تعبت اجامل ايامي ولوورتني الاهوال

تعبت من القصيد .. من الجروح .. من انتظـار طـال
تعبت استقبل طعـون الزمن .. واربت على كتفـه





تعبت من الكلام .. من السكوت اللي يهد ّالحـال
تعبت أكثر من الحزن الذي.. ما ينتهـي عزفـه




تعبت من الوعود .. من الصديق الطيّب المحتـال
تعبت أعرف كل اللي .. تعرف الناس بالصدفـه




تعبت من العدو اللي عجز.. يدخل معي بقتـال
تعبت من الظـلام اللي قتلت .. ولا لقى حتفـه




تعبت أسأل من المخطي .. تعبت اردّد المـوّال
ما دامك ما سـقيت الزرع .. ما لك حق في قطفـه




تعبت القى الجواب المقنع اللي ماعليه جـدال
تعبت القى .. طـريقٍ ما يكون بآخـره شـتْفَـه




تعبت اضفي على الصوت الحبيبه وردتين وشـال
تعبت اسـمع صدى شامت يردّد طاحت الغدفه




تعبت أغـازل البسمه على ثغر البكـا .. تخـتـال
تعبت أشـوف شوفي ينهزم .. رغمٍ على انفـه




تعبت اجامل ايامي .. ولو ورّتنـي .. الأهـوال
تعبت أقـول عن حملٍ ثقيل .. اتفه من الأتفـه




تعبت أهـزّ راسي غيظ والقى في يديّ اغـلال
تعبت أسـير خلف الوهم.. لو غيري ركض خلفـه




تعبت أشـد وانزل.. ما ظهر لي طيّـب المنـزال
تعبت من الدروب اللي مشيت .. وكلّها صـلفـه




تعبت أرسم حروفي شمس.. والمح بالوجيه ظـلال
بعض ناسٍ .. تعـرف النور .. بس تقول ما تعرفـه




تعبت وقلت كل اللي اظنّـه " ياخوي " ينقـال
تعبت ابغى القط انفاسي .. اذ لابد من وقفـه

الف شكر لك اخوي على الذائقه المميزه ولاهنت...

يعطيك العافيه ياخوي لاهنت اشكرك

سلمت خيييوعلى روووعة طرررحك
آبدعت في انتقاءئك
دمت ودام لنآ روووعة مواضيعك
ودي

يعطيك العافيه اخوي ناصر قصيده رائعه من شخص رائع