وصية فاهم

بسم الله الرحمن الرحيم
السلام عليكم ورحمة الله وبركاته
راقت لي هذه القصيده فجببت أن اعمل لها مقطع بسيط
وانقلها لكم



يافـاهـم احـفـظ وصـاتـي لا تضيـعـهـا دام القـلـم يشتـغـل ويجـيـب الانــدادي
افهـم وغلـطـات نفـسـك قــوم رقعـهـا ترقيع ثوب سمـل عقـب البطـى بـادي
والنـفـس بالكـبـر بـالــك لاتطـاوعـهـا تـراه مذمـوم تنـهـى عـنـه الاجــوادي
والله نهـا عنـه فــي كتـبـه ونسمعـهـا يـقـولـهـا كــــل عــــالمٍ والله الــهــادي
يـاجـاهـل الـنـفــس بــالــك لاتـدلـعـهـا ترميك نقـره حضـوظٍ وسـط الانكـادي
خـلـك عــدوٍ لـهــا عـســاك تـردعـهـا عن الـردى والرذيلـه بيـن الاجـوادي
من طاوع النفس وسط النار يجدعها وليـاه نـادم عـن درب السـنـع غــادي
وان كــان يـالادمـي تتـبـع مطامـعـهـا ابشـر بشـيـن العـمـل قافـيـك جــلادي
وان كـان ماطاوعـت واجـب تسنعهـا مـدام لـك بالبقـاء مـصـدر ومـيـرادي
ان كــان حــظ مـوفـق زيــن تمنـعـهـا عـن المحـارم لــو بالمـلـح والــزادي
عـن المحـارم ودرب الظـلـم جوعـهـا والحـق بيـن ولـه منـحـى ومسـنـادي
يـالـعـبـد دنــيــاك لــوطــول تـلـذعـهــا لابـدهـا زايـلــه و الـحــق بـالاجــادي
الـشـمـس يابيـنـهـا يكـيـفـك مطلـعـهـا لـكــن الايــــام تـبـغــى دوم عــــدادي
والنفـس حـاول بـهـا عـسـاك تقنعـهـا على التواضع وطيب الخلق والقـادي
عسـاك تسعـى لهـا فـي شـي ينفعـهـا النـفـس تـبـي لـهـا تـدبـيـر وجـهــادي
وقـوم نسـت ذكــر ربــي لا تصانعـهـا وخـيـر مـالـك تـزيـن عـنـه الابـعـادي
مـجـالـس الـســو بــالــك لا تتـابـعـهـا تجلب عليك الظلال وشمت الاضدادي
ولقمـه حـلال مـع الاجــواد تجرعـهـا اخير من خزنتـن فيهـا الـف حسـادي
يالـعـبـد قـــد غـــرة الـدنـيـا مربـحـهـا تـغـانـم الـنـفــس لـلـصـيـاد صــيــادي
وان كـان مانتـه عـن العلـه مسنعهـا والا جـهـنــم لــهـــا بـالـحـيــل ورادي
الـنــار ياجـاهـلـن بـالـنـار مفضـعـهـا شبوبـهـا مــن حـديـد صـلـب وقـــادي
ان مـرهـا واحــدن روحــه تمـزعـهـا دايـم وهـو وسطهـا سـرداد مــردادي
نـــار جـحـيـم قــبــل ربــــي مـولـعـهـا طـعـام اهــل الكـبـر جـمــع وفـــرادي
الــنــار بـوجـيـهـم دايــــم تـلاوعــهــا جـزا خبيـث العمـل يلقـاه وش عــادي
عبدالله بن خويتم

دمتم في رعاية المولى عز وجل