قصيدة : فيصل بن تركي .. !!

مع التحية والتقدير للأحبة الأفاضل :
إسرة ونجوم منتديات جماهير الوفاء
يسرني ويشرفني إن أضع أمام أبصاركم
نص : فيصل بن تركي
آملاً إن تجد ولو للقليل من إستحسانكم ..




: فيصل بن تركي :

إهداء إلى كحيلان وجماهير العالمي

النص تم نشره بصحيفة نصراوي توب :




قصيدة ” فيصل بن تركي “



http://www.nasrtop.com/nasr/8920

العفـو لحظـه ياسمـو الجماهيـر

للعلـم مبـدأ والفخـر وأعتـبـاره

-

تارد شـوارد متعبـات الشواعيـر

وتفاوت الأفكـار عـرف وصقـاره

-

در الفرايـد نـادرات التصـاويـر

أبكار فكـر الجـزل نهـج أبتكـاره

-

وإن بان أبن تركي لشوح النواظيـر

فزيت أقول أرحـب لشبـاب نـاره

-

أقلط على شداد الزعامـات ياأميـر

أرحـب هلابـك ياسليـل الأمـاره

-

وأطلقت سبق الطير..طير التفاكيـر

وقدحت في روس الفتايـل شـراره

-

والشعر وهبـه والعطايـا مذاخيـر

كمال رب الكـون ماهـي أستعـاره

-

شاعر بحر وأقطف زهور النواويـر

وأنحـت صخورالشعرفـن ومهـاره

-

على الطوالع بند صـدق التقاريـر

وحق ٍ علي النور ماأحجب ستـاره

-

ياقرم ياسرحـان ياسيـف ياجيـر

ياكوكـب ٍ بيـن الكواكـب مـداره

-

يامسطر ٍ مجدك على العز تسطيـر

للفعـل صيـت وللمراجـل نعـاره

-

فيصل ولد تركي زبـون المخاسيـر

غيث ٍ مـن المنشـا يعـم أنتشـاره

-

وجه السعد للضيـق يـوم التباشيـر

تعطي يمينه بالخفـاء عـن يسـاره

-

والذكـر نايـد فاليسـر والمعاسيـر

وكلاً تخلـد سيرتـه مـن مسـاره

-

زبـن الدخيـل ومقـدم ٍ للطوابيـر

عـزام حيـل المرجلـه والسطـاره

-

فعل أبلجن تقدح برأسـه سعاطيـر

ركيـزة المرقـى طلبهـا نـمـاره

-

الفعـل وافـي والدلايـل مصاديـر

عليك شـارات الذكـاء والشطـاره

-

للصاحب أحلا من مزون المزابيـر

ومنك العدو يبطي يطيـب أنكسـاره

-

ميزان الأريـاء يـوم رد الأشاويـر

حكمك وشورك صايب ٍ في قـراره

-

رأس ٍ نبيل أخلاق ضمن الأساطيـر

دمث الجنـاب بعزتـه مـن وقـاره

-

يضحك حجاجـك والنوايـا مغاتيـر

وصعب الصعايب تحكمون أنحـداره

-

للعـز تشهـر والمنـازل مواكيـر

عينـك تعلـت بالنظـر للصـداره

-

قريت أنا أسمك بين كـل المشاهيـر

مخلد ٍ يزمـي علـى خشـم قـاره

-

أقراك ويقرونـك قـروم المناعيـر

يامعـرب الجديـن نسـل النـداره

-

لوحة شرف ماسجلت سالـم الزيـر

دولـه ومثلهـا سفـيـر السـفـاره

-

ألكم وفاء عبرالثنـاء خيـر تقديـر

شكراً يفوق اليـوم معنـى العبـاره

-

تعيـش وتبقـى يابعيـد المـداويـر

ياساس ورمز النصر وأصل أنتصاره

-

رأس ٍ تصـدى للوجيـه المغاويـر

يضرب على الكايـد بقـوة جسـاره

-

قدت السفينه في بحـور الأعاصيـر

وأرسيتها بعـون الولـي بإقتـداره

-

واللي وجب للحق مـن دون تأخيـر

بقولهـا للعالمـي مــن بـطـاره

-

أسمه يهز شعوب من وين ماتصيـر

للعالمـي وإن ثارغـاره وغــاره

-

سيادتـه ماجـات ضربـة مقاديـر

والصعب نصر المجد يعسف أمهاره

-

يقذف حمم نار الشهايـب زمهريـر

يقدم ويغيض الخصم في عقـر داره

-

على صليب العظم مثـل الشواطيـر

منه الخصوم تذوق كـأس الخسـاره

-

صغار ماطالـت ولايصغـر كبيـر

مـال الصـداره غيرنـا بالجـداره

-

وأصفر علمنـا للفخـر دوم تشهيـر

من الشمس لونه فـي تميز صفـاره

-

حنا وفانـا مـن قديـم الأعاصيـر

من دون الأصفـر كلنـا بالإشـاره

-

ميقافنا واحد علـى الشـر والخيـر

على عمار الخصـم نبنـي دمـاره

-

لاجات ميـلات الزمـان المعاثيـر

نفديـه ليـن يعـود لأمجـاد كـاره

-

نبقالـه كنـوز وذخايـر بواتـيـر

مع العالمي حتـى يعيـد أحتكـاره

-

على جرام الوزن حسـب المعاييـر

كأس الذهب كامـل مكمـل عيـاره

-

وسنود ترقاهـا وغيـرك محاديـر

واللي بـذر للكـره يجنـي ثمـاره

-

واللي ظهر بالمسك في نفخة الكيـر

يخرج من ثيـاب الستـر للعيـاره

-

واللي تعود يدهـن السيـر ويسيـر

ماعـاد يميـز ليلتـه مـن نهـاره

-

مغيريـن الحـق بالـزور تغـيّـر

واللـي يزرالثـوب يفـكـك زراره

-

حمله عليه أثقل من طويـق والنيـر

مـن زود همـه سايلاتـن عبـاره

-

واللي غناته سحت وأقـوال تزويـر

يفرض على نفسه أسلـوب الحقـاره

-

يامدورين العلـم وصـدق التفاسيـر

واجب علينا النصـر نفـدا شعـاره

أخوكم : سعد المسعودي
[ الحرالأشقر ]

صـح لسآنك أخوي سعد و اعتلا شانك
آبيات رآآقت لي كثيراً و ابو تركي بستآآهل
أعذب التحايا و أرقها لشـخصك
بالتوفيق لكحيلان و النصر

يامدورين العلـم وصـدق التفاسيـر

واجب علينا النصـر نفـدا شعـاره

ـــــــــــ

الله الله صح لسانك وحفظك الله
استاذي الغالي والشاعر القدير
سعد بن نايف المسعودي
بيض الله وجهك كلمات رائعة وجميلة
وسمو الامير فيصل بن تركي يستأهل كل خير
شكرآ لك والله يعطيك ألف عافية يالغالي
بالتوفيق لكحيلان وللنصر ولك
ولكل عشاق النصر العالمي

الله عليك ياشاعر العالمى المبدع

كل بيت عن معلقه صح لسانك واعتلا شانك ولاهنت

ويستاهل العالمى وكحيلان ربى يوفقهم

والف شكر الك

منور منتدانا اشكرك ع الابيات صح لسانك والامير كحيلان يستاهل
بالتوفيق يارب ارق تقييم

صح لسانك ياشاعرنا المبدع

ابو تركي يستاهل كل خير يكفي انه نقل النصر نقله رائعه

والان نلعب في صفين متكافئين في المهارات والفن والإبداع

بالتوفيق لكحيلان ولنصصصري وإن شاء الله نتوج الفرحه بدرع الدوري

وكأس ولي العهد وعقبال كأس الملك

ياهلا ومرحبابك

صح لسانك وفالك التوفيق

لا عدمناك يالحر الاشقر

الله عليك يا مبدع
كلمات رائعه وجميله

صح لسانك يستاهل كحيلان

	مشكووووووووور^*&*^والله يعطيك الف عافية وبالتوفيق للعالمي