سجل حضورك ..... بأبيات تعجبك

من دون ماأقصد ياهوى البال مريت
قدام بابك وأنجبرت أشتكيله..
ياباب قله في عذابي تماديت
ومرت على فراقه سنين طويله..
شوقي فضحني في عيوني وصديت
الدمع مايرحم وماقويت أشيله..

لا تطيع الهم .. لو همك كبير ..
قل لهمك "لو كبر.." لي ربـ أكبر ".
[ بالصلاة ] يهون كل أمر عسير..
يكفي إنك تبتدي بــ [ الله أكبر ] ..

إذا شفتني (مغليك) إيَّاك و "الصد "..!
ترى [ التغلي ] درب تشتيت الأحباب..!




و لا تسمع اللي يقول : ( إثقـل ) تشدد ..!
ترى أغلب الضيعات من [ شور الأصحاب ] ..!

لو شفت حالي .. كيف عايش بلياك
تبكي على حالي وتكره غيابـــــــــك ..
سولف لي عن غيبتك .. وشلون دنياك ؟؟
عساك تضحك والحزن مادرابـــــــــك
لامــــر طيفك قلت اقلط وحيــاك ..
وسط الفؤاد اللي هواك وشقى بك

{..
رحلت بالتفكير .. و الجو خالي ..
. . يوم ان صوت الشوق يأمر وينهى ,
ذكرى و بصفق باليمين الشمالي ..
. . و اقول دنيا الحب محد ضمنها
..}

ربعك إلى بان الخلل فيك عافوك
أقرب قريب لك من الناس يشناك
إن كثر مالك صدقولك وطاعوك
وإن قل ما بيدك شانت حلاياك
لو تطلب الماء عندهم كان ماأسقوك
أبعد مزارك عن وطنهم ومرباك
وإن طاب حظك اصدقولك وحبوك
وإن بار كل ما يبي غير فرقاك

لا تخاف أسلم ،، ترى صدري وسيع
[ والكلمه إللي قلتها لي ،، ( وافيـه ) ! ]

لا صارت الهقوة مطر !! ،، قلبي ربيع
[ وإلاّ الجروح إن زادت " أجر وعافيـه " ]

أفـرح وأنـا قلبي نسى طعم الأفـراح
والحــزن معطف شايله فوق متني

قلبي على حــزنه تعوّد ومرتـاح
أدمنت همّي والهمـوم أدمنتنـي

اثبت لك اكبر دليل ان الزمن جاحد
وإن المفاهيم عند الناس مختلطه

أفعالنا الصح يلغيها غلط واحد
وأفعالنا الصح ماتلغي ولا غلطه!

الشــاهد الله بدونك ضايق صدري..

يفزّ القلــب لأجابــك الطـــاري..

أنــا ذبحنـــي غيـــابك وانت ماتدري..

قلبــك بعيد وانت تسكـــن أفكـــاري..