نقاط مهمه جدا قبل مباراة يوم الاربعاء القادم مع الهلال

بسم الله الرحمن الرحيم

اول شي الف مبروك الفوز والروح والمستوى وماقصروا جميع نجوم النصر

بالنسبه للمباراه القادمه مع الهلال مباراه بوجهة نظري تحتاج لهدوء تام من الجمهور واللاعبين والضغوط كلها على الهلال لانها تهمهم جدا وجمهورهم مضغوط بعد خسارتهم اليوم نقطتين اخرتهم ،،
طبعا راح تكون المباراه لهم ضغط نفسي بكل دقيقه تمر عليهم والفوز هو اهم شي
وعلى المدرب ان يركز على نقاط ضعف واضحه بالهلال

اول شي سد الجهه اليسرى للهلال واستغلال هجمات الشهراني وترك خانته والاعتماد على الكرات الطوليه لمكان الشهراني الفارغ وتقفيل المساحات عليه والضغط على سالم الدوسري والشهراني لان كل الهجمات من عندهم.

2- استغلال ضعف دفاع الهلال الشوارعي بقيادة قايدهم الضايع المرشدي والزوري لانهم نقطة ضعف واضحه جدا والافضل التمريرات التي تمر بينهم وهالشي يقدر عليه ايوفي وباستوس وراح تشوفون كمية اهداف من خلال دفاعهم المتهالك .

3- الاعتماد على الهجمات المرتده وتكثيف الوسط واستغلال ضغط لاعبين الهلال وقتل حماسهم بقتل الوقت واستنزاف لياقتهم وتضييع الوقت واللعب على نفسياتهم لان المباراه مهمه جدا لهم والنصر قادر بأذن الله على الفوز اذا ماحسسوهم الجماهير بضغوط زايده عليهم في حال خسارتهم .

4- تواجد المحورين شايع وغالب بحماسهم القتالي وتركيزهم على الضغط على حاملي الكره ومساعدة الغامدي في تقفيل هجمات الهلال من الجهه اليسرى والضغط على ويسلي لوبيز في الضغط عليه وعدم السماح له بأخذ اي مساحه .

5- وضع مدافع مع مهاجمهم الكوري مان تو مان ومايخليه يتنفس ،، اما في اذا ياسر القحطاني خلوه لحاله لانه راحه للمدافعين ��.

6- لا اوصي اللاعبين في حالة اي خطا وطاح لاعب نصراوي ان يتمدد ويتسدح عشر دقايق على شان يطبخون لاعبين الهلال بروقان ويرتفع الضغط وينخفض ويرتفع لين ينهارون بالكامل وبأذن الله عندي ثقه بأن النصر بأذن الله راح يفوز 3/0 . اذا قدر المدرب يلاحظ نقاط الضعف الواضحه بالهلال ..

اخيرا
اذا لعب نجوم النصر بدون ضغط او تخوف او رهبه
اقدر اقول من الحين الف مبروك الفوز إن شاءالله

واتمنى اي احد عنده علاقه بالاداره الاعتماد على النقاط الي ذكرتها ومحاولة بث روح الحماس باللاعبين وابعادهم عن اي ضغوط نفسيه قبل المباراه.