اجمل اشعار بدر بن عبدالمحسن

(المحـــبه أرض)
المحبـة أرض والفرقـا أراضــي
والزمن كله تـرى لاغبـت ماضـي
والله إنـي مـا أشـوف إلا عيونـك
إن رحلت اليوم أو طـوّل مراضـي
قالـوا العـذّال والعـذّال مـرضـى
وش بلا حالك من الاشـواق قاضـي
قلت يهجرني حبيبـي ليـن يرضـى
علّموا الظالم ترى المظلـوم راضـي
جرّحوني في هواك وقلـت أبشكـي
ماهو من ***ي ولكن لإعتراضـي
وش علي لو قطّعوا لاجلك عروقـي
من رضى بالحب .. يرضيه التغاضي








(الــــعمر أحـــبك)




لليل احبك مابقى فـي السمـا نـور
والى ضواني الليل .. للصبح أحبـك
واللحظة اللي كلهـا عنـد وغـرور
أشوف قبري بين عينـك .. وقلبـك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابـه غيـر لوعاتـي قصـور
وخوفـي عليـك الله ربـي وربـك
ما بي جهد ابني على صمتك جسور
لا حيرتني أسباب سلمـك وحربـك
العمر أحبك .. مابقى فينـي شعـور
والى جفاني العمر .. وشلون أحبـك












(رســــــــاله)





إلى من .. يهمها أمرى .. إلى من ..
رجاءً .. إلى متى صبري .. رجـاءً
أنا لن .. اشتكي .. همي لغيـرك ..
ياروحي .. اشتكي روحي على من ..
رسالـه .. حبـرهـا .. دمــي ..
رساله .. تصرخ ابهمي .. إلى من ..
سألت الرمل .. في دروب القوافل ..
سألت الجدب .. عن لون السنابـل ..
سألت الناس عن وجهـك حبيبـي ..
عن الشمس .. ومتى تشـرق مسـاءً
أحبـك .. يالصـحـاري الـلـي ..
فـهجيرك .. احترق كلـي .. وفـاءً
كتبـت لواحـة عيونـك رسايـل ...
بسراب الدمع ... وانفاس القوايـل ..
كتبـت وذي تـرى .. اخـر رسالـة
أحبك .. وان نسيتينـي .. وداعـاً ..


----------------------------

(رعــــــشة هــــدب)

ماقلت له ... يا حلوتي ماقلت له ...
المشكله ... إني أختلف ...
لا طروا اسمك من الوله ...
وجهك تغيّر ... نظرتي ...
وتضحك في عيني يا عبرتي ...
وبعض الحكي ما اتحمله ...

ما اكذب عليك ... البارحه شافوك ...
رعشة هدب لفته ...
البارحه شافوك ... في النوم الذي عفته ...
وماحد ٍ يقول ... شافك معي مره ...
طيفك متى ... يكفيني من شره ...
باكر إلى مروا علي ربعي بقول :
إن السما ما هي سما ....
واغيّر اوقات الفصول ...
ان صدقوني .. ما دروا إنك هواي ...
وإن عاتبوني ... صارت عيونك سماي ...


-------------------------------

(لاتـــــقول)




لا تقول ودعتنـي داري
بالحيل مالي عليك عتاب
مريت في موعدك ساري
وقفت لين النجم ماغـاب
الليل تحت الشجر عاري
والفجر غطي السما بثياب
والريح في كفوفها الذاري
تدفن ارسوم الوعد بتراب
مريت ماللولـه طـاري
ووقفت ماللنـدم اسبـاب
مدري تعودت مشـواري
أو خان بي قلبي الكذاب


-----------------------------

(لاتـــــــشد القــــيد)

لا تشد القيد ...
ت*** يدي ... أو ت*** القيد ...
قيدك غدى يوجع يدي ...
سجني أنا انت ... وسجنك أنا ...
والحب ... الحب عبدي وسيدي ...
لا ... لا تشد القيد ...
دمي ... جرى ... دمك ...
همي إني اشوفك في يدي ...
وإلاّ يدي همّك ...
في معصمي صرت ...
إنت السجين في معصمي ...
وكانك تصبرت ... أنا مقوى الصبر ...
دمعي في عيني ... وصرختي تملا فمي ...
سجني وسجاني ... أحزانك احزاني ...
وشلون ابنساك ... وشلون تنساني ...
محبوس في عيونك دمع ...
وزنزانتي ... تقطيبة الحاجب ...
وحاول توارى في الجفا ...
يا وجهه الصاحب ...
بتشوف نفسك في يدي ...
قيدٍ رقيق ...
قيدٍ سلب حريتي ...
ليته طليــق ...
يا صاحبي ... ما به ابد قيدٍ طليق ...
لا ... لا توجع يدي ...
سجني انا انت ... وسجنك انا ...
والحب ... الحب عبدي وسيدي ...


(لــــو تغـــيبي)



لو تغيبـي ولو رحـل وجهك حبيبـي

في غيابـي عنك أشوفك .. وفي عذابـي منك أشوفك

صـدقينـي مـا نـقـص هالليـل بعدك إلا قمـرا

وما فـقـدت من النهـار إلا شعاع الشمس بكـرا

واجمل الناس حبيبـي ..

لو تغيبـي لو رحـل وجهك حبيبـي

تصغر الدنيا وتضيـق

كلّ مافي الدنيا أعرفه إلا بيتـي والطريق

أنا أحبك ذا نصيبـي .. إبعدي عني وغيبـي

صـدقينـي مـانـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا

لك ليـالي ما سألتـي .. ولي ليـالي ما سـألت

ولو دريت إنك زعلتـي .. كان أفرح مـازعـلت

بس داري مافي قلبـك إلا قلبـك

واختياري إني أحبـك والا أحبـك

ومن عذاب الحب يكفـي لو تجرّح قلب واحد

وإنتي يا حبـي وضعفـي لا يهمك كله واحد

لجل تتغير فصول .. ويبكي الغيـم في عيونـي

وتزهر جبال وسهول .. اضحكي بيـّا وبدونـي

وصدقينـي مـا نـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا

الله روعه حيل مره
اشكرك يالغلا ولاهنتي
بارك الله فيك للابيات
ودي,

ي لبيهةة آلببددر
قممةة ف ألأنتققإء
ششأعري الممييز هعع
-
ككل الششكر لك ولروعة بوححك
وجمألية طرحككك . . #
انتققإء جميل ف الششعر . !
موضوع رآئع جدإ . .
يعطيك آلعآفية ~

رووووووووووووووعه


الف شكر لس


كودرد ^_^

أجــمل وأرق باقات ورودى

لردكـم الجميل ومروركـــم العطر

تــحــياتي لكم
كل الود والتقدير
دمتم برضى من الرحــمن
لكم خالص احترامي

ابيات رائعه
الف شكر

الف شكر لك على نقل هذا الديوان البسيط للشاعر الامير بدر بن عبدالمحسن ولاهنت..

رائع ما طرحتي
يسلممممممممممممممممممموو حجازيه ع هيك انتقاء
ننتظر ابداعك القادم

تسلم يمينك لاهنت ... يعطيك الف عافيه يارب

الله الله على روعة الموضوع
الف ألف شكر أختي
^__^
تستحقين الوسام +تقييم