!!!!

لاجيت طيب قالو الناس مسكين
وان جيت اقشر قالوا الله يشيله
ولاحدتك دنياك للفقر والدين
قالو فقير وحمولك الفشيلة
ولاضحكت ايامك وحصلت قرشين
قالوا ترى نصاب ياويل ويله
ولاجبت غلطة حطوا العيب والشين
وزادوا على غلطتك قاز وفتيله
ولاجاتك الزلة وتاهت عناوين
قالوا ترى مجنون خلو سبيله
ولارحت مقفي مع رجال مقفين
قالوا ترى المقفي ندور بديله
ولاجيتهم بالجود وفعل الكريمين
قالوا يهايط كل صبح وليله
وان طحت خلوك العرب والمحبين
واللي يطيح في هالزمن عزتيله
قال الجمل لاطاح جته السكاكين
وكل على ذبحته بيشد حيله
هذي حقيقة قلتها وسط بيتين
من شاعر ساق البيوت الجزيله
جربت في الدنيا وشفت الكثيرين
واشوف هذا الوقت مافيه حيله
الناس ماترضى ولو تسكن العين
صعبه تحقق جاجة مستحيله

البرد ماهو برد عرعر ولا الجوف
ولاتبوك الثلج وجبال حايل
البرد برد القلب في داخل الجوف
لاحال مابين المحبين حايل
البرد برد الشام يامبعد الشوف
ولا القلوب لها حلول وبدايل
برد وفقر وامطار وثلوج مع خوف
وابشرع جرايم دون جرم ودلايل
حتى اصبح الموضوع للعين مألوف
نشوفهم نحزن دقايق قلايل
واذا فزعنا فزعة اقلام وحروف
حتى بفزعتنا تشوف الهوايل
ياشامنا وجه العذر منك مخطوف
ولاعاد بيدين العرب من وسايل
لكن لك الله ملتجى كل ملهوف
يغنيك عن فزعة شعوب وقبايل
_______
اللهم انصرهم ياكريم
اللهم ياقاهر الجبابرة ومذلهم
عليك بالروس
المجرمين
وبشار اللعين
وايران الصفوية المجوسية
اللهم انهم لم يرعوا في مؤمن الا ولاذمة
ولم يرحموا صغير لصغره
ولارضيع
ولاهرم
ولاشيخ
الا وسفحوا دمه
اللهم فخذ بايديهم وانتشلهم من هذا الوضع
فلانصار لهم الا انت

صباح الخير مدونتي .. صباح الخير زواري
صباح الخير لكل الناس
صباح تلتحف به الامنيات الباردة
كبرودة جونا القارس
وتددثر به الامنيات في معطف الامنيات
ان يكون ليومنا هذا اشراقة امل
يشع من ضياءة .. حرارة الدفء لكل امنية
تعوم في جوف متأوه ينتظر فرج قريب
او عودة حبيب .. او شفاء مريض اعياه
اوامر الطبيب
او غايب اطال امد السفر وتنتظرة
القلوب بلهفات
الترحيب
صباح .. تريد فيه الامنيات ان تطلق
من ادراج الرقيب
تخوض في سماء كونه دعوات
من صباحة الباكر
حتى افول
المغيب
ابويزيد

خاطرتي هذي لاتعني باي حال من الاحوال
اني مشارك في مسالة التهنئة بالعام
الميلادي
لمايحتوى عليه من نهى وتحريم
لكن
تعريجي على هذة الخاطرة
كون
اننا ندخل في عام ميلادي اصبح واقع التعامل
معه
فكل المواعيد الان باتت بهذا التاريخ العالمي
لذا
فاني اتوجة بهذة المناسبة
بعيدا عن المعتقد وبعيدا عن اي امور دينية
تتعلق بهذا الجانب
بخالص الامنيات
لكل
احبابي وممن لهم بسويداء القلب مكانة
بان يكون لهذا العام
على ارواحهم الزكية الطاهره
بشائر فرح وهطول سعادة تغرق قلوبهم الضامية
لقطرات من هذا الفرح
الذي اجدبت الاراضي منه لفترة من الزمن
اتمنى بان يكون
ان تكون اول ارواق
هذا العام الميلادي
تحمل في ايقونتها
كلمة
سعادة
شفاء
عافية
فرح
فتح ابواب اخرى من ابواب
الخير
امنيات كثيرة تحيط في نفسي
وانا اسهب في خطوات فكري نحو صياغة
مايجول في خاطري ونفسي
نحو كل من احب
لكي
انتقي لقلوبهم
من الكلمات
مايكون بلسم شافي
لكل مواجع الماضي
وكلي دعوات
بان يكون حاضر الغد
اكثر بريق
نحو سماء الفرح
ونحو افق السعادة
دمتم
ودام نبضكم
ودام خفقان قلبكم
مرتل لبسملة
السعادة
على شفاهكم في عامكم الجديد
وعلى طوال امدكم الحاضر ومستقبله
ابويزيد