مـا كـل مـن ربـا الـشـنب صـار رجـال ....

مـا كـل مـن ربـا الـشـنب صـار رجـال .... بقلمي


يا صاحبي حياك مليون تنقال
في وجهك مثلك يا مرد الطليبه


يا صاحبي اشرب من الكيف فنجال
في مجلسٍ كل العرب تلتقي به


يا صاحبي بنشدك عشرين موال
وابغى جوابك كان تقدر تجيبه


بانشدك انا ليش العرب تشكي الحال؟
ليش الهدف بالناس محدٍ يصيبه؟


ليش المدامع تحرق خددود الاطفال؟
ليش السكوت وعين عقلك قريبه؟


يا صاحبي ليش البشر تعشق القال؟
ليش الكذب بالناس محدٍ يعيبه؟


ليش الفقر زايد على مر الاجيال؟
ليش السكوت وعين عقلك قريبه؟


يا صاحبي ليش الكرم يشرح البال؟
ليش الرجال عن الرجال تحكي به؟


ليش الشجاعه بالعرب مضرب امثال؟
ليش المروه فـ الرجال العريبه؟


يا صاحبي وشهوله الناس تختال؟
ليش الكبر والظلم واخذ الغصيبه؟


ليش البخل فـ الناس باقي وما زال؟
ليش الحسد والفجر واكل المريبه؟


ياصاحبي وشهوله نفرح انذال؟
يمناي في يمناك ولا غريبه؟


ليش البشر من البشر تكره وصال؟
ليش السؤال اليوم محدٍ يجيبه؟!


يا صاحبي اسمع كلامي والاقوال
وافهم مرامي افهمه واعتني به


ما كل من ربا الشنب صار رجال
وما كل ما تبغى يدينك تجيبه


وما كل ما ينزل من الفوق همال
وما كل مرضانٍ يلاقي طبيبه


يا صاحبي احفظ وخيات الانفال
واحفظ كلام الصادق الي يحكي به


وصلاة ربي يوم تنذاع الاعمال
على حبيب الامه الله يثيبه








الشاعر


عبدالعزيز العضياني

قصيده رائعه ومميزه وانت دائما مميز ننتظر جديدك

راااااااااااااااااااااااااااااااااائعه
كعادتك>>>>قلبت فصحى


المهم


جنااااااان



يسلموووووا

صــح لسانك


وتسلمـ الأيادي ’’

ابيات رائعه
يعطيك الف عاافيه اخوي ع الطرح الرائع
لاهنت

ابيات جزلة مشكور

الله يسلمكم مشكورين المروركم

صح لسآانك تسلم

انشهد ماكل من ربا الشنب رجـال

بعض الاشناب ماتستاهل الشنب قلم سبورهـ ويخب

تقبل مروري

قصيدة في قمة الرووووعه
تسلم الأيااااااادي
تقبل مرووووووري

يسلمووو خيي على هالأبيات الراااااائعه
تقبل مروري