الرفيق اللي تحبه تبره بالمجي

يقول الشاعر


ماحلا الفنجال الأشقر من ايد القهوجي

بين وافين المراجل وفنجاله يدور

في محل اسنافي(ن) مايشاهد لجلجي

لا تقفى غايبين(ن) ولا زعل حضور

سجة المسيار للقرم هذا منهجي

دام رجلي صوب بيته يساعدها العبور

الرفيق اللي تحبه تبره بالمجي

مثل مابريت نفسك بتجنيب معثور

والسماجه من يجي عند اهلها يسمجي

يامدور للوفا كيف ترضى بالقصور

رافق العراف وبأنصحك من الأهمجي

كل ماتمشي مع اللاش مازانت الأمور

والنصايح بين الأحباب سلم يدرجي

وانت سامحني ترى كل راس(ن) فيه شور

اقبل المخلاص واحذر تطالب دعوجي

ويش تبغي بالطلايب وحفار القبور

لا تقول اني شطير(ن) اعرف المخرجي

اكثر العالم شطير(ن) ويبلش بالظهور

كم تعزوا واحد(ن) قال مامثل إحججي

وانغلب في حجته وإنفهاقه صار عور

ومن عصى شور المطاليق خله يحرجي

لين يشبع من ملاوم محككة القدور

مستعد(ن) للطلايب بخيل(ن) تسرجي

ماتعلم من مدارس طويلين الشبور

والحياة ايام تمضي وعاده يرتجي

والعمار محدده بالسنين وبالشهور

ومن ترجى غير نجوى المنجي مانجي

صاده الصياد لو كان في برج القصور

اشكرك للابيات يعطيك العافيه

الله الله الله على هذا النص الشامخ اللي على الذائقه الرفيعه مرحبا مليون بك عضو جديد معنا في المنتدى واتمنى لك التوفيق في قادم المشاركات والى الامام..

أبيات جميلة يا وجدان
إختيار مميز
تستاهلين الوسام
^_^

صح لســــــــــــانك

آخختيآر رآئعع صرآحه
آبيآت ف قمة ألروععه
يعطيكك آلعآفيه ~
نوددآ