مدونتي (عايد السهلي العنزي )...

حبيبن خاين العشره جمع حزن البشر فيني
كذب قلبي اذا بلحظه نساه او تناسيته
نسى حبي بعد عمري وخلى الهم يطويني
وخله الدنيا في عيني كئيبه ليت ماجيته
يجي منه اكثر طعن قلبي معنيني
يناديني على الفرقى واقول ابشر ولبيته

تحسب اني في غيابك بذكر في كل جزه
واتندم و اترجى واعتذر وابوس راسك؟
للأسف كنت زقاره تنتهي في كل مزه
وانتهيت و ماطفيتك و احرقك غيري و داسك

اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عندي سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى

خلاص قررت ابتعد وارحل عن اراضيك..
خلاص القلب ماعاد يتحمل خطاياك..
تلعب على الحبلين لاجل تساليك..
خلني ارجوك عسى ربي يخليك..
ما كنت حشى والله بخليك..
في يوم ولا اقدر انساك..
والحين ارجوك روح اسمحلي وحياك..
وعسى ربي يحفظك للي يغليك..

بعد ماعافك الخاطر تجي وتقول سامحني...
لك الله حتى لو اني عذرتك عافك الخاطر..

مابيني وبينك مـشاريـه وعـتـاب
شف دربك اللي جيـت منه تدله
مـاراح تـغـلـبـنـي لو الحب غلاب
من حـضـرتك عشان قلبي تذله
كـنـت الـقـريب وكـلـهـم أغـراب
حتى القمر لاغاب شفتك محله
رح واعتبرنـي واحـد أذنب وتاب
مـانـي بثوب تلبسه ثـم تـمـلـه

خلك مع الي بالكذب دوم يعطيك
وانا ترى بلقى ملايين تسواك
لاتحسب اني برخص النفس واجيك
ما أذل نفسي لمثلك وشرواك
يحرم علي وصلك وقربك ولا أجيك
العيد عيدين وثالثهم فراقك

مــادريــت إن الـــفــراق أكــبر
"خطيه"
واللقا يقضي على كل الخطايا!!
فــي حــضــورك عــيــني بــشـوفــك
"ثــريــة"
وفي غيابك مابقى فيني بقايا!!
صــاحــبــي...وانت شـــفت طيـــبي لك
"هديـه"
وش شعورك دام كلــــي لك
هــــدايـــا!!

لاتكثر بحكيك ترى دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهدمك

أضحك وكني رايق البال خالي..
والناس تحسدني وأنا أموووت بسكاات..
أقضي نهاري بالمزح والتسالي..
وأسهر ليلي في هموم ومعانات..
غريبة هالدنيا على كل حالي..
الحزن دايم والفرح بس لحظات