::ما دمت تنشد يا رفيقي عن الحال::

مادمت تنشد يارفيقي .. عن الحال
مالي على كتمانها عنك .. حيله

الصبر عن بوح الاحاسيس .. قتال
والبوح في بعض المواقف ، فشيله

لو كل مايطري على البال ينقال
ماكنت أحس ان الثقيله .... ثقيله

ابطيت اكافح ضيقة البال بالبال
وادفع بلا هاجوسها كل .. ليله

لين اقبلت مثل .. السحابه بهمال
تشفي غليل اللي .. تزايد غليـله

رعــــــادها خـــــيلاً تـــدابك وتختال
وبراقها لمــع السيــوف الصقيلـــه

طاحت ، ولاْوفق من حناياك منزال
وسع فضى صدرك ( لـ فيض ) المخيله

يابدر .. !!
يابدر .. ماني عال .. لو صحتي عال
شفني من الصدمات نفسي عليله

اشيل حملٍ .. لو يشيلنه .. جبال
الله ، وامانه .. غير تصبح نثيله

أرمي .. من هموم الزمن .. واسحب أدبال
وانزل عن ( الجوكر ) وغيري يشيله

من كثر ماشفت بحياتي من انذال ....!!
بديت اشك ان النذاله ... فضيله

ماطاح من عيني رجل ..!! طاحوا .. رجال
ورجال ( يابن حنيف ) ماهي قليله

اقرب من اللي قالهم ضمن ماقال ..
راكان بن حثلين .. راعي الجزيله

( هذا .. ولد عمٍ ، وهذا .. ولد خال
وهذا .. صديق مالقينا .. بديله )

سبحان منهو يابدر غيّر الحال ..!!
وحط الجفا بين الخليل .. وخليله

هذا الزمن يبغاله .. لسان دلاّل .. !
من يستحي هالوقت .. واعزتي له

وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!

ومن كان ساسه للردى مضرب امثال
اليوم .. يحسب من كبار القبيله ..!!

المال .. يابن حنيف ملعون .. ابو المال
ذل العزيز .. وعز .. ناسٍ ذليله ...!!

الله على جمال اختياراتك قصيدة رائعه من اولها لأخرها


من الصعب ان تمنح نفسك وسام لاكن تستحقه
تحياتي لك
جوجل

يعطيك العافيه
ابيات جمييله #

الله يعطيك العافيه يارب اخوي ولاهنت جميله
جدا اشكرك

صح السانك يالغالي ولا هنت
قصيدة رائعه كروعتك
تسلم يمينك يالامير
بإنتظار الجديد و الرائع من عذب مشاعرك.

تقبل مروري المتواضع..

المشاركة الأصلية كتبت بواسطة جوجل

الله على جمال اختياراتك قصيدة رائعه من اولها لأخرها


من الصعب ان تمنح نفسك وسام لاكن تستحقه
تحياتي لك
جوجل

يا حيالله جوجل
أحرجتم تواضعنا و أنا أخوك
أعتز بهالوسام منك ^_^
أهلاً

المشاركة الأصلية كتبت بواسطة جـوودي♥

يعطيك العافيه
ابيات جمييله #

الله يعافيك .. الجمال مرورك جودي
مرحباً مرحباً

المشاركة الأصلية كتبت بواسطة روحي العالمي

الله يعطيك العافيه يارب اخوي ولاهنت جميله
جدا اشكرك

الله يعافيك روحي العالمي
الجمال مرورك
العفو .. أهلاً

المشاركة الأصلية كتبت بواسطة أبو ثنيان

صح السانك يالغالي ولا هنت
قصيدة رائعه كروعتك
تسلم يمينك يالامير
بإنتظار الجديد و الرائع من عذب مشاعرك.

تقبل مروري المتواضع..

حيالله حيالله
الأمير أبو ثنيان ... صح بدنك يالغالي
أسعدني مرورك
أهلاً و سهلاً

ألف شكر لك على النص الجميل ،،