(( قصيــدة الحمـول البـلايـــا ))

(( قصيــدة الحمـول البـلايـــا ))
يا الله ياللي كاشفٍ بعض الأسرار
الواحد الغفار جزل العطايا
إنك تعين اللي على الوقت صبار
شيال صعبات الحمول البلايا
اللي ليامنه تلفت بالأَنظار
كنه يشوف قلوب سود النوايا
مجنون صاحي ماتقيد بالأخبار
عقلي براسي.. والعرايا.. عرايا
قم ياعريب الجد يانسل الأحرار
سم الرسالة وأحتفظ بالوصايا
واركب على اللي لامشى يطوي القار
أخر موديل مكملي باعتنايا
من الوكاله سم طبلونه أصفار
حوتٍ مكمل من جميع المزايا
مني توجه يم وافين الأشبار
والله يعينك كم قدمك ولايا
قدمك دولي كلها جبال وأبحار
قدمك فجوج متعباتٍ شقايا
يارب تستر تنقذه من الاخطار
واتبسط اللي شامخاتٍ هوايا
والحمد الله هاتفه عبر الأقمار
يرسل ويلقا.. في جميع النحايا
وأقل من ليله من يمين ويسار
أرسل عليه وخاطبه في ندايا
هلا يرحب ويتحمد بالأَسفار
الوافي اللي وافياً للوفايا
في مجلسه تلقى غرانيق ووجار
وعود تعاطابه بعاد الهقايا
وخذة الرسالة مكرم الضيف والجار
اللي رفيقه ما تجيبه الخطايا
لا يا ولد جدعان من نسل سنجار
انا اتذرى فيك مثل السرايا
لا قلت الحيله وقل الاشوار
شر الخصيم وحاسبتلك اعدايا
قله يهدي مبعد عن الاقطار
واللي نبي بكره تجينا هدايا
رجل بلا ربعٍ تقديه الاشرار
يا صار ماله مكرمين اللحايا
الدرب متعب قدمه اجبال واسوار
مسباع ليل جايعاتٍ ضمايا
هذا زمان فيه لفة ودوار
هذا زمان الدسدسه والحيايا
هذا زمان فيه منكر ونكار
هذا زمان الدنفسه والسحايا
فصيلةٍ زادت وزادً الامرار
كحة ونشله والبلا بالخلايا
والله من شيٍ تخفيه الاقدار
ويا بو فهد منهو يعرف الخفايا
اقولها واعلن بها.. سر وجهار
ربعي جبالٍ نايفاتٍ علايا
ربعي لك الله باللقاءكنها النار
خصيمها يارد حياض المنايا
ربعي قرم ومتعبة قب الامهار
ستر وذرى مثل الجبل والحجايا
تمت بذكره ياملا خير مختار
الواحد اللي في يديه العطايا
الواحد القهار النافع الضار
بأمره فلج موسى البحر فـ العصايا
(( للـشــاعر .. فيصـل دليـل الجـويسـري ))

ابياااااااات راائعه
سلمت يمناك اخوي في نادي النصرقبري
لاهنت

ابياااااااات راائعه
وجميله مثل ناقلها
لاهنت

كلمات جميلة ورائعة ننتظر شي للنصر