يا كبش لا تنطح ولا عاد أبنطحك كلٍ يدوّر في حياته طريقه

صوت الصورة



إعداد - بكـر هــذال
يا كبش لا تنطح ولا عاد أبنطحك
كلٍ يدوّر في حياته طريقه
أقولها لاشك أبنصحك.. أبنصحك
هذا العشم والكل يفهم رفيقه
والله لو تقربني اليوم لأذبحك
وأحط لحمك للاوادم سليقه
طلال غارم آل فرحان - الرياض

صورة طريفة في خزامى الصحارى
يريد ذبحه لكن قوي العزومي
حاول .. وحاول قبل فوت النهارى
العيد قرّب والاوادم تسومي
سعود سمران الدوسري

جتنا الضحايا وأبتدا الكل يبتاع
فيهم جشع بالبيع وأسعارهم نار
البعض منهم عادته دوم طمّاع
من فعلهم ياما به الناس تحتار
فيه الجلب من كل الأقطار وابقاع
لكن نشوف نفوس تلعب بالأسعار
محمد بن عبد العزيز الخنيفر - أشيقر

ما تنطبق يا خان كلمة نطيحة
على الطلي واللي يحارشه يمناك
ان كنت صامل ضحيتك ذي صحيحة
ملحى سمينة ولا تردد بمشراك
قسم وكل وادع للموصي بضريحة
اللي على القربان يا خان وصاك
سعود بن عبدالعزيز الهزاع - نعام
سوق الغنم في بلاد الخان
يضم صفو الشريطيّه
الكبش الأقرن أبو الطليان
يناطح غريمه بعصريّه
يقول أنا سيد الخرفان
وضحيتي خوشها ضحيّه
عبدالعزيز الصالح - القصب

ﻻ توذي الكبش يا رجال
خلّه إلى حينٍ نفدي به
حذرا ترى ينطحك بالحال
غالي ثمن والغلا طيبه
حدوا سكاكينكم بالعال
وافي و يوفي مطاليبه
حمد عبدالله الوايلي - حوطة سدير

هذا خروفٍ صعب أحذر قرونه
افطن لنفسك لا تصير الضحيّه
رفيق وربعه للأسف يقهرونه
عنده قرونٍ لا ضرب به قويّه
أحذر يجي به عيب لا تفقدونه
وضاعت فلوسك بين روحه وجيّه
ريان بن محمد الخنيفر - الرياض

قفزة قوية من خروفٍ سميني
وهذا الولد شاطر ولكن هيهات
يمكن يصيبه من يسار .. ويميني
الحرص واجب في كثير المهمات
بشائر القحطاني - الرياض

صديق خل الطلي حذرا تحداه
واضح نشاطه زيادٍ عن نشاطك
كم واحدٍ بأسباب جهله فقدناه
لو شق بطنك كان بانت خياطك
نصيحتي لك تأخذ العلم تقراه
أبعد عن الأخطار وألزم حياطك
خالد بن ناصر المخيمر – روضة سدير

ابيات فكاهيه جميله احتوت على صور متعدده
المواقف والطرائف مع جزالة
الشعر
شكرا لاختيارك الموفق اختى
ضامي بطوله

مشكوووووووووووووره

مشكورين للمرور الرائع,..

روحي العالمي اعتدنا من معرفك التميز في النقل امنياتي لك بالتوفيق والئ الامام ان شاء الله..

ربي يخليك منور حيل مشرفنا الله يعافيك
لاهنت للمرور بارك الله فيك ارق تقييييم