صوتك يجيني

لامن سكني الليل صوتك يجيني
صوت يصحي ليلتي كنه شروق

صمت الليالي هو ظما القلب فيني
وصوتك عساه اليوم يروي به عروق

ليتنني عرفتك قبل ماتعرفيني
وليتك سمعتي بناظري صرخة الشوق

يابنت جور الوقت يصرخ بعيني
وكل القلوب فذا الزمن مالها حقوق

لو انها قد بكرت بك سنيني
نذر علي انصاك ماعاقني عوق

مير البلا قيد الزمن في يديني
وقلبي من افعال الزمن كله حروق

دامي سجين امسي فلا تحتريني
ولا تصدقي لو قالوا الوقت ملحوق

لاتجرحي صمتي ولا تسأليني
اقري جوابي دمعة في ذرى الموق

وسلامتكم

{ جوجل }

رووووووووووووووووعه يا غالى صح لسانك

صح بدنك يالذيب الاروع مرورك ومشاركتك
تحياتي لك

اشكرك للطرح القصيدة الرائعه وليس بغريب يعافيك يارب مبدعنا جوجل

الله يعافيك روحي العالمي
الف شكر على مرورك ومشاركتك
تحياتي لك

صـــــــــح لســــــااانك استاذي الغالي جوجل
كلمـــاااات رااائعة جدآ
ربي يوفقك ويحفظك ويرعااااك

قصيدة اقل مايقال عنها انها رائعه
شاعر متمكن ماشاء الله
مشكور على الطرح المميز

الف شكر لك ياجوجل وصح الله لسانك ...

صح لسانك وعلا شانك
ابيات رائعه اخوي جوجل
يعطيك العافيه ع الابيات الرائعه
لاخلا ولاعدم

الله على الجمال الله على الابداع اخيرا عاد الامتاع بعد غيبة طويلة
صح لسانك اخوي الغالي جوجل
يعطيك العافية