- ( شارع بيتها ) ||

,

السلام عليكم ورحمه الله وبركاته
صباح / مساء الخير ..

مدخل :

علاقتي وياك .. قفا بها الياس
وفي زحمه التعبير فضّلت صمتي

انا بديت احس ؟ إن ماعندك إحساس
على كثر ماني حزين ؟ ( إبتسمتي )

خلوني أدرّج قِدم رجلي على الممشى وآسير
النفس موجعها الحزن , والرجل ما مشيتها

في ديرةٍ مايندرى وش الوزير من الخفير ؟
المدّه اللي بتنصفط ؟ بتشيخ لا مديتها

الناس إلى مرّيتها كنّك مع موكب الامير
إتلد فيك عيونها .. والعين ما لديتها ,

الدمع يدوّر للسبب والضيق مامنّه مطير
وعيون خلق الله إتحرّى دمعتي ( واخفيتها )

بغيت اهل الدمعه إلي كنها دمعه ( غرير )
لكن .. ذكرت أغلى من الدمعه ولا هليتها

ادخل على الله من ردى حظي وتأنيب الضمير
ومن كلمةٍ أزريت لا انطقها .. ولا كنّيتها

ومن طيحة عزوم الكبير اللي خلقه الله كبير
وحاجة يمينٍ .. لاحشمت افعالها .. كفّيتها

تطري عليّ ثنتين , وتكويني على الضلع القصير
الأولّه في خاطري .. والثانيه .. ( ياليتها ) ؟

مابيّنت خلّة عزيز القوم في عين الضرير
إلا عيونه .. شافت الخلّه .. وانا ماريتها

شدّت قوافل آخر آمالي .. وانا توّي صغير
واقفت يصارعها الضما لين أختفت واخفيتها

لا حسبي الله كل ماورّدتها جال الغدير ؟
راحت .. ماكنّي من ظما غبر السنين اسقيتها

رآح الكثير .. ولا بقى من القليل الا الكثير
ثلاثه ارباع السنين من العمر ؟ عديّتها

ماخذت منها غير عشقي ( دانه ) البحر الغزير
لعيونها .. خليت اغلى ما ملكت .. وجيتها

بيني وبين وصالها مثل الشهيق من الزفير
ماتت مشاعر خافقي لوصالها .. وأحييتها

عشنا ثمان سنين نرجي تالي المشوار غير ؟
الوقت دااااايم ياخذ الحاجه .. إليا حبيتها

ولا إستباح إفراقها قدني على ( الرمق الاخير )
الا عقب ماشافني عند العرب .. وآغليتها

انا ادري إللي أبيه يصير ؟ لا يمكن يصير
إيلا بغيت أكحل عيون الظروف ( اعميتها )

ماعفت فِ الدنيا كثر ما عفت تحديد المصير
وديّ اسويها ؟ .. واخاف اندم إليا سوّيتها

فارقتها .. واثر العشير إلي مفارق له عشير ؟
يعيش في دنياً .. ماينعرف حيّها من ميتها

إللي يقول ان الزمان بخير ؟ والدنيا بخير ؟
يشوف حالي كل ما ماريت .. ( شارع بيتها ) !

مخرج /

خوينا من عاد حنا ( بزارين )
إليا خلص من واجباته يجينا

نضحك ونلعب وإنتمازح وبعدين ؟
إليا بكى من إي حاجه ( بكينا ) ,

من اول يسلم ويقلط .. وذالحين ؟
ايمّرنا .. ولا يسلم علينا

اثر القلوب الحاقده فالها شين
الله يعافيهم .. ولا يبتلينا

النص / لـ حمدان المري
المدخل - المخرج / لـ فهد بن شويمي

إللي يقول ان الزمان بخير ؟ والدنيا بخير ؟
يشوف حالي كل ما ماريت .. ( شارع بيتها ) !

انتقاء مميز وقصائد رائعة
الله يعطيك الف عاافية
تحياتي

ابيات رائعه
يعطيك العافيه يالغلا ع الاختيار
لاخلاولاعدم

يعطيك العافيه يالغلآ
ومااقصرتي ع القصيده
بإنتظار جديدك الحلو

الله الله الله عليك وعلى عودتك الراااائعه الف شكر لك اختي طيف الذكريات على النص الرائع وعلى المدخل والمخرج اللي اكثر من رائعه والله لا يحرمنا من قلمك وفعلا من طول الغيبات جاب الغنايم...
الف شكر لك والله لايهينك...

صح لسآن قايلها ~

وصح نبضك يالغلآ

كلمات رووووعه ~


لآهنتِ

طرررح اكثر من رآآآآئع
الله يعطيك العااااافيه

الرووعه بتوااجدكـــــــم

نورتــــــــــو الصفحه ,,

يعطييكم العاافيـــــــه

كفنت وجعي
بكفوفي
بكى قلبي واعتصر
وسال دمع العين ساخن فتت الصخر
وسرح الفكر يتأمل الاثر


في كل مرة التقي بهِ حرفك يأسرني

ويجعلني منتعشاً ... يأخذني بأجنحة الجمال

الى جرز الابداع


شكراً لحرفك متنفسي عند الملل


مودتي

وعليكم السلام يالغلا

خوينا من عاد حنا ( بزارين )
إليا خلص من واجباته يجينا

نضحك ونلعب وإنتمازح وبعدين ؟
إليا بكى من إي حاجه ( بكينا ) ,

من اول يسلم ويقلط .. وذالحين ؟
ايمّرنا .. ولا يسلم علينا

اثر القلوب الحاقده فالها شين
الله يعافيهم .. ولا يبتلينا

رسمتِ لنا طريق الحب ..


ونثرتِ على جوانبِهِ الورد ..


فلكِ منّي تحيةٍ من قلب

أنتظر المزيد من إبداعك