فدووة عيوونكك

فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لَى جتني علومك بشاير
و ازعّل جميع الناس بالحيل و ارضيك
و اصبر ولو دارت علَيّ الدّواير
و آخذ من ايّامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البيّنه و السّراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير
من اشعاار (خالد الفيصل)
تقبلووني اختككم
"الاميرة الصغيره"

قصيده جميله ومو مستغربه منك ومن ذوقك فالنقل اختي ..

صح الله لسان دايم السيف ولاهنت على الانتقاء الرائع...

ماشاء الله ابيات روعه الله يعطيك العافيه
ولجهودك يالغلا اميره روعه
اشكرك

من اجمل قصايد دايم السيف
ألف شكر يالاميرة
+
وسام
^__^