مدونتي (عايد السهلي العنزي )...

ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام

حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

فوق هذا الحب أحبك وبعد أكثر كثير..
يالي تدري إن قربك أنا أحتاجه كثير..
يمكن أكثر من غلا روحي لروحي..
وأنت من نساني بالدنيا جروحي..
ونساني نفسي وخلاني أحبه..
هو صحيح إني قدرت أوصلك..
لكن ماني عارف وين أباوصل بالمحبه..
لقيت بك عمري الي ضاع..
ولقيت
ياقلبي
أنا
فيك
الحنان
ولو بيدي ياحياتي كان أعرفك من زمان..
لحظه الي تلتقي بي يبتسم حظي ونصيبي..
ومثل
أنا ماأقول
"أحبك"
أنت قول إنك <<حبيبي>>

يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر

عودت نفسي بحبك يابعد عمري
قلبك حبيبي وعيونك أجمل أحبابي
كل المشاعر تعيش الحب بصدري
و السعد أشرق من عيوني و أهدابي
انت نهاري و انت شمسي وفجري
جذاب طبعك وحسنك صدق جذابي
غلاك اسرني .. و انا الي راضي بأسري
في قربك القلب طاب وخاطري طابي ان شفتك
أفرح بشوفك يا بعد عمري وان غبت كل الهنا عن دنيتي غابي

ماودي أتخيّل حياتي / بليّاك
يا أغلى من أقرب شخص لي بحياتي
ومن كثر ما احبك وأبي ساعة رضاك
شفني على خنجرك / كاتب وصاتي !
دامك تبي الفرقا .. ف أنا اروح وياك
ما ابغى أقابل لين أموت .. امنياتي !
خذني وعذبني على كيفك هناك !
وان مت .. رجعني على ذكرياتي !!

اكذب عليك ان كاني قلت ناسيك
والا بعد حاولت ياروحي انساك
تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و أسلاك
ماتدري إني هايم وميت فيك
ماتدري ان غايه سروري رضاك
اغليك من قلبي ومن روحي اغليك
وافراح عمري تكتمل في ملقاك
كلك حلى سبحان منهو مسويك
يا مجملك في عين قلبي ومحلاك
وزود على حسنك طبوع (ن) تحليك
تفرقك عن هذا وهذا وذاك
يكفيك مني يا هوى البال يكفيك
اني محال انساك لو قلت بنساك

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

انــــــا ما هــــــمني حزني ولا نـي للـــــفرح مشــــــــــــــتااااق
ولا كــــــــــن



ليــــــــــــــــــــه يــــــا دنـــــيا.. اذا بــــــــضحك تبـــــــكـــــــــيني

شفني تعبت من كثر ماحل وآطير
آدور لعمري سنين إبتهاجه
وش باقين لي بيه قطع المقافير
سراب يلمض بالضمى بإمتعاجه