ولا لك الا الصبر ! ( وش داك له ؟ )

بسم الله الرحمن الرحيم


بعض العرب حبه يوردك الجنون
،،،، ولا يوصّـف له غلاك حكاك له

ما يقنعه وصف الغلا لو وش يكون
،،،، لو كل حرف(ن) بالحرير يحاك له

الموت جاك وهو تقلبه الظنون
،،،، ولا لك الا الصبر ( وش وداك له ؟ )

ان قلت ضايق قال هونها تهون
،،،، ما يدري ان ضيقتك له وبكاك له

تقعد تحبه وانت ساكت ومغبون
،،،، يمكن بيوم يدال له منفاك له

و كانك مشكك هو يمون او ما يمون
،،،، تخيل ان عفت الصبر فرقاك له

غلاه من فوق الغلا ما هو بدون
،،،، و حكاه سمعك يجبرك برخاك له

ودك تحطه بالعيون من العيون
،،،، وتبسط على رمض الثرى يمناك له

و تظله من الشمس في ظل الجفون
،،،، ولا يمر اذنه سوى لـبـّّـاك له

و تسج من غيره لو انهم يذكرون
،،،، ومنين ما سجت القدم ممشاك له

غرون(ن) يميله الترف ميل الغصون
،،،، غصن الليان ومكرمه بسقاك له

وجديله لا اقفى ستر منه المتون
،،،، كني بريحه لا التفت بدعاك له

كيك وعسل . . لكن ماهو في صحون
،،،، و دعاك من عين الحسود غطاك له

الله لا يعطيه ناس(ن) ينظلون
،،،، ويستر عليه من النحل لا ياكله

الوصف والتعبير في وصفه يخون
،،،، غير اطلب الله يستجيب دعاك له

و عذال قلبك في محبته يهبون
،،،، سكينهم عن قطع حبله حاك له

ناس(ن) عن اعراض العرب ما يعرضون
،،،، دايم على نفس الشكل والشاكله

اللي من لحوم الأوادم ياكلون
،،،، وحلوقهم دفع البلا متواكله

في سلمهم اولى بالأكل الأقربون
،،،، وأطيبهم اللي صيدته شكواك له

يدعيهم الشيطان للذنب ويجون
،،،، هذا يقطع له وذاك يواكله

ياجعلهم فدوة ثرى الغض الفتون
،،،، اللى على الدرب الطويل إخطاك له

طيفه الا نام البشر زارك بهون
،،،، وطيفك الا نام البشر سرّاك له

حبه دفان ومقبره خضر الطعون
،،،، بين العظام العوج كنك ناكله

اللي كذا حبه لو تموت مغبون
،،،، ولا لك الا الصبر ! ( وش داك له ؟ )

قصيده رائعه لشاعر اكثر من رائع ومن ذائقه اكثر من رائعه الف شكر لك اخوي سلطان على النقل ولاهنت...

ابيات اكثر من رااائعه

تسلم يا ولد الهلال

لك اهلى تقييم

هع

كودرد ^_^

راائعه كـ روعتك لـ اختيارك الابيات
المميزه اشكرك مشرفنا ولاهنت
يعطيك العافيه راق لي

ابيات جميله جدآ
تسلم يمينكك مبدعنا ويعطيكك الف عافيه لاعدمناكك

قصيدة راائعه متميز في حضورك دائما
يعطيك العافية ياسلطان

اييات رااائعه
يعطيك الف عاافيه ع الاختيار
لاهنت

تسلم يمينك لاهنت يالغالي ابيات رائعه مثل روعتك

رووووووووووووووووووووووووعه
انتقاء يدل ع ذائقة شاعر مميز
يسلمممممممممممممموو سلطان النصر
ع هيك انتقاء وع هيك ذوق واختيار
ننتظر جديدك بكل شووق

الله على روعة بن فطيس

كل مررره اقراا هالابيات من جمالهاا كأني اول مرره اقراهاا

تسلم يمينكك على الانتقاء

ماننحرم من جديدك مشرفنااا