مدونتي (عايد السهلي العنزي )...

لا ضاقت الدنيا عليك وتشاويت
خلق الله اللي فالرخا كان واجد

ومن العرب والصوت والثوب مليت
وقامت عليك هموم بأقعا تراجد

فارفع يديك لخالقك لا توضيت
وادعو تراك أقرب إليا صرت ساجد

ووقت من أوقاتك للأوقات توقيت
وسجل لنفسك في المساجد تواجد

وأبشر بفزعة حامي الدين والبيت
إليا هجدك من الهواجيس هاجد

اللي يميت الحي ثم يحيي الميت
لرضاه شف كثر البشر بالمساجد

البارحة ربي كتب لي ومريت
دربٍ عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استباحت

التم غيم الدمع من يوم لفيت
وورقا القصيد لشوفة الغيم ناحت

وضحكت ماأبغي الناس تدري يبالفيت
لكنها غصبٍ على العين ساحت

حارت دموعي في عيوني وصديت
وأرمشت مابيها تبين وطاحت

وعقبه برق في العين براق واسقيت
خدي ووناتي بصدري تلاحت

وأنا أحسب إني في فراقه تشافيت
وان عبرتي من مدخل الزاد زاحت

اللي يحسب إني على البعد سجيت
والا ان عيوني للرقاد استباحت

ياليتني من قبل لا أحبه اقفيت
والا ان دروبي عن دروبه تناحت

أهون علي من البكا والتناهيت
وأشلا من سدودٍ على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولوله اني عقب بعده تدانيت
ورجلي عن دروب المعافين شاحت

البعد نار وطاعة العذل كبريت
يقصر على بعده ترى الكبد فاحت

الجو غيم ! وخابرك تعشق الغيم دايم تقول إن المطر، لمّة أحباب غيّرت بغيابك جميع، المفاهيم صار المطر يبكي على لحظة غياب

بعض البشر ياتي على جروحنا شاش ..
و بعض البشر يخفي علينا دواها ..

لكن على ما قيل عيني لك فراش ..
والعين الأخرى لـ الرفاقه غطاها ..

محتاج أغيب أيّام وأبعد عن الناس
يمكن ( ثقيل الهم ) يطلق يديني
تعبت اجاملهم على جرح الاحساس
بـ أرحل بعيد (ومن بغاني يجيني )

حبك عباره عن شرايين وعروق.
تجري بجسمي نبضها من حنينك
هذي حقيقه بين عاشق ومعشوق.
ابعد : اذا قررت تقتل ظنينك.

قصر الغرام اللِّي لحبك بنيته //
في المفترق راحت ركونه هدامي
// وحكم القدر لك بالمفارق رضيته
// آرَدْ على فرقاك ورْد الظوامي .

لا شفت لك مجروح حاول تداويه
داوه و لو من باب الإحسان داوه
وإن شفت من يبكي فلا تسأله ليه
الدمع ما عمره نزل من فضـاوه .

لاتجرحيني جرحك العام ماطاب ..
داوي بحنانك مامضى و إجرحيني
يالَّلي حنانك نظرةٍ بين الأهداب .
. ردِّي علي بعض العزا ناظرينـي

الصيف ودّع شمسه ،، وعوّد البرد
وعادت صباحات ،، المطر والنسايم
قم يا صباح الخير والنور والورد
شف وش كثر نشتاق لك وانت نايم