مدونتي (عايد السهلي العنزي )...

عندي سؤال
وخابرن فية
تجريح
لكن ضروري
تسمعة بأنبساطي
اكل مارفتك للسماء
ترجع تطيح
قلي شسوي
فيك
لا صرت واطئ

عطني قلم
بأكتب
على القلب
ناسيك
حتي اليا منة تذكرك
ينساك
خلاص
عقب اللي حصل منك
ما ابيك
وما دمت انا هنية
فارقني هناك
غلطة حياتي
يوم تقفي واناديك
لكن بيجي يوم
واقول الله
وياااااااك

لاتشتري من حاولو يخسرونك *** ولاتخسر الي فكر بيوم يشريك
مافيه اجمل من صديق يصونك *** ولا فيه اقسى من قريب يعاديك
انا ورب البيت لو يخذلونك *** مهما حصل لايمكن اني اخليك

لاتحسب اني إذا ابطيت ناسيك *** ماينسى عشرة صاحبه غير الانذال
حدتني ظروفي على البعد لاجيك*** هم بوسط القلب والدمع همال
ولا انت ياكل الغلا افتخر فيك*** وحبك سكن داخل فؤادي ولا زال

يارفيق الدرب ماصدق نسيت *** خابرك مهما تعذبني حنون
لاذكرت ايامك الحلوة بكيت *** ماتهون ايام ودك ماتهون
راحتي وياك لامنك صغيت *** في ثواني كلها بوح وشجون
ولاقريت ابيات الرساله وانتهيت*** ودي اعرف في حياتك من اكوون

ياغايب عني لك الحب ماغاب *** مته تجي تشوف همي بعينك
ماطاب لي جرح ولا خاطري طاب *** مته يديني تحتضنها يدينك
ياصاحبي لو قالو الوقت كذاب *** يكفي كلامك ودافي حنينك
لو ان قصدي في الزمن كثر الاحباب *** ماقلت ياساكن الروح وينك

فدوة عيونك لو غدت روح مغليك *** وش عاد لو راحت لعينك عشاير
ابيع مايغلى على الكون واشريك *** واسوق لي جتني اعلومك بشاير
وازعل جميع الناس بالحيل وارضيك *** واصبر ولو دارت على الدواير

مايصير انساك لا مايصير *** في خفوقي لك محبه واحترام
قبلك الدنيا مثل حلم صغير *** وعقبك الدنيا غرام في غرام
انت مثل النور في عين الضرير*** لالمحتك مابقى حولي ظلام
فيك عمري فيك روحي والمصير ***فيك كل ايام عمري والسلام

كتبت انا في تالي الليل بيتين *** لعيون من يسوى جميع الخلايق
إلي معاهدني على الزين والشين *** وإلي بشوفة يصبح الفكر رايق
الصاحب إلي منزله داخل العين *** هو الخوي وقت السعه والضوايق

يفداك عمري يابعد عمر مغليك *** وتفداك روحي والعيون وسهرها
ابيع كل الناس يازبن واشريك *** والناس لأجلك مستعد اخسرها
امر وحنا ياهوى البال نرضيك *** يابسمة ايام العمر ياقمرها