مستوى جيد + حظ الاكوادوري 0% .. القحطاني تألق ونتمنى المزيد

بسم الله الرحمن الرحيم


مساكم / صباحكم .. نصر وتألق بأذن الله


مبروك الـ 3 نقاط والى الامــام ان شاء الله ولاكن فيه كم نقطه ودي أتكلم عنها وافضفض لكم ..

مستوانا امس يعتبر جيد من ناحية التمريرات والنقلات وسيطرنا على المباراه بالكامل من الدقيقه 1 الى 90 فقط بضع هجمات لهجر من هجمات مرتده مع شغب للمهاجم اترام بس بدون جدوى
لاعبين النصر كانوا في مستوى جيد واخص بالذات ابراهيم غالب و عبدالرحمن القحطاني و الغامدي و ايوفي و سعود حمود
وصراحة استغربت تغيير سعود حمود كان الهجوم ممتاز بس كان ينقصنا اللمسة الاخيره مع حظ ايوفي السيء وانا متأكد هذا الاعب لو سجل هدف واحد بيسجل أكثر
بس اهم شيء يخطى عقبة الهدف ( اللي ناشب له ومو راضي يجي ) .. والقحطاني ممتاز من ناحية النقلات ويمكن لاحضتوا نقلاته من اقصى اليمين الى اقصى اليسار بدقة عاليه ماشاء الله عليه , بس باقي له الحس الكروي والتسديات , وهذا طبيعي نظرا ً لابتعادة عن الملاعب فتره معينه وان شاء الله بيرجع احسن من اول

سعود حمود لاعب متحمس يعجبني حماسه و تحركه بس مشكلته مايعرف يوزع لياقته يعني غالبا ًيحط لياقته بالشوط الاول وهذا خطأ المفروض يوزع لياقته على شوطين بحيث يعطي مباراه كامله مو شوط واحد , و بعد لازم يزيد من لياقته ونتمى له التوفيق

اما السهلاوي والله مدري ويش اقول يعني كأنه يلعب وهو مغصوب على اللعب لا مهاره ولا اداء بس اذا اشتهى اللعب يبدع ماأدري هو تشبع من الكوره
وهذي مشكلة بعد بالنصر اي لاعب يجي ياخذ مكان بالتشكيلة الاساسيه ويطول فيها وهذا يؤدي الى تشبع الاعب
اما لو كان فيه 4 مهاجمين وجاهزين راح يكون فيه تنافس بينهم وماراح يكون احد يتشبع من الكوره بالعكس يكون في حماس متواصل
ودليلي ان اي واحد يجي للنصر ياخذ اساسي : محمد عيد و عطيف و الغامدي و حسين غبدالغني و السهلاوي و القحطاني اول ماجاء و لاعبين كثار
وهذا خطأ فادح ونتمنى يشوفون له حل ,

و ايوفي ممتاز من كل النواحي بس يبغاله حظ , وتأكدوا لو يسجل هدف واحد راح يكون اول الغيث قطره .. بإذن الله

غالب بطل ونتمنى المزيد منه هو وباقي الاعبين
مانسو , ممتاز بنقلاته ويسوي حركه للوسط اكثر من عطيف بس مشكلته ثقيل و مايدافع ماعنده جانب دفاعي فقط هجومي و ليته يشوت زي التون وانا مأكد انه ممتاز بالتسديد لاكن ماأدري ليه مايشوت !!!!


شوكت .. اكتفي بلا تعليق

وباذن الله مع المدرب الجديد راح يكون نصر جديد و مستوى افضل وأفضل

اشكرك اخوي للطرح
ومبرروك الفووز
والله يوفق نصرنا ي رب

الله يعطيك الف عافيه ،، بالعكس شوكت كانت له بصمه في الأمس رغم أن هذه المباراة الثانيه له هذا

تحليل رائع وكلام جميل


لا عدمت طرحك يا مرموق


تقبل مروري