سجل حضورك ..... بأبيات تعجبك

الهبــوب الـزين حــنا خــابرينه000 لــو مدحتــوا لي هوى جـده و ماهــا
الهوى اللي ينعش الروح الحزينه000 فــ السهال اللي شفى( ندفاء) وراها

لا ..ما نسيتك كيف بانساك مـا دام ..
.. ذكرى الفراق تهزني لـو نسيتـك

حبك قدر وانا على ديـن الاسـلام ..
.. مكتوب في وجه الجبين ورضيتـك

لك في الضمير الود والحشمه اتوام ..
.. ولي في ضميرك مثل ما انا بغيتـك

ولك منزلٍ في نايف القلـب وخيـام ..
.. وذود الغـلا ترعـاه ولا شكيـتـك

لو تبتسم فـ وجيه الأغراب .. عادي !
بالعكس تكسب غير الأجر .. المحبّة!

اللي ماهو عادي .. وضدّ المبادي
تكشيرك فـ وجه الأهل و الأحبّة!!

على (فم) الحكي واقف كلام ٍ واجد ٍ ما قيل
كريـم الجـرح يومنّـه طعنـي ماتجملتـه
أدورصمتي البارح بقبّـل هامتـة تقبيـل
دريت ان الحكي اعمى معاهم لو تكلمتـه
يهون الجرح لامنه لفى من قوم( قال وقيل)
ولكن البلا (عاقل) وصعبـة لـوتجاهلتـه

نطوي مع الايام عام ورا عام
وتمر ساعات الفرح في دقايق
ايام راحت بالعمر مثل الاحلام
يوم بها زعلان وايام رايق
درست من دنياي واتعبت الاقدام
وبدلت في بعض الطرايق طرايق
وكفخت بافكاري كما الطير لاحام
وماعاقني عن ماكر العز عايق
ياصحبي خذني معك سيف وحزام
وياك في وقت الرخا والضوايق
اخوك بالفزعات ضاري وعزام
يشوقني للطيب والخير شايق
وترا البشر ياخوك منقسمه اقسام
بين الردي والطيب شفت الخلايق
لقيت من صلى وزكا ومن صام
ولقيت منهو لاقرب الناس بايق
ولقيت من قلبه حقود ونمام
ولقيت من قلبه يعز الرفايق
ولقيت من يبني الامل فوق الاوهام
والي يموت لايعرف العوايق
ولقيت من يملك بساتين وانعام
والي من الحاجه ينام متضايق
الله خلق هالخلق ساده وخدام
ذي دبرة الرحمن رب الخلايق
واخرك يابن ادام ترا قطعة لخام
امر اكيد ومايبيله وثايق
يالله عسى ماكون قطاع الارحام
وعساي من بعد القبر في حدايق
جاك الكلام وخذ معه بصمة ابهام
ان العمر كله مجرد دقايق

لولا الهرم والفقر والثالث الموت ** يالآدمي بالكون ياعظم شانك

تقصر الرحله ..ولو طال السير

................تنتهي بك وانت بعدك مابديت


كنها ظل اشجره تحت الهجير

...............جيتها طرقي ..وقيّلت ومشيت


استرحت وقمت في وقت العصير

............والتفت لماضي الوقت ..وبكيت

صعبة تعيش بهالزمن .. تحمل قليب (ن) ..منصدم
صعبة تخبي صدمتك .... تسكت .... وكنك ما رأيت

شبابيكه تنادي للصباح اللي ظلم : مسراه
شموعه ماتوانت تشحذ المقتول من عطفه

على إيقاع حزنه يكتب المسلوب من ذكراه
حسب توقيت دمعه يطلق المسجون من حرفه

تعب وجه الزمن يمحي ملامح بسمته / يقراهـ
حكايه من ألم ترجي من غيوم الأمل نطفه

كثيييييير يقول بكره / بسّ بكره دائماً ينساه
يصوّت للقا / تُشرع بوجهه للهجر شُرفه

وحيد يعيش في نفس المكان اللي سكب فرقاه
يغنّيه الصبر موال جرح بارع بعزفه. !

لآ ضقت , رحت وتركت النآإس واللمهـ .
لـ يدينك . اللي تحتهآإ تزهر أنفآإسي .

يآإ تآإج رآإسي يآ عمري ليه مهتمه.؟
الهم ؛ خليه ليآإ يآ بعد نآإسي .

يمه . يآ يمه يآ آغلى النآإس يآيمه .
من دون صوتك أحس أن الزمن قآإسي