مشاعر يكسوها الخجل !!!!!!!!

مساء / صباح الخير للجميع ..


جديد قصائد الشاعر سلطان بن بتلاء ..


(( لا زنيجا ولا ماتورانا )) ..


نـعـاتـبـك يا نــصــر مـن حـبـنـا فـيـك *** وتقبل عتبنا يانصر من غلانا ..

أنفض غبارك وأرجع لـمجد ماضيك *** وبنخلي الأحـزان تدفن ورانا ..

ومـهـمـا تـعـلّـق في متونك صعاليك *** تبقى لنا شــمــس تنوّر سمانا ..

أرجـــع وحـنـا كـل أبـونـا حـوالـيـك ***ونعرف قدرك وأنت تعرف وفانا ..

أطـفـال حبيناك ونـفـخـر بـــــطاريك *** واليوم عقب الصبر شابت لحانا ..

مــهــزوم وإلا مـنـتـصـر ما نخليك *** أهــم حــاجــة نــفــخــر بمستوانا ..

العب بروح وفي رجولة وتكتيك *** وفي دعمك أعضاء الشرف ماتوانا ..

فـــرّح محبينك وزّعــــل معاديك *** وخـصـيـمـنـا لايــهــتــنــي فـي لـقـانا ..

عــودتك عقب الله يا نصر بيديك *** مــاهـي بــيــد زنــجــا ولا مـاتـورانا ..

ياعالمي شـعـبـك يـحـبـك ويغليك *** وإن عـــدت لــلأمـجـاد نعرف غلانا ..




وبتوفيق للعالمي ..

ابرحل عنك صدقني كرهت الحب باسبابك
ابرحل ما حنيت الراس لك يا خاين العشره

ابرحل واهجر ديارك وخلك في هوى احبابك
ابرحل والغلا بيني وبينك منتهي عـصـره

ابرحل واترك الماضي وبمسح صفحة كتابك
ابرحل عنك واسمعها أنا طلّقتك بـعـشـره

تعبت اكذب الواقع واصدّق كذبة اعجابك
لأني عاشق مخلص ملكني حبّك بسـحـره

تعبت اراعي شعورك واغظ الطرف بغيابك
غشيم واحسبك وافي خدعت القلب بالنبره

رخصت الكل من شانك .. رضيت اتحمل عتابك
ولكن للأسف حبّي من افعالك ذبل زهــره

تحملتك على ظلمك وقلت الوقت يصفى بك
واشوفك تلعب بذيلك وغدرك آه وش كبره

الوفوق الغدر تتمسكن وتخفي سّم بانيابك
وتظهر دمعتك تبغي تغش اللي رخص عمره

ولكن وفّر دموعك تراني خابر العابك
انا ماني مثل غيري ضعيف النفس والقدره

محيت اسمك وشقّقت الرسايل وانقفل بابك
ولا عاد المشاعر يحترك من شوقها شعره

كرهت اسلوبك الماكر كرهت اناظر اهدابك
وعفتك عقب ما بانت حقيقة قلبك وغدره

مصير الوقت يثبتلك وفاي ويحرق اعصابك
وتتحسف على مافات منك وتمتلي حسره

اقول ارحل فمان الله ولاني بحسب حسابك
مدام الغدر في دمك توكل لا تجي بكره

توكل لملم شتاتك معاد الوقت يحلى بك
توكل لا تحسب أني بهل بغيبتك عـبـره

ابي تنسى حروف صغتها لك يوم تزهى بك
وابي تنسى حبيب سال حبره دم في شعره

بعلّمك الوفا واشلون لين الغمّ ينتابك
واجرعك العذاب اشكال دامك تبريت بالعشره

يامدينه مابقى غيرك اصون
كل هذا الحب اوهام وكلام
من كثر ماشفت هالعالم تخون
قمت اشك ان الخيانه مو حرام
__________________________
غابت مشاعر خاطرك واختفى الصوت
وراحت بقايا طلتك مع وعودك
ياصاحبي تدري وش اقسى من الموت
انك تحب انسان ناسي وجودك
******************
((( تسأول )))
عندي سؤال وخاطري تفهمونه
واللي معاه الحل يعطيني الحل
اللي تغير وماقدرنا نخونه
نبقى معه والانفارق ونرحل ؟؟؟
ضامي بطــوله

انا ذاك الغياب اللي لعن كل الحضور وغااااب
وانا ذاك الحضور اللي ظلام الليل يغريني
وفصل البرد مثل الريح يمر وياخذ الاحباب
كأن البرد فرقاهم متى القاهم ولاقيني
انا مقطوف من فصل الربيع وبالشتاء حطاب
ذبل بستاني بفصل الربيع وكيف يرويني
انا قصه ولايقدر يجمعني قلم وكتاب
انا نزف الجروح اللي هموم الوقت تطويني
انا ذاك القطوع الشاعر المتكبر النصاب
انا الكذاب انا والخاين لو اصدق تكذب يميني
انا تقدر تسميني غريب ويسكنه اغراب
انا انا انا تخيلني وسميني
انا لامن بكيت يطيح مع سرب الدموع احباب
تخيل كم حبيب طاح من عيني لكفيني
انا مابعت كل اللي يعيشوا بالخفوق احباب
انا لوباعني صاحب ابيعه بيني وبيني
انا ماجيتك اتشره وافتح للعواذل باب
انا جيتك وفي قلبي كلام تكتبه عيني
حبيبي والغياب احسن من حضوري بلااسباب
اغيب احسن وخل اللي يبوني يسالوا ويني
دخيلك دام في قلبك علي من الغياب عتاب
تعال وخل جلستنا ملام وجو يبكيني
ضامي بطــوله

دنياك لوتسوى من الحزن ذره
ماكان تاليها توابيت وقبور
وماكان للكافر بعمره مسره
وماشفت في ملكه ملايين وقصور
العمر يمضى بين حلوه ومره
والموت حق وقابض الروح مامور
دام الحياه الفانيه مستقره
ورزقك بجنبك وبين الاجواد مستور
لاتنشغل بالوقت برده وحره
واحذر تصير بقسمة الناس مقهور
وحكم القدر لاجاك خيره وشره
اشكر عظيم الشان والذنب مغفور
والمجلس اللي يزعجك لاتمره
خله تراك بشوفته منت مجبور
الرجل سقها في صحاصيح بره
ومد النظر مابين ريضان وزهور
لاصار وجه القاع مافيه جره
والمشى حافي والثرى تو ممطور
ساعات صمت ماوراها مضره
تسوى الكلام اللي به ذنوب وشرور
اطلق خيالك واترك النفس حره
وخل الطبيعه في حياتك لها دور
وبالليل لابانت نجوم المجره
اذكر بديع الخلق واحساس وشعور
واسجد لرب الكون مره ومره
واحفظ لسانك واترك الكذب والزور
وفروض ربك خلها مستمره
وطاعتك لايدخل بها نقص وقصور
ضامي بطـوله

ضاميااااااااااااااااات

عندما تحب شخصا من قلبك
لاتتغير مشاعرك اتجاهه
حتى لو تكررت اخطائه لان
العقل هو الذي يغضب ؟؟
اما القلب فيبقى مليا (( بالحب ))
*****************

ارغب بالرحيل والابتعاد عن بعض الناس
ليس لاني تألمت بل لاني لااملك ذاك الدواء
الذي يعالج الظنون بعد خيبتها ؟؟؟؟

الواثقون من الصداقه لاتربكهم لحظات الخصام
بل انهم يبتسمون عندما يفترقون
لانهم يعلموووون
انهم سيعودون قريبا ليبتسمووو معاااااااااااااا
************

حلمي حلم حطااااب كسر // الشقى فاسه
(((( خاتمــــــــــــــــــــه )))
ايه انا اللي عشت بالدنيا غريب
ماعرفت اللي ابي وسط الزحام
يمكن اتغلى لكن مااغيب
يمكن اتشره ولكن بحترام
ماهو اكبر هم ادور لي حبيب
والطموح ابعد من حدود الغرام
وان عشقت العشق لامخطي وعيب
دام لي مبدا وقيمة واهتمام
كل من حولي على افعالي رقيب
والحبايب همهم بس الملام
يحسبوني لاتردى بي النصيب
برمي احزاني علي قلوب الانام
مندفن في وسط صدري قلب ذيب
مادفنت الراس مثل روس النعام
صرت اضم الجرح بعيوني واطيب
واجمع همومي علي صدري وانام
طبعي اغرب والغريب اني غريب
ماعرفت اللي ابي وسط الزحام

1- ياما على شانك من الشوق ضحيت
وابعدت عن قلبي كثير الخلايق

2- ولجلك عن عيون المزايين صديت
والي يريد القرب يلقى عوايق

3- كم ليلة اسهر اذا شفتك ابطيت
كله وله واشواق وقلبا علايق

4- واليوم اشوفك عن طريقي تعديت
يوما ضمنت اني لشوفتك شايق

5- انشهد انك في معانتي اوفيت
واشعلت في جوفي لهيب وحرايق

6- ياليتني يابنت في حقك اخطيت
يمكن الاقي في صدودك طرايق

7- قدمت لك قلبي وروحي ورديت
رديت لي طعنه وعودت ضايـــــق

8- ذاقت القهر منك يومك تغليت

وشفت الطعون الي بعيني حقايق
ضامي بطـوله

مواااا جــــــــع

لو للعيون احساس ماشافت عيوب
ماشوهت وجه الوفاء دمعة اليااااس
ولو القلوب قلوب ماتجرح قلوب
ولو للزمان احساس محدا شكى باس
ياكيف رغبة قلب بدموعه تذوب
بعد الوصل نحيا علي هامش انفاس
^^^^^^^^^^^^^^^^^^^^
مالقينا في الحنين الا البشاعه
وماخذينا من غلاك الا القطيعه
مابغيت اهل دمعي في وداعه
بس نكران الوفاء والله شنيعه
***************
لو عرفت انك بتخون الوفاء
ماعطيتك في الصدر اغلى مكان
قلبك اللي ممتلي كله جفاء
يرزقك ربي بغدار الزمان
حتى تعرف قيمة اللي لك حفاء
وفي غلاك اعطاك روحه والحنان
وانتظر منك تبادله الرخاء
وعودة احلام قلبي في هوان
########################
الغايب اللي كل ماقلت ابنساه
تعكس وجيه الناس له الف صوره
اتنفس غيابه وتخنقني اشباه
وتنحت ضلوعي في ضلوعي سطوره
احساسي انه شي ماعاد ابلقاه
يجبرني احضن في غيابه حضوره
&&&&&&&&&&&&&&
ضايق ويمكن تغيب من الغياب
لاصور ولااتصال ولالقى
ياموديني ذهاب بلا اياب
رحلة الاشواق وش منها بقى
***************
لو هي علي زينك بحصل مزايين
المشكله بالحب تعمى البصاير
ولو كان ودي حب بلقى ملايين
لكن بغيرك مالي ايات خاطر
ضامي بطــوله

هي غلطتي ولا الزمن دوم غلطان

............................ منك التعب ؟ ولا التعب من زماني

ܔ ܔ ܔ ܔ ܔ ܔ ܔ ܔ ܔ


احيان احس الحزن .. لاجلي واحيان

............................ اقول هذا الحزن ماهو عشاني

ܔ ܔ ܔ ܔ ܔ ܔ ܔ ܔ ܔ

ياليتها غربه وادور لي اوطان

............................ ياليتها دمعه وتنسى زماني

ܔ ܔ ܔ ܔ ܔ ܔ ܔ ܔ ܔ

ياليتها كلمه وادور لي انسان

............................ ياليتها ساعه واعد الثواني

ܔ ܔ ܔ ܔ ܔ ܔ ܔ ܔ ܔ

كل العمر وانا مع الهم خويان

............................ لا ضاق صدره زارني وابتلاني

ܔ ܔ ܔ ܔ ܔ ܔ ܔ ܔ ܔ

اكذب عليك ان قلت عايش وفرحان

............................ واكذب عليك ان قلت موتي كفاني

ܔ ܔ ܔ ܔ ܔ ܔ ܔ ܔ ܔ

من ياخذ همومي ويعطيني انسان

............................ ماجاه مثل اللي من الحزن جاني

ܔ ܔ ܔ ܔ ܔ ܔ ܔ ܔ ܔ

المشكله ماهي بغلطه وندمان

............................ المشكله ليه الوفاء دوم فاني

ܔ ܔ ܔ ܔ ܔ ܔ ܔ ܔ ܔ

صوره وملتها من الشيل جدران

............................ ورده وذبلت ومن قطفني رماني

ܔ ܔ ܔ ܔ ܔ ܔ ܔ ܔ ܔ

كل ادمي يفرح وتنساه الاحزان

............................ الا .. انا .. عمر الحزن مانساني

ܔ ܔ ܔ ܔ ܔ ܔ ܔ ܔ ܔ

ماعاد باقي بالعمر كثر ما كان

............................ والصمت يقتل فرحتي والاماني

ܔ ܔ ܔ ܔ ܔ ܔ ܔ ܔ ܔ

هات الحزن مادامها احزان بأحزان

............................ هات الحزن دام الفرح ما لقاني

ܔ ܔ ܔ ܔ ܔ ܔ ܔ ܔ ܔ


ياليل وين الصبح كل يوم سهران

............................ اسهر وحزني يحتوي كل مكاني

ܔ ܔ ܔ ܔ ܔ ܔ ܔ ܔ ܔ

يابلاد عمري مابقا فيك سكان

............................ ويادمع عيني من بقا ما بكاني


ܔ ܔ ܔ ܔ ܔ ܔ ܔ ܔ ܔ

وياقسوة الايام حني بـــ(انسان)

............................ لو راح ماتلقين (انسان) ثاني