قصائد لشاعر الحزن : سعد الميموني

مسائكمـ رقيق بعذووبهـ الشعر
اخواني واخواتي .. اسمحو لي اقدم لكم مجموعة من القصايد
لشاعر الحزن الرائع الشاعر / سعد بن جزاالميموني
...
قصيدهـ : قلي بربك
القصيدهـ :
قلي بربك يا بعد عمر مغليك...
وشلون خنت الي محرم يخونك!!
وشلون هانت رجفتي يوم انا ارجيك..!!
وشلون هانت دمعتي في عيونك؟؟!!
وشلون بعت الي بهالناس شاريك؟؟
قلي علامك بعت ناس يبونك!!
قلي بربك دام ان الصدق هاويك..!!
شلون بحيا باقي العمر دونك؟؟!!!
قلي بربك حالي اليوم يرضيك؟؟
طايح بريح والسبايب طعونك!!!
طايح بريح ِ انختي بك واناديك...
ودي تقول ابشر حبيبي يا عونك..
واثرك تقول :ابعد انا اليوم ماضيك...
وتروح تتركني بلحظة جنونك!!
وقف قبل لا تروح ربي يخليك!!
دامك رفضت احيا حياتي بكونك..
ارجوك قبري تحفره اليوم بإيديك..
يحرم عليّ العيش يازين دونك!!!
...
قصيدهـ : الموت ناداني
القصيدهـ:
يا خلي طالبك ترجع انا بدونك الام وحزان
انا بدونك ولا حاجه واحس اني بنهاياتي
يا خلي ارحم اللي عاش بدونك بالأس وحرمان
بدونك ما يواسيني بهمي غير دمعاتي
انا ناسي جميع الناس ولاني ذاكرنا انسان
انا مذكر سوى خلي ولا غيره ساكن بذاتي
يا خلي ضاقت الدنيا بعيني وعشتها منهان
بدونك غابت الفرحه وغابت معها بسماتي
اعيش الحسره وبضيقه ولا أحدا بالعرب دريان
اشوف الموت ناداني يبيني اكتب اوصاتي
يا خلي طالبك طلبت يتيم منحرم لا مان
دموعه دوم بعيونه وعايش بالمعاناتي
طلبتك لا يطول البعد حرام بعد الترف ننهان
حرام تبعد حرام تروح وتتركني بحسراتي
انا والله بعيوني ودمع ارضيك اذا زعلان
وربي ما حدا صابر يعيش بمثل مأساتي
يا خلي ارجع وكذب من اللي قال خلك خان
وتعذر قلهم مشغول او مسافر وراح تاتي
تعال وقول للعالم انا ويا سعد خلان
احبه ولا نسيته يوم ولا حتى بنياتي
حبيبي عمري ياروحي عشيقي يا اعز انسان
وجودي وراحتي وفرحي مناية انت وحياتي
انا احبك انا احبك انا احبك انا هيمان
امانه لا تخليني حبيبي بحزني واهاتي
امانه خلي ارجع لي ترى طايح انا و مرضان
تراي ان كنت ما تدري كتبت البارح اوصاتي
...
قصيدهـ : تكفى ياموت زرني
القصيدهـ :
خلي هجرني تكفى ياموت زرني
وان ماقدرت دلني مكانك وانا اجيك
مابي حياتي دام خلي هجرني
مابي حياتي دامه يقول مابيك
يدري بظلم الناس يدري وظلمني
واكد كلام اللي يقولون ناسيك
لكن قبل لاتاخذ الروح مني
باسأل حبيبي كم سؤال واخاويك
وشلون قلبك ياحبيبي تركني
وتد ري بخفوقي كم له سنين هاويك
وماتدري بعادك وصدك ذبحني
وما تدري عن دمع نثرته وانا ارجيك
اسال جميع الناس وش صار عني
اسال وش اللي صار في حال مغليك
لوعلموك وش كثر همي وحزني
من يوم حبي انتهى وصار ماضيك
لو علموك عن قلبي اللي يوني
مطعون يصرخ يشتكيلك يناديك
لو عاش عاقل عيشتي كان جني
حالي لو تشوفه بعيونك يبكيك
صار الحزن هو لعبتي صار فني
ابكي ندم والله الى حل طاريك
ضيقت صدر ويا الهموم اسكنتني
احكي واكمل ولا ماقلت يكفيك
اللي سمعته بسبتك انت جتني
عطيتني كرهك وانا الحب معطيك
ضاعت سنيني وانا بالحب أبني
قصوور وانهدت سبب فعلت ايديك
جاك الوفا والحب والعشق مني
حتى الوله والشوق والصدق معطيك
قلبي وفالك وانت قلبك خدعني
خدعت قلب كان بالحب شاريك
بكذب وخيانه وغدر قلبك حضني
في وقت قلبي فيه يسهر يداريك
ماكنت أظن قصدك بحبك تذلني
ذليتني من بعد مامت انا فيك
هذي حقيقة بعض مامنك جتني
وبعض اللذي اسقيتني انت با ايديك
ماكنت ساكت خايف بس لاني
ميت بحبك ما أقدر ازعلك واشقيك
حرّمت اقولك من محبتك عطني
مادام غيري في محبته مرضيك
ببعد بعيد واوعدك ما احني
ابشر اببعد ومع حبيبك بخليك
خلصت هرجي الحين ياموت خذني
تاركلك الدنيا بها الله يهنيك
واذا سأل في يوم انا انسان عني
قله توفى والسبب طعن بيديك

الله يسعدك طرحك اكثر من رائعاشكرك على جلب من قصائد الشاعر
الرائعه لاهنت يالطيب

حياك الله اختى روح

لاهنتى للمرور