غلطانة برقم التلفون

قصيدة بنت غلطانه في رقم التلفون!!


البشر في الاتصالات يخطون

يخطون واخطي.. عذرنا هاتف فلان؟؟

ومن عادتي ماهتمّ باللي يقولون

من غلط في رقمي .لقى الردّ غلطان

الين جااء في يوم ..دق ّ التلفون

شفت الرقم.. لقيته اشكال والوان

فتحت جوّالي ابعرف من يكون

سمعت صوت فيه بحّه وفتّان

قالت لي: انت سعود؟ قلت: ايه بالعون.

لعيونك.. اسمي سعود لو كان ضيدان

قالت :اتظنّي مخطئه. قلت :وشلون؟؟

قلبي توقّف مانبض فيه شريان

بالهون يابنت الاجاويد بالهون

من عادة الانسان يرتاح لانسان

تسمّعي يابنت وابليس ملعون

اخذي كلام مصدره صدق وجدان


ماني بقايل لك: انا انسان مزيون

اطرق ولاله شبه في الانس والجان

انا سليمان.. وافي الهرج موزون

اوزن كلامي.. قبل اقوله بميزان

وانا الّذي لاحبّ ..لايمكن يخون

مخلص مدامه حيّ .ويموت ماخان

وانا اذا حبّيت.. حبّيت بجنون

حبّي يفجر داخلي الف بركان

وانا الّذي ماطرد ورى من يقفّون

من صدّ عنّي عمد.. بجزيه حقران

هذي وصوفي .واكثرالنّاس يشرون

وانتي عليك اليوم تقدير الاثمان


قالت :اشوفك قمت ياسليمان تمون

تضحك وضحكتها تقاسيم فنّان

قلت :الميانه.. ماهي بضحكة سنون

احيان ماتلقينهاا بين الاخوان

ترى الميانه شيّ واضح ومضمون

اذا اجتمع شخصين.. في قلب ولسان

قالت :كلامك وافي يابن خلدون

احيان احسّ ان جلستك بين شيبان

ياسليمان .اسمع كلمة البنت ميسون

اسلوبك ووقتك.. مضت دونها ازمان

هذا زمن قدواته افلام كرتون

وهذا زمان ارجاله اجساد وابدان

قالت.. وغنّت لي على وقتي لحون

قلت: اسكتي من بعد ماخاطري شان

انا ادري ان الوقت.. من دون في دون

لكن فمان الله وانس اللذي كان

قلته وانا صامل.. وهي عندها آذون

لكنّها ماصدّقت سمع الاذاان

ضاقت ...وخلق الله دايم يضيقون

وانا قفلت الخطّ..ضايق وزعلان

ونسيت.. والاجواد في الوقت ينسون

ماسمّي الانسان الاّ بنسيان

المشكله..بنات حوّا مايسلون

دقّت علي وانا لها شبه شفقان

قبل آآتكلّم.. قالت: اسمع ولاتهون

اسمي مهو ميسون.. حان الصدق حان

الاسم عمشاء وآخر الجدّ مصيون

مهره ولا طوّعت بلجام وعنان

قلت: ارحبي مليون تضرب بمليون

اقولها مليون من قلب ولسان

قلت: ارحبي في العين ..ولحافك جفون

وظلالك من الشمس باهداب الاعيان

ياعين حر بالمطاليع مفتون

حر شراه مولّع الصيد طربان


تحياتي

شـــــكــــــــرا يـــــــــــــــا الــــــــــــــغــــــــــــــلا


يــعــطــيــك الــــف عــــــافـــــــــيــــــــــة


لك كل الاحترام والتقدير والود


فــيـــصــل

نص رائع
سلمت اناملك
يعطيك العافيه

تسلم يمينك يالغـااالي على الابيات الرائعه ..

فدييييييييتكم منوووورررين

اهنئكـ على روعة اختياركـ
الله يعطيكـ العافيهـ
ابيات راااائعه بل في غااايه الرووعهـ
تحيتي لكـ

منوره بمرورك قلبوو