كسوة الحشمه...

لا تحسب ان المنطوي ما له احساس
لو يخفي الام الجروح العميقه


خصوصاً الى صار مرهف وحساس
العين غرقا والمشاعر رقيقه


تنتابه الضيقه مع كل نسناس
ولا يحرقه مثل السموم الصديقه


عند الهوا ما يختلف مستوى الناس
يضيق ساعه من تهنا دقيقه


الا على الطيب فلاباس لاباس
لو حدته بقعا وجفّت بريقه


لا ضاقت الدنيا على طيب الراس
يبين فعيون النشاما مضيقه


ولا الى ضاقت على خايب الساس
يضيق ولا يمّبسط في حريقه


هنا تشوف الفرق من بين الاجناس
ويبيّن الطيّب بلمعة بريقه


خذها معك عبره على صدر كراس
واخذ الحقيقه لا بغيت الحقيقه


اللي لبس من كسوة الحشمه لباس
يموت ما ينسى معزة رفيقه

روووووووعه صح لسانك

صح لسانك اخوي ولاهنت للابيات اشكرك

صح لسانك اخوي نصراوي العصر
متميز دائما في كل ماتكتبه
تحياني لك

صح الله ابدانكم جمييع والله لا يهينكم علئ المرور المشرف...

لا ضاقت الدنيا على طيب الراس
يبين فعيون النشاما مضيقه


ولا الى ضاقت على خايب الساس
يضيق ولا يمّبسط في حريقه



صح لسآآآآنكك شاعرنااا

متأألق كعااادتكك

الله يعطييك العااافيه ..وماننحرم من جديدك

صح الله بدنك اختي طيف ولاهنت ملاحظ عليك اختيار الابيات اللي عليها اعتماد القصيده وهذي دلاله على ذائقتك الرفيعه من غير قصور في الجميع ... الف شكر لكم على المرور ومروكم وسام على صدري ولا خلا ولاعدم...