مدونتي (عايد السهلي العنزي )...

في عز ماكنت محتاجك تخليني
هذا جزاء الطيب والمعروف يالغالي
تدري في قربك تموتني وتحييني
اليوم بالذات تكفى لا تجافيني
محتاجك اكثر واكثر من نظر عيني
الله يعلم وش اللي صاير فيني
ابيك تجمع حطام اللي انهدم فيني
انا دخيلك علي ضاقت احوالي

انا جيت اعشقك نبض ومشاعر مااعشقك تمثال
اناجيت اسكنك واحياك وابقى فيك وابقى لك
انا جيت استفز رضاك من فرقاك والجا لك
انا ماهمت بك عاقل انا كنت اعشقك بخبال
انا ماكنت احبك حي انا كنت اعشقك هالك
ابي قلبك يحس انه فقد بمحبته انسان
ملكته من هدب عينه وخسرت رضاه بهمالك
صحيح ان الفراق اقسى ولكن الوصال محال
وانا صعب علي ارضي غرورك واضعف قبالك

لاتعذر وتقول ماني بغلطان
عذرك ياروح روحي صار اعتيادي
الله وكيلك مابقى شئ مابان
ميت مشاعر لاحشى منت انسان
ارحل وهاجر وابتعد قدر الامكان
الحب لبسته ثياب الحدادي
" سبحان الذي يغير الناس سبحان"
مغرم عرفتك واتركك حييييل هــــــادي

اللي تحبه يارفيقي وتغليـــــــــــه ..
لو غاب عنك من تحط بمكانـــه
لو كل واحد نسى جرح غاليـــــه ..
ماكان به غالي تذكر زمانــــــــه
خله عشان الوقت لابد يربيـــــــه ..
عشان يعرف قيمتك مو عشانـــه
الكون واسع لاتجاري خطاويــــه ..
يلقي بدالك وانت تلقى مكانـــــــه

الا بخطي ثم بخطي وبخطــــــــــــــــي ..
انا بشر ماني عن الذنب معصــــوم
ماهو صحيح اخذ معك دوم واعطــــــي ..
واليا حصل شي بيننا صارت علــــــــوم
واااجد عيوبك لكن استر واغطــــــــــي ..
اخاف لانخسر بعضنا على يـــــــوم

منك نتعلم لعبت الصد ونصــــــــــد ..
مادام قلبك والليالي علينـــــــــــا
منك نتعلم كيف مانحفظ الـــــــــــود ..
(( وتشوف منا ماتسويه فينــــــــا ))
والحين لازم تاخذ المسأله جـــــــــد ..
علمتنا نقسى وشفنا قسينـــــــــــا

ابشرك ماعاد يوجعني فـــــــــــــــراق ..
واقسى وجع فيني يزول بثوانـــــــي
عودت قلبي اذا حمل هم او ضـــــــاق ..
ارمي وما اسأل عن اللي رمانــــــي
عودت نفسي للمتاهات ما انســـــــــاق ..
ولا اسيل دمع عيني و اعانــــــــــــي
خل الحياة تروح للعمـــــــــر وارزاق ..
يمكن مع الايام يضحك زمانــــــــــي

من يجعلك من اساسيات يومه اجعل له وطنا
لا يليق الا به ..❗
ومن يجعلك لاكمال الفراغ عنده استغني عنه
وابتعد عنه ..❗

في حُلمي أنت لي
وفِ واقِعي انت حُلمي ..