اللي من الشـوق ترواني وتضمآني _ كلش ولا اللي يبي يجرح مشآعرهآ

مدخل :
ثلاث مرات وانت تدور فراقي
وثلاث مرات وانا اقول لا ترحل
الظاهر ان الغلا ما عاد له باقي
بين وبينك اشوف الوضع مستفحل

يا همّ / رح نام لاتسهر علشاني !
عيونك اقراء تعبها في محاجرها
ارتح وانا جروح روحي وضعها ثاني
ضلوع صدري عليها .. الله يقدرها
ماهو غريب ان سهرت الليل وحداني
كل الليالي .. بلا خلان ساهرها !
رح خلني عايش ِ في غربة اوطاني
اجمع بقاياي قبل الصبح وانثرها !
مابين صبري على ياسي وحرماني
ومابين الايام ماضيها وحاضرها
انسى اني اللي يشيل الجرح ويعاني
وارجع لـ .. هاك الليالي واتذكرها
كم جابني درب والا .. كمّ وداني
على طعون المواليف .. وخناجرها
شاعر ويكتبني احساسي ووجداني
وقصايدي في ( حبيبة قلب شاعرها )
كتبتها شعر .. من يقراه / يقراني
حفظتها .. دمعة ماني بـ ناثرها
غنيتها .. واصبحت معزوفة الحاني
رسمتها وابهرت من هو يناظرها
تعيش في داخلي وتحرك اشجاني
لو في الحقيقه ظروف الوقت تقهرها
لو تطلب عيوني الثنتين بـ.. العاني !
في ذمتي ذمه اني ما اتكاثرها
كم ليله الشوق سريته وسراني
كنه يقدي خطاء رجلي على آثرها
العام .. خلتني انسى الناس من داني
ملت حياتي من اولها ليا اخرها
وقبل تمرّ التباشير .. وتعداني
عن ساحل الوصل مبحرة ٍ بواخرها !
يا كثر ما احتاجها , لكن ما امداني
راحت ودنياي ماني بـ .. متصوّرها
حتى التفاكير .. تامرني وتنهاني
وآسدل على مسرحيتها / ستايرها
ان طال صبري على سجني وسجاني
ايامي المقبله .. وشلون ابصبرها
صحيح جاني من الايام ما آكفاني
لكن فدوه .. وعزالله عاذرها
اللي من الشوق ترواني وتضماني
كلش ولا اللي يبي يجرح مشاعرها !

مخرج :....................
اصعب سؤال بحياتي العاشق الشاقي
اللي طرحته عليك وما لقيت الحل

وشلون ترحل وحبك وسط الاعماقي

وانا نويت الرحيل وما قدرت ارحل

رآ‘قت لي