هدية الاربعاء....

للحـزن ساحـاتٍ بصـدري مثـل ساحـات القتـال
فيهـا الاصيـل مـن المـهـار تـعـوّد بخيالـهـا


ولا يطفـي حـر ما بـي مـن حرايـق وإشتـعـال
الا الدمـوع اللـي مـن عيونـي يـهـل هلالـهـا


لازال فيـهـا دمعـتـيـنٍ لـلـفـراق ولاتـــزال
ذكـرى هنـوفٍ كـل يــوم أحطّـهـا وأشتالـهـا


راحـت عسـى الله مايلحقنـي مشاريـه الـرجـال
تقـول كنّـي ماخلـقـت مــن الـتـراب الا لـهـا


عـزّ الله إنّـي ما نسيـت أفعالهـا بـنـت الـحـلال
لـعـل ربــي ما يجازيـهـا بـســو أفعـالـهـا


أكبـر جريمـه ترتكبهـا في الهـوى مـن وسـع بـال
هــذي ضحايـاهـا بقلـبـي شـيـّدوا تمثالـهـا


وشلون تهجرني وأنـا مالـي علـى الهجـر إحتمـال
وشلـون تهملنـي وأنـا مانيـب أطـيـق إهمالـهـا


وشلـون تقطعنـي بسيـف البعـد قطّـاع الوصـال
وأنا لـو أقطـع عـرق قلبـي ما قطعـت اوصالهـا


وشـلــون ما تشتاق .. ما ترحم .. ما تذكـر .. مـا تـسـال
وشـلـون ما تطـلـق يـديـنٍ كبـلـت بأغلالـهـا


وشلـون مايطـري عليـهـا لاتفـيـت في الـظـلال
متشـبـثٍ لا وقـفـت جنـبـه قـعـد بظـلالـهـا


مكسور خاطر والسوال أعـووووذ مـن ذل السـوال
يا مـا أنتظـر مـن بـرج هاتفهـا يبـث إرسالـهـا


لكـنّ مـال الآدمـي حيلـه لا مـن الـحـظ مــال
الميلـه اللـي فـال ربـي خيـر لـه مـن فالـهـا


هي افقدتنـي مـن هنـا .. وأنـا فقـدت الاتصـال
مـن يــوم راحــت لا رسايلـهـا ولا جوالـهـا


ياقـسـوة الايــام والـحـظ الــردي والاتـكـال
علـى مقولـة للمواقـف والـلـزوم رجالـهـا


يالله دخيلـك مـن تردّايـة نصيـب وشيـن فــال
مـن حيـرة آمـري ليـت عنـدي حيلـةٍ وأحتالهـا


إن أرخصت قدري وطاحـت قيمتـي والهجـر طـال
قولوا لـهـا تـتـرك مكابـرهـا وتـاخـذ بـالـهـا


أنا من اللي فوق .. فوق وفوق .. فوق وعال عال
تركـد ويركـد عمّهـا معـهـا ويـركـد خالـهـا


لا وصـلـت للـحـد هــذا لانـقـاش ولاجــدال
تبـعـد وتنـكـف الامــور دقاقـهـا وجلالـهـا


لو المفارق صعب والنسيـان ضـرب مـن الخيـال
ارخـاي راســي لايــروق الـهـا ولايحلالـهـا


إحفـظ لهـا قيمـة غلاهـا وأنتظرهـا مـن شمـال
وإذا نستـنـي هــذي الدنـيـا وهــذا حـالـهـا


أمّا أني أنساها نسـى الله مـن نسـى ذاك القبـال
ياااااصـبّ روحـي صـب دلتّهـا علـى فنجالـهـا


قولولهـا لا إستخسـرت فيـنـي ريالـيـن إتـصـال
تهـدي علـى جمعيـة الصـم البكـم جوالـهـا...

مما راق لي للشاعر الكبير:- مدغم ابو شيبه..

راق لي مما راق لك اخوي
يعطيك العافيه ولاهنت

نص في غاية الجمال
يعطيك الف عافية
تحياتي لك

لو المفارق صعب والنسيـان ضـرب مـن الخيـال
ارخـاي راســي لايــروق الـهـا ولايحلالـهـا


إحفـظ لهـا قيمـة غلاهـا وأنتظرهـا مـن شمـال
وإذا نستـنـي هــذي الدنـيـا وهــذا حـالـهـا

آآآآبداااع ..

ابيــــــــــــات راقت لي حييل

تسلم ذاائقتكك العذبه شااعرناا

لاعدمنااا جديدك ..

يعطييك العاافيه

طرح جمييل الف شكر ي شاعرنا..#

وِ لـ جمآ'ل إْلذّإْئقُـهْ هُنـآ‘إْ نبعع إْخَـرَ
كلْ إْلُشُكرّ لـ قًـآـبگ بوإْتـقَ ورِدَ

شكرا لكم على المرور ولاخلا ولاعدم...

ما نحتاج نزيد
هدايا جميلة كما اعتدنا منك أخوي
لا هنت
بإنتظار الأربعاء القادم بإذن الله
ألف شكر ^_^