[ لا تتركين أحدٍ يحس بَ وجعنا ] ..!

’,

لا .. يا هوى القلب المعنّى و رجواه
لا تتركين أحـدٍ يحس .. بَ وجعنا !

ما ظنّي أحـدٍ يحمل .. اللي حَملنـاه
حنّا .. خِلقنا و المعانـاه ( معنا ) !

الهـم بادرنــــا !! و حنّـا .. كتمنـــــاه
و الوقت شتّتنا .. بعد ما اجتمعنا !

و الصبـر .. حنّا فـ الغرام إبتدعناه
لكن حساااافه .. صبرنا ما نفعنـا !

ما مــرّ يـوم ٍ في بُعدنـا .. ما بكينـاه
من ضيقنا .. كن الوطن ماوسعنا !

و لامن ذكرنا وقتنا .. اللي قضيناه
صحنا بعالي الصوت محد ٍ سمعنا !

لـ الوصل دربٍ من عنانا .. مشيناه
و تاليه لـ دروب المفارق / رجعنا !

يوم ٍ جزعنـا .. من حُمــول المعاناه
محدٍ درى عن حالنا .. لو جزعنا !

أرواحنــا .. تلقى بعض فِ المناجاه
نبحـر و ننسى هَمّنا .. اللي تبعنا !

ما واحدٍ منّـا .. ( تنكّر ) ! لـ مبداه
بِ إحساسنا ما قـد شرينا و بعنا !

لو غيرنا .. زلّت به أقدامه و تـاااه
و أهداف عمره كلّها : دون معنى !

حنّا عرفنا الوقـت .. فـ أوّله و أتلاه
لو ينخدع به غيرنا ( ما خدعنا ) !

و يانور عيني .. بادليني المواساه
يكفي ترى من ما دهانا .. شبعنـا !

أرجوك ! كفّي دمعتك و إكتمي الآه
لا تتركين أحدٍ يحس .. بَ وجعنا !

لـ .. شاعرها :/ !