اضعف اعلامي نصراوي!

بسم الله الرحمن الرحيم :
السلام عليكم ورحمة الله وبركاته :
بعد غيبة طويلة احب ارحب بكم اخواني اخواتي جمهور العالمي و باذن الله ما ننقطع عنكم,
اللي ابي اقولة من المعروف ان الاعلامي المخضرم الاستاذ سعود الصرامي نصراوي
لكن سرعان ما يتحول الى هلالي في حال وجود شخص او اعلامي هلالي مقابل له في اي برنامج
حتى اذا كان هذا الاعلامي الهلالي لا يملك الفكر و امعه كما هم اغلب الاعلاميين و الكتاب الهلالية و هم مرتزقه و هذا شي معروف لا يمكن انكارة لكن لماذا هذا الخوف من الاستاذ
سعود الصرامي و انا اللاحظ في كثير من البرامج اللتي يخرج فيها خصوصا برامج لاين سبورت
و منها برنامج الهدف حين امتدح الاستاذ سعود الصرامي جمهور الاهلي لانه عمل لنا صور و كرنفال رائع (بنسبة لي ليس كذلك)على حد قول الاستاذ الصرامي ولم يرضى الاعلامي الهلالي الموجود وقال وين جمهور الهلال كان متواجد لماذا لا تمدحه الكلام هنا ليه هذا الامعه ما يقول صحيح جمهور الاهلي ابدع , على طول قال جمهور الهلال كان حاضر امدحه انا كان ودي ان الاستاذ الصرامي سكته بكلمتين كان بامكانه يقول جمهور الاهلي غطاء الواجهه و جمهور الهلال ما شفنا شي منه و ليس شرط امدح الهلال في اي شي , لكن قهرني مجد الهلال
يقول هذا زعيم اسيا و الخليج و السعودية و جمهورة غفير و اكثر نادي جماهيرية
سؤال وجية لماذا هذا الخوف من الصرامي هل لانهم شنو علية حمله في فترة من الفترات ام ماذا؟!
على فكرة هذا الاعلامي الهلالي معروف مرتزق من قبل الزعيق و لا يملك الفكر و لا حتى الالفاض المناسبة التعبير عنده صفر معروف غبي جدا يعني سهل انه يسكته و يخمه بكم كلمه
لكن مدري وش ذا الخوف ؟!
و اسف اطلت لكن شدتني ذا الحركة من الصرامي اللي لاحظتها فيه اكثر من مرة و ارجو ان يكون الرد بدون تجريح و النقد بناء و تعطوني رايكم في ذا الحركة من الصرامي و من ذا المرتزق الزعيقي و شكرا.

كلام رائع وفي الصميم وانا اتفق معك وبقوه ولديه ملاحظات كثيره على سعود الصرامي
وازيد على كلامك في مبارتنا معا الشباب يوم خسروا منا قال النصر مافاز عشانه قوي عشان الشباب ماكان بمستوه هذا رد يقلل من فوز فريقه عشان الشباب وياليت الشباب عنده اعلام عشان يخاف اخوي وليام سعود الصرامي انسان متقلب في كلامه مره يعجبني في بعض الامور وبعض الاحيان يخربها وما تدري وش يبي مثل ما خلى سامي الجابر اسطوره يعني في بعض النصراوين يهاجمون النصر للاسف شكرالك اخوي على طرح لاتحرمنا من مواضيعك لك احترامي وتقديري واشكرك انك تطرقة لهذه النقطه

يعطيك العافيه اخوي على الطرح

كتبت فصدقت سطرت فأتممت يعجبني فلمك المميز اخي الغالي

بالفعل سعود الصرامي رجل خواف وسرعان مايتقلب مع الشخص الذي امامه

انا مااعرف ليش كل هذا التخوف من سعود الصرامي ...؟

الله يخارجنا من بعض الاعلاميين النصراويين اشكال سعود الصرامي

بالتوفيق لنصصصري يارب ياكريم

يعطيك العافيه اخوي

اخوي ضاري و اختي حنين اتوقع ان سبب خوفه هذا بسبب ضعف شخصيتة و اي شخص يستطيع ان يفرض شخصيتة او كلامة على الاخ سعود الصرامي هو للاسف جبان و يمثل نفسة لا يمثل النصر . و الف شكر لكم على مروركم.